قازاقستان مۇسىلماندارى ءدىني باسقارماسىنىڭ قۇرىلعانىنا 30 جىل تولۋىنا وراي كوپتەگەن يگى شارالار ۇيىمداستىرىلدى. پاندەميا كەزىندە ءمۇفتيات قايىرىمدىلىق باعىتتا بىرقاتار شارالار اتقاردى. بۇل تۋرالى قمدب ءباسپاسوز قىزمەتى حابارلادى.

«سونىمەن قاتار كارانتين كەزىندە ونلاين ناسيحات جۇمىستارىنىڭ ماڭىزى ارتتى. دەگەنمەن اقپارات عاسىرىندا جاڭا تەحنولوگيانى يگەرىپ، ناسيحات جۇرگىزۋ مەن اقاپارت تاراتۋدىڭ تەلەۆيزيالىق ءتاسىلىن وزىمىزدەن باسقارۋدى ۇيعاردىق.

وسىعان وراي قمدب جانىنان رەسپۋبليكالىق «حالىق ارنا» اتتى ءتول تەلەارنامىزدى اشقالى وتىرمىز»، - دەلىنگەن حابارلامادا.

قازىرگى تاڭدا ارناعا قاجەتتى كونتەنتتى جيناقتاۋ جۇمىستارى اياقتالعان. ءدىني باعىتتاعى باعدارلامالار، سۇحباتتار، سيۋجەتتەر مەن بەينە-روليكتەردىڭ باسىم بولىگى قمدب-نىڭ باس كەڭسەسىندە تۇسىرىلەدى. ارنانى «وتاۋ تۆ» مەن «الما تۆ» كابەلدىك جەلىلەرىنەن كورە الاسىزدار.

تەلەارنانىڭ اشىلۋىنا قمدب توراعاسى، باس ءمۇفتي ناۋرىزباي قاجى تاعانۇلى، ەلگە بەلگىلى قوعام قايراتكەرلەرى قاتىسادى.

Abai.kz