بۇگىن - جاڭاوزەن وقيعاسىنا قىرىق كۇن تولدى. جازىقسىز وققا ۇشقان ازاماتتاردىڭ قىرقى. الماتىدا، استانادا، ورالدا جانە ەلدىڭ ءار ايماعىندا، الىس-جاقىن شەتەلدەردىڭ ءىرىلى-ۋاقتى شاھارلارىندا جاڭاوزەن وقيعاسىنىڭ  قىرىق كۇندىگىنە وراي، ءشايىت بولعان جانداردىڭ رۋحىنا باعىشتاپ قۇران وقىپ، اس بەرىلىپ جاتىر.
سوۆەت وكىمەتى كەزىندە ۇلت مۇددەسىن قورعاۋ ماقساتىندا قۇرىلعان «جاس تۇلپار» ۇيىمىنىڭ مۇشەلەرى: مۇرات اۋەزوۆ، مۇرات قۇلمانوۆ، ءساتىمجان سانباەۆ، ماقاش ءتاتىموۆ باستاعان ءبىر توپ ادام جاڭاوزەن وقيعاسىنا قىرىق كۇن تولۋىنا بايلانىستى الماتىداعى تاۋەلسىزدىك مونۋمەنتىنە گۇل شوقتارىن قويىپ، قازا بولعانداردىڭ رۋحىنا قۇران وقىتتى.
مۇرات اۋەزوۆ:
- 16-نشى جەلتوقسانداعى جاڭاوزەندەگى وقيعاسى كەزىندە ماڭگۇرتتەنگەن، ادامسىماقتاردىڭ وق اتۋى سانالى ادامنىڭ اقىلىنا سىيمايدى. اقتاۋعا كەلمەيدى. قازاقتىڭ قازاققا وق اتۋى -  يتتىك.
جاڭاوزەن وقيعاسى كەزىندە اتىلعان وق بىرەۋدىڭ اكەسىن، بىرەۋدىڭ بالاسىن - باۋىرلارىمىزدى الىپ كەتتى. اتامەكەنىنە كەلىپ، بىرىگىپ، ۇيىسا باستاعان قازاقتىڭ ءۇمىتىن دە قيىپ ءتۇستى.
تالابىمىز - وقيعا ەگجەي-تەگجەيلى ءادىل زەرتتەلىپ، ءاربىر كىنالى ادام جازاسىن الۋى ءتيىس.

بۇگىن - جاڭاوزەن وقيعاسىنا قىرىق كۇن تولدى. جازىقسىز وققا ۇشقان ازاماتتاردىڭ قىرقى. الماتىدا، استانادا، ورالدا جانە ەلدىڭ ءار ايماعىندا، الىس-جاقىن شەتەلدەردىڭ ءىرىلى-ۋاقتى شاھارلارىندا جاڭاوزەن وقيعاسىنىڭ  قىرىق كۇندىگىنە وراي، ءشايىت بولعان جانداردىڭ رۋحىنا باعىشتاپ قۇران وقىپ، اس بەرىلىپ جاتىر.
سوۆەت وكىمەتى كەزىندە ۇلت مۇددەسىن قورعاۋ ماقساتىندا قۇرىلعان «جاس تۇلپار» ۇيىمىنىڭ مۇشەلەرى: مۇرات اۋەزوۆ، مۇرات قۇلمانوۆ، ءساتىمجان سانباەۆ، ماقاش ءتاتىموۆ باستاعان ءبىر توپ ادام جاڭاوزەن وقيعاسىنا قىرىق كۇن تولۋىنا بايلانىستى الماتىداعى تاۋەلسىزدىك مونۋمەنتىنە گۇل شوقتارىن قويىپ، قازا بولعانداردىڭ رۋحىنا قۇران وقىتتى.
مۇرات اۋەزوۆ:
- 16-نشى جەلتوقسانداعى جاڭاوزەندەگى وقيعاسى كەزىندە ماڭگۇرتتەنگەن، ادامسىماقتاردىڭ وق اتۋى سانالى ادامنىڭ اقىلىنا سىيمايدى. اقتاۋعا كەلمەيدى. قازاقتىڭ قازاققا وق اتۋى -  يتتىك.
جاڭاوزەن وقيعاسى كەزىندە اتىلعان وق بىرەۋدىڭ اكەسىن، بىرەۋدىڭ بالاسىن - باۋىرلارىمىزدى الىپ كەتتى. اتامەكەنىنە كەلىپ، بىرىگىپ، ۇيىسا باستاعان قازاقتىڭ ءۇمىتىن دە قيىپ ءتۇستى.
تالابىمىز - وقيعا ەگجەي-تەگجەيلى ءادىل زەرتتەلىپ، ءاربىر كىنالى ادام جازاسىن الۋى ءتيىس.
«جاس تۇلپارلىقتار» - جەتپىسكە كەلدىك. تاياققا سۇيەنگەن شال بولدىق. جەكە بولماسا، وزگە ءبىر جەرگە جينالىپ وقيعانى ەسكە العانمەن، شەر تارقامايدى ەكەن. سوندىقتان دا بۇگىن تايلى-تاياعىمىز قالماي الاڭعا باردىق. جاستار دا كوپ كەلدى. بۇل - بۋىنارالىق ۇندەستىكتى كورسەتەدى. الاڭدا وقيعادا وققا ۇشقانداردىڭ رۋحىنا قۇران وقىتتىق.
قازىر «مۇحتار اۋەزوۆ اتىنداعى قوردىڭ» كەڭسەسىندە، تاڭەرتەڭگىسىن ءيىس شىعارىپ، پىسىرىلگەن جەتى شەلپەكتى  ورتاعا الىپ، ايات وقىپ،  قىرشىن كەتكەن ازاماتتاردى ەسكە الىپ وتىرمىز.
جاڭاوزەندىكتەردىڭ ءوز سوزدەرىن قايمىقپاي ايتىپ، مۇددە-مۇراتتارىن تاباندى، باتىل قورعاۋى، ەرلىكتەرى بارشامىزعا ورتاق بولسىن!
«اباي-اقپارات»