مەملەكەت باسشىسىنىڭ قاۋلىسىمەن موڭعوليادان كوشىپ كەلگەن سۇراعان دۋرۆۋدحان مەملەكەتتىك سىيلىق يەگەرى اتاندى. بۇل تۋرالى اقوردا مالىمدەدى. 

سۇراعان دۋرۆۋدحان بعم عك «ماتەماتيكا جانە ماتە­ما­تي­كالىق مودەلدەۋ ينستيتۋتى» رمك باس ديرەكتورىنىڭ ورىنباسارى، جەتەك­شى عىلىمي قىزمەتكەرى بولىپ قىزمەت ىستەيدى.

«قازاقستان رەسپۋبليكاسىنىڭ ءبىلىم جانە عىلىم مينيسترلىگى عىلىم كوميتەتىنىڭ «ماتەماتيكا جانە ماتەماتيكالىق مودەلدەۋ ينستيتۋتى» رەسپۋبليكالىق مەملەكەتتىك كاسىپورنىنىڭ باس عىلىمي قىزمەتكەرى، قازاقستان رەسپۋبليكاسى  ۇلتتىق   عىلىم   اكادەمياسىنىڭ  كوررەسپوندەنت  مۇشەسى، فيلوسوفيا دوكتورى (PhD), قاۋىمداستىرىلعان پروفەسسور سۇراعان دۋرۆۋدحانعا بەرىلسىن.

2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى»،- دەلىنگەن حابارلامادا. 

ايتا كەتەيىك، سۇراعان دۋرۆۋدحان قازاقستانعا 2005 جىلى، 17 جاسىندا كەلگەن. ول ازيا ەلدەرىنەن العاش رەت حالىقارالىق The Ferran Sunyeri Balaguer Prize ماراپاتىن العان جاس عالىم.

2013 جىلى جاراتىلىستانۋ عى­لىمدارى سالاسىنداعى ەڭ ۇزدىك جۇ­مىسى ءۇشىن جاس عالىمدارعا ار­نالعان (قازاقستاندا) قوناەۆ اتىن­داعى سىيلىقپەن ماراپاتتالدى.

Abai.kz