قازاقستان مەتالل سىنىقتارىن شەتەلگە ەكسپورتتاۋعا سالىنعان تىيىمدى الىپ تاستاۋى ءتيىس. بۇل شەشىم ەۋرازيالىق ەكونوميكالىق كوميسسيا كەڭەسىندە قابىلداندى،- دەپ جازدى LS سايتى. 

ەەك القاسى قازاقستانعا تىيىمدى الىپ تاستاۋ قاجەتتىگى تۋرالى بۇعان دەيىن دە ايتقان. الايدا ۆيتسە-پرەمەر-مينيستر ءاليحان سمايىلوۆ بۇل ماسەلە ەەك كەڭەسى دەڭگەيىندە قارالۋى كەرەك دەگەن بولاتىن.

بىراق ەەك وتىرىسىندا قازاقستاندىق تاراپتىڭ ءوتىنىشى ورىندالمادى.  سوندىقتان ەەك القاسىنىڭ 2020 جىلعى 13 قازانداعى No125 شەشىمىنىڭ كۇشىن جويدى. ەەك كەڭەسىنىڭ حابارلاۋىنشا، تاراپتار بۇل ماسەلە بويىنشا ورتاق پىكىرگە كەلە الماعان.

اتالعان قۇجاتتا قازاقستاننىڭ قارا جانە ءتۇستى مەتال سىنىقتارى مەن قالدىقتارىنىڭ ەكسپورتىن رەتتەۋ كەزىندە وداق تۋرالى كەلىسىمدى ورىنداۋ قاجەتتىگى كورسەتىلگەن. القا سونداي-اق قازاقستاننان بۇل ماسەلەنى 30 كۇن ىشىندە شەشۋدى سۇرادى.

ايتا كەتەيىك، بۇعان دەيىن قازاقستان مەتالل سىنىقتارىن رەسەيگە جەتكىزۋدى توقتاتقان. قر يندۋستريا جانە ينفراقۇرىلىمدى دامىتۋ مينيسترلىگى مەتال سىنىقتارىنىڭ ىشكى نارىققا دا قاجەت ەكەنىن ايتقان.

سىنىقتاردى ەلدەن اكەتۋگە تىيىم سالۋ وسى ءونىمدى جيناۋمەن اينالىساتىن قازاقستاندىق كاسىپكەرلەردىڭ جاعدايىن ناشارلاتتى.

Abai.kz