پوليتسەي قاسكەلەڭدەگى كوپىردەن سەكىرمەك بولعان بالانى قۇتقاردى. پوليتسەيدىڭ كەۋدەسىندە تۇرعان جەتونعا ونىڭ بالاعا نە دەگەنى جازىلىپ قالعان.

قاراساي اۋدانىنىڭ 15 جاستاعى تۇرعىنى ءوز-وزىنە قول جۇمساماق بولعان. پوليتسەي جاس بالامەن سويلەسىپ، رايىنان قايتارعان. ارتىنشا ءجاسوسپىرىم ماس بولعانى انىقتالعان.

ء"ىنىم، سەن مۇزداپ قالدىڭ. (...) مەنىڭ ەسىمىم باحا. بۇگىن مەنىڭ تۋعان كۇنىم. جاسىم 35-كە كەلدى، ءىنىم. ەگەر مەن ساعان قانداي دا ءبىر كومەك بەرە السام ايت", - دەيدى پوليتسەي جاسوسپىرىمگە. 

ناتيجەسىندە پوليتسەي ءسۋيتسيدتىڭ الدىن الدى.

"پوليتسيا قىزمەتكەرلەرىنىڭ ساۋاتتى ءارى جەدەل ءىس-ارەكەتىنىڭ ارقاسىندا جاسوسپىرىمگە ەشقانداي زيان كەلمەدى جانە ول اتا-اناسىنا جەتكىزىلدى. بالامەن يۋۆەنالدى پوليتسيا قىزمەتكەرلەرى مەن پسيحولوگتار پروفيلاكتيكالىق اڭگىمە جۇرگىزەدى. ال اتا-اناسىنا قاتىستى قر اكىمشىلىك قۇقىق بۇزۋشىلىق تۋرالى كودەكسىنىڭ 127 جانە 442-باپتارى بويىنشا ەكى اكىمشىلىك حاتتاما تولتىرىلدى", - دەيدى قاراساي اۋدانى پب باسشىسى بولات توتىباەۆ.

پوليتسيا قۇرامىنداعى 191-بورتتىڭ ەكيپاجى باقىت جارقىنبەكوۆ پەن ەرنات ماقسات ءوز ارەكەتىن ەرلىك دەپ سانامايتىنىن ايتادى. ولار تۇرعىنداردى كەز كەلگەن قاۋىپتەن قورعاۋ تىكەلەي مىندەتى ەكەنىن اتاپ ءوتتى.

پوليتسيا وكىلدەرى سول كۇنى راسىندا پوليتسيا مايورى باقىت جارقىنبەكوۆتىڭ تۋعان كۇنى بولعانىن جانە ونىڭ جاسى 35-كە كەلگەنىن ايتتى.

دەرەككوز: alashainasy.kz

Abai.kz