تاشكەنت. 18 مامىر. قازتاگ. دۇنيەجۇزىلىك سۋ كەڭەسى ماۋسىم ايىندا ورتالىق ازياداعى سۋ پايدالانۋدىڭ داۋلى ماسەلەلەرىن شەشۋ ءۇشىن كەڭەس دايىنداۋ جونىندەگى جۇمىس توبىن قۇرادى، دەپ حابارلادى جۋرناليستەرگە دۇنيەجۇزىلىك سۋ كەڭەسىنىڭ (دسك) پرەزيدەنتى لۋي فاشون وزبەكستانعا ساپارى بارىسىندا.
«ءبىز وزبەك جاعىمەن ايماقتاعى پروبلەمالاردى تالقىلاپ، بەلگىلى ءبىر ۇسىنىستار ازىرلەۋ ءۇشىن ماۋسىم ايىندا ماقساتتى جۇمىس توبىن قۇرۋ تۋرالى ۋاعدالاستىق. كەيىن ول كەڭەستەر ورتالىق ازياداعى سۋ پايدالانۋعا قاتىستى داۋلى ماسەلەلەردى شەشۋگە كومەكتەسۋى مۇمكىن»، - دەدى.
سونىمەن قاتار، ول دۇنيەجۇزىلىك بانكتىڭ باسشىسى روبەرت زەليكتىڭ گيدروتەحنيكالىق قۇرىلىستارعا تاۋەلسىز حالىقارالىق ساراپتاما جۇرگىزۋ قاجەتتىگى تۋرالى پىكىرىن قولدايتىنىن جەتكىزدى.
«بۇگىنگى كۇنى كەز-كەلگەن ءىرى جوبالار تەحنيكالىق تۇرعىدان عانا ەمەس، سونىمەن قاتار كەشەندى تۇردە دە قاراستىرىلۋعا ءتيىس. ياعني، الەۋمەتتىك، ەكولوگيالىق سالدارىمەن قوسا، قىرعىزستانداعى قامباراتا گەس-ءى مەن تاجىكستانداعى روگۋن گەس-ءى سياقتى قۇرىلىستاردان بولاتىن سالدار ورتالىق ازيانىڭ اۋماعىندا تۇرىپ جاتقان حالىقتاردىڭ ءال-اۋقاتىنا قالاي اسەر ەتۋى مۇمكىن ەكەنى ەسكەرىلۋگە ءتيىستى»، - دەپ اتاپ كورسەتتى لۋي فاشون.
دسك پرەزيدەنتى قازىر ارال ماڭى وڭىرىندە ەكولوگيالىق ماسەلەلەردەن باسقا، جاھاندىق كولەمدە الەۋمەتتىك-ەكونوميكالىق جانە دەموگرافيالىق پروبلەمالار كەشەنى تۋىنداپ وتىرعانىن جەتكىزدى.

تاشكەنت. 18 مامىر. قازتاگ. دۇنيەجۇزىلىك سۋ كەڭەسى ماۋسىم ايىندا ورتالىق ازياداعى سۋ پايدالانۋدىڭ داۋلى ماسەلەلەرىن شەشۋ ءۇشىن كەڭەس دايىنداۋ جونىندەگى جۇمىس توبىن قۇرادى، دەپ حابارلادى جۋرناليستەرگە دۇنيەجۇزىلىك سۋ كەڭەسىنىڭ (دسك) پرەزيدەنتى لۋي فاشون وزبەكستانعا ساپارى بارىسىندا.
«ءبىز وزبەك جاعىمەن ايماقتاعى پروبلەمالاردى تالقىلاپ، بەلگىلى ءبىر ۇسىنىستار ازىرلەۋ ءۇشىن ماۋسىم ايىندا ماقساتتى جۇمىس توبىن قۇرۋ تۋرالى ۋاعدالاستىق. كەيىن ول كەڭەستەر ورتالىق ازياداعى سۋ پايدالانۋعا قاتىستى داۋلى ماسەلەلەردى شەشۋگە كومەكتەسۋى مۇمكىن»، - دەدى.
سونىمەن قاتار، ول دۇنيەجۇزىلىك بانكتىڭ باسشىسى روبەرت زەليكتىڭ گيدروتەحنيكالىق قۇرىلىستارعا تاۋەلسىز حالىقارالىق ساراپتاما جۇرگىزۋ قاجەتتىگى تۋرالى پىكىرىن قولدايتىنىن جەتكىزدى.
«بۇگىنگى كۇنى كەز-كەلگەن ءىرى جوبالار تەحنيكالىق تۇرعىدان عانا ەمەس، سونىمەن قاتار كەشەندى تۇردە دە قاراستىرىلۋعا ءتيىس. ياعني، الەۋمەتتىك، ەكولوگيالىق سالدارىمەن قوسا، قىرعىزستانداعى قامباراتا گەس-ءى مەن تاجىكستانداعى روگۋن گەس-ءى سياقتى قۇرىلىستاردان بولاتىن سالدار ورتالىق ازيانىڭ اۋماعىندا تۇرىپ جاتقان حالىقتاردىڭ ءال-اۋقاتىنا قالاي اسەر ەتۋى مۇمكىن ەكەنى ەسكەرىلۋگە ءتيىستى»، - دەپ اتاپ كورسەتتى لۋي فاشون.
دسك پرەزيدەنتى قازىر ارال ماڭى وڭىرىندە ەكولوگيالىق ماسەلەلەردەن باسقا، جاھاندىق كولەمدە الەۋمەتتىك-ەكونوميكالىق جانە دەموگرافيالىق پروبلەمالار كەشەنى تۋىنداپ وتىرعانىن جەتكىزدى.
«وسىعان وراي ايماق ەلدەرى سىرتتان ەشكىمدى ارالاستىرماي مىندەتتەردى ءوزارا ءبولىسىپ، بۇل پروبلەمانىڭ شەشىلۋىنە ۇلەس قوسۋعا ءتيىس، وسىلايشا ايماقتاعى مەملەكەتتەردىڭ مۇددەلەر بالانسىنا قول جەتكىزۋ كەرەك»، دەپ اتاپ كورسەتتى دسك پرەزيدەنتى.
دۇنيەجۇزىلىك سۋ كەڭەسى 1996 جىلدىڭ 15 ماۋسىمىندا مارسەل (فرانتسيا) قالاسىندا سۋ پروبلەمالارى بويىنشا تانىمال مامانداردىڭ توبى مەن حالىقارالىق ۇيىمداردىڭ باستاماسىمەن قۇرىلدى. قازىرگى ۋاقىتتا ول الەمنىڭ 80 مەملەكەتىنەن 350-دەن اسا ۇيىمنىڭ باسىن بىرىكتىرىپ وتىر.