ادامزات دامىعان سايىن جاڭا تەحنولوگيالار ەنىپ جاتىر. سوعان ساي عىلىم دا كۇردەلى بولا تۇسۋدە.

بۇعان دايىن بولماعان ادامدار، قوعامدار، مەملەكەتتەر قاتەلىكتەن-قاتەلىككە ۇرىنۋدا.

مىسالى، الەمدەگى بارلىق دامۋشى مەملەكەتتەر الەۋمەتتىك  جاعدايدى باستى ورىنعا قويادى.

سەبەبى، الەۋمەت جاعدايىنىڭ تۇراقتى بولۋى، سوعان ساي الەۋمەتتىڭ ءوز مەملەكەتىنە دەگەن سىي-قۇرمەتى "الەۋمەتتىك تولقۋلاردىڭ" الدىن الادى جانە مەملەكەتتىڭ پروگرەسستى (تۇراقتى دەڭىز) دامۋىنىڭ كەپىلى بولادى.

ول ءۇشىن مەملەكەت بيلىگى تولىعىمەن مەملەكەتتىك مۇددەگە ساي ارەكەت ەتۋى قاجەت. بۇل وتە ماڭىزدى!

ال، "مەملەكەتتىك مۇددەنىڭ" باستى مازمۇنى - حالىقتىڭ جوعارى تۇرمىستىق، رۋحاني-مادەني جاعدايىن قامتاماسىز ەتىپ وتىرۋ.

كەرىسىنشە، اۆتوريتارلى قوعامدا مەملەكەت بيلىگىنىڭ ماقساتى - كوشباسشىنىڭ ("اۆتوريتەتتىڭ") بەدەلىنە قۇرىلاتىندىقتان، قوعامدا ءارتۇرلى قايشىلىقتار تۋىپ، ول الەۋمەتتىك ورتانىڭ ىشتەي ىدىراۋىنا اكەلەدى.

مۇندايدا مەملەكەت پەن ونىڭ بيلىگىنىڭ ارەكەتى الەۋمەت ماقسات-مۇددەسىنەن، تالابىنان تىسقارى قالىپ قويادى....

مۇنداي مەملەكەتتەر ۇنەمى تەك دامۋشى دەگەن اتاققا يە!

(ەشقاشان ودان اسا المايدى).

سەبەبى، مۇندا حالىقتىڭ پوتەنتسيالدىق مۇمكىندىگى ىسكە قوسىلمايدى.

حالىقتىڭ پاسسيونارلىق قۋاتى جاسامپازدىققا باعىتتالۋدىڭ ورنىنا، ول قۋات جەكە ماقساتقا قۇرىلعان، تار شەڭبەردەگى "مۇددەمەن" كۇرەسۋگە شىعىن بولادى ء(راسۋا بولادى).

ءسويتىپ، ەكى جاقتىڭ دا كۇش-قۋاتى بەكەر شىعىندالىپ، مەملەكەتتىڭ دە، حالىقتىڭ دا جاعدايى ناشارلاي بەرەدى....

قازاق مۇنى ءومىر زايا دەپ اتاعان.

ءابدىراشيت باكىرۇلىنىڭ جازباسى

Abai.kz