الماتىدا ساياسي پارتيا مۇشەلەرى تاۋەلسىزدىك مونۋمەنتىنە گۇل شوقتارىن قويدى.

سالتاناتتى شاراعا «Nur Otan»، «Jas Otan» جاستار قاناتى، قازاقستان حالىق پارتياسى، «اق جول»، «اۋىل»، «Adal» پارتيالارىنىڭ وكىلدەرى قاتىستى.

«Jas Otan» جاستار قاناتى وكىلدەرى حورمەن «مەنىڭ ەلىم» ءانىن ورىنداپ، مونۋمەنتكە گۇل شوقتارىن قويدى.

«بارشا قازاقستاندىقتاردى تاۋەلسىزدىك كۇنىمەن قۇتتىقتايمىن! قازاقستان بويىنشا « Jas Otan «-نىڭ 10 مىڭنان اسا مۇشەسى جەلتوقسان وقيعاسىندا قايتىس بولعانداردىڭ رۋحىنا تاعزىم ەتىپ، تاۋەلسىزدىك كۇنىمەن قۇتتىقتايدى. ازات ەلدە تۇرىپ، تاۋەلسىز ەلدىڭ اۋاسىن جۇتقانىمىزدىڭ بارلىعى ءاربىر قازاقستاندىق ازامات ءۇشىن باستى قۇندىلىق ەكەنىن ۇمىتپاۋىمىز كەرەك»، - دەدى «Nur Otan» پارتياسى جانىنداعى «Jas Otan» جاستار قاناتىنىڭ توراعاسى ەلنۇر بەيسەنباەۆ.

كەيىن ءار پارتيا وكىلدەرى مونۋمەنتكە گۇل شوقتارىن قويدى.

«تاۋەلسىزدىك – ول ءبىزدىڭ ەلىمىز، جەرىمىز، ءتىلىمىز بەن ءدىلىمىز. تاۋەلسىزدىك - ءبىزدىڭ ءوز جولىمىزدى ءوزىمىز تاڭداۋ مۇمكىندىگىمىز، كەلەشەك ۇرپاقتىڭ بولاشاعى ءۇشىن ءبىزدىڭ جاۋاپكەرشىلىگىمىز. ءار ۇلت، ءار حالىق ءۇشىن تاۋەلسىزدىكتەن ارتىق قاسيەتتى دە قىمبات ەشتەڭە جوق. ەلىمىز الىپ، قۇقىقتىق، دەربەس دەموكراتيالىق مەملەكەت رەتىندە الەمگە تانىلدى. لايىم وسى بيىكتەن كورىنە بەرۋگە جازسىن. تاۋەلسىزدىگىمىز تۇعىرلى بولعاي! وركەنيەت كوشىنە ىلەسكەن حالقىمىزعا گۇلدەنۋ مەن كوركەيۋ تىلەيمىز. تاۋەلسىزدىك كۇنى قۇتتى بولسىن!»، - دەدى «اق جول» پارتياسىنىڭ وكىلدەرى.

اكتسياعا قاتىسۋشىلار سانى كوپ بولعاندىقتان، ماسكا رەجيمى مەن الەۋمەتتىك قاشىقتىق قاتاڭ ساقتالدى.

مۇنىڭ الدىندا بۇل ەسكەرتكىشكە قالا اكىمى باقىتجان ساعىنتاەۆ، قوعام بەلسەندىلەرى، ارداگەرلەر كەڭەسى، ۇكىمەتتىك ەمەس ۇيىمدار گۇل شوقتارىن قويعان بولاتىن.

Abai.kz