نەمەسە بۇلاروۆتىڭ ءبۇيتىپ «بىلدىرلاپ»، «بىدىقتايتىن» ءجونى جوق

ءتىسى مەن ءتىلى شىققالى بەرى قورداي اۋدانىنداعى قالىڭ قازاقتىڭ ورتاسىندا وسكەن، پارلامەنت ءماجىلىسى شاڭىراعىنىڭ وزىنە سورتوبە اۋىلدىق وكرۋگىنىڭ اكىمى دەگەن قىزمەتتەن بارعان يلياس بۇلاروۆتىڭ قازاقتاردى، ونىڭ ىشىندە جامبىلدىقتاردى ءدال وسىلاي ۇياتقا قالدىرىپ، «بىلدىرلاپ»، «بىدىقتاپ» تۇراتىن ءجونى جوق ەدى.

انتتا جازىلعان ءبىر اۋىز ءسوزدى قازاقشا دۇرىستاپ وقي الماۋ، اۋىلدان شىققان كەشەگى اكىم ءۇشىن ۇيات ەمەس پە؟ انت ءماتىنىن بۇكىل ەل الدىندا ەكىنشى رەت وقۋعا ءماجبۇر بولىپ، كۇللى قازاقتى جەرگە قاراتتى عوي.

ال انا تىلىمىزدەگى انتتى جاتتاپ الۋدان ۇيالاتىنداي، ونى بويىنا ار كورەتىندەي بۇلاروۆتىڭ قازاققا دا، قازاق تىلىنە دە وكپەسى جوق.

ءومىربايانىنا قاراڭىزشى، قازاقتار ونى ىلعي تورىنە شىعارىپ، اۋدانداعى ەكىنىڭ ءبىرى قول جەتكىزە بەرمەيتىن قىزمەت تىزگىنىن ۇستاتىپ كەلىپتى.

كولحوز كاسىپوداق كوميتەتىنىڭ توراعاسى، كولحوز باسقارماسىنىڭ توراعاسى، قورداي اۋدانىنداعى جۇمىسپەن قامتۋ ورتالىعىنىڭ ديرەكتورى، «قوردايگاز» جشس-نىڭ ديرەكتورى، ەڭ سوڭعى قىزمەتى سورتوبە اۋىلىنىڭ اكىمى...

ءوزى وتكەن جىلدىڭ قىركۇيەگىندە 63 جاسقا كەلدى. داپ-دارداي ادام، قازاق دەگەن حالىقتى ءبىرىنشى رەت كورىپ، ونىڭ ءتىلىن ءبىرىنشى رەت ەستىپ، ءبىرىنشى رەت سويلەپ تۇرعان جوق.

بۇلاروۆتاردىڭ (باسقا دا ەجىكتەگەندەردى ەسكە الىپ، كوپشە تۇردە ايتۋعا تۋرا كەلىپ تۇر) ەل تاۋەلسىزدىگىنىڭ 30 جىلىندا قازاق ەلىنىڭ مەملەكەتتىك تىلىندەگى 30 ءسوزىن قاتەسىز وقي الماۋىنىڭ ارجاعىندا نە جاتىر؟

كوسەمالى ءساتتىبايۇلىنىڭ جازباسى

Abai.kz