Washington Post تاققا وتىرعان جاڭا پرەزيدەنت بايدەننىڭ، اق ءۇي اكىمشىلىگىنىڭ كرەملگە قاتىستى ساياسي پوزيتسياسىن جازدى. Washington Post-تا بايدەننىڭ:

"اق ءۇي كرەملگە قاتىستى بۇرىنعى پوزيتسياسىندا قالادى جانە كرەمل وتكەن ۋاقىتتارداعى ارگەسسيۆتى ارەكەتى ءۇشىن جاۋاپ بەرەدى ءارى جالتارا المايدى. ءبىز كرەملدىڭ بارلىق قادامدارى مەن اگرەسسيۆتى ارەكەتتەرىنىڭ بارلىعىن باقىلاۋمەن كەلدىك. رەسەي شەنەۋشىكتەرى ءوز ارەكەتتەرى ءۇشىن جاۋاپتى بولادى" - دەگەن سارىنداعى ءسوزى جازىلدى.

رەسەيلىك سايتتاردى بايدەننىڭ يناۋگۋراتسياسى قارساڭىندا رەتىمەن قاراپ وتىردىم. بايدەندى رەسەيدىڭ شەنەۋنىكتەرى عانا ەمەس، حالقى دا جەردەن الىپ جەرگە سالىپ جاتىر. ماريونەتكە، پەشكا دەگەن سوزدەر توقتاۋسىز ايتىلدى. ءتىپتى ورىستىڭ كوپتەگەن يۋتۋب كانالدارى كەشە يناۋگۋراتسيا ءوتىپ جاتقاندا داۋىستارىن ءوشىرىپ تاستادى. دەمەك، بايدەننىڭ تاراپىنان رەسەيگە الداعى ۋاقىتتا ۇلكەن قىسىم مەن قاۋىپ بار.

بۇگىن رف سىرتقى ىستەر مينيسترلىگىنىڭ رەسمي وكىلى ماريا زاحاروۆا اقش-تىڭ «سەۆەرنىي پوتوك-2» گاز جۇرگىزۋ جەلىسىن توقتاتىپ تاستاعانىن مالىمدەدى. كرەمل اق ءۇيدى حالىقارالىق ساۋدا سالاسىنداعى باسەكەلەستىككە كولدەنەڭ تۇساۋ سالدى جانە وزىمەن ساۋداداعى سەرىكتەس ەۋروپالىق ەلدەرگە دە كەدەرگى جاساپ وتىر دەپ ايىپتادى. كەشە رەسەيدىڭ ءبىراز شەنەۋنىكتەرىنىڭ ارقا ءجۇنى ءۇرپيىپ قالدى. دەمەك، پروتسەسس باستالعان سياقتى.

بەكبولات قارجاننىڭ جازباسى

Abai.kz