Ташкент. 18 мамыр. ҚазТАГ. Дүниежүзілік су кеңесі маусым айында Орталық Азиядағы су пайдаланудың даулы мәселелерін шешу үшін кеңес дайындау жөніндегі жұмыс тобын құрады, деп хабарлады журналистерге Дүниежүзілік су кеңесінің (ДСК) президенті Луи Фашон Өзбекстанға сапары барысында.
«Біз өзбек жағымен аймақтағы проблемаларды талқылап, белгілі бір ұсыныстар әзірлеу үшін маусым айында мақсатты жұмыс тобын құру туралы уағдаластық. Кейін ол кеңестер Орталық Азиядағы су пайдалануға қатысты даулы мәселелерді шешуге көмектесуі мүмкін», - деді.
Сонымен қатар, ол Дүниежүзілік банктің басшысы Роберт Зеликтің гидротехникалық құрылыстарға тәуелсіз халықаралық сараптама жүргізу қажеттігі туралы пікірін қолдайтынын жеткізді.
«Бүгінгі күні кез-келген ірі жобалар техникалық тұрғыдан ғана емес, сонымен қатар кешенді түрде де қарастырылуға тиіс. Яғни, әлеуметтік, экологиялық салдарымен қоса, Қырғызстандағы Қамбарата ГЭС-і мен Тәжікстандағы Рогун ГЭС-і сияқты құрылыстардан болатын салдар Орталық Азияның аумағында тұрып жатқан халықтардың әл-ауқатына қалай әсер етуі мүмкін екені ескерілуге тиісті», - деп атап көрсетті Луи Фашон.
ДСК президенті қазір Арал маңы өңірінде экологиялық мәселелерден басқа, жаһандық көлемде әлеуметтік-экономикалық және демографиялық проблемалар кешені туындап отырғанын жеткізді.

Ташкент. 18 мамыр. ҚазТАГ. Дүниежүзілік су кеңесі маусым айында Орталық Азиядағы су пайдаланудың даулы мәселелерін шешу үшін кеңес дайындау жөніндегі жұмыс тобын құрады, деп хабарлады журналистерге Дүниежүзілік су кеңесінің (ДСК) президенті Луи Фашон Өзбекстанға сапары барысында.
«Біз өзбек жағымен аймақтағы проблемаларды талқылап, белгілі бір ұсыныстар әзірлеу үшін маусым айында мақсатты жұмыс тобын құру туралы уағдаластық. Кейін ол кеңестер Орталық Азиядағы су пайдалануға қатысты даулы мәселелерді шешуге көмектесуі мүмкін», - деді.
Сонымен қатар, ол Дүниежүзілік банктің басшысы Роберт Зеликтің гидротехникалық құрылыстарға тәуелсіз халықаралық сараптама жүргізу қажеттігі туралы пікірін қолдайтынын жеткізді.
«Бүгінгі күні кез-келген ірі жобалар техникалық тұрғыдан ғана емес, сонымен қатар кешенді түрде де қарастырылуға тиіс. Яғни, әлеуметтік, экологиялық салдарымен қоса, Қырғызстандағы Қамбарата ГЭС-і мен Тәжікстандағы Рогун ГЭС-і сияқты құрылыстардан болатын салдар Орталық Азияның аумағында тұрып жатқан халықтардың әл-ауқатына қалай әсер етуі мүмкін екені ескерілуге тиісті», - деп атап көрсетті Луи Фашон.
ДСК президенті қазір Арал маңы өңірінде экологиялық мәселелерден басқа, жаһандық көлемде әлеуметтік-экономикалық және демографиялық проблемалар кешені туындап отырғанын жеткізді.
«Осыған орай аймақ елдері сырттан ешкімді араластырмай міндеттерді өзара бөлісіп, бұл проблеманың шешілуіне үлес қосуға тиіс, осылайша аймақтағы мемлекеттердің мүдделер балансына қол жеткізу керек», деп атап көрсетті ДСК президенті.
Дүниежүзілік су кеңесі 1996 жылдың 15 маусымында Марсель (Франция) қаласында су проблемалары бойынша танымал мамандардың тобы мен халықаралық ұйымдардың бастамасымен құрылды. Қазіргі уақытта ол әлемнің 80 мемлекетінен 350-ден аса ұйымның басын біріктіріп отыр.