سۋرەتتە - 2009 جىلى باتىس قازاقستاندا سول كەزدەگى وبلىس اكىمى باقتىقوجا ىزمۇحامەدوۆتىڭ تۇسىندا بيۋدجەتتەن 400 ميلليون تەڭگە ءبولىنىپ، قولعا الىنعان ەشكى ءسۇتىن وندىرەتىن فەرما - يننوۆاتسيالىق جوبا بويىنشا سالىنعان قورا. ايدالا قاڭىراپ بوس تۇر. سۋرەت 2011-ءنشى جىلدىڭ قاراشا ايىندا تۇسىرىلگەن.

مەملەكەتتىك باق-تىڭ كۇندەلىكتى جاڭالىقتارىنان كورىپ-ءبىلىپ جۇرگەنىمىزدەي ەلىمىزدە ۇدەمەلى يندۋستريالدى-يننوۆاتسيالىق دامۋ باعدارلاماسى قارقىن الىپ، قارىشتاپ دامىپ جاتىر.

اتى ايتىپ تۇرعانداي ۇدەپ، ەكىلەنىپ، باس بەرمەي داميتىن يننوۆاتسيالىق باعدارلامانىڭ ءبىرىن 2009 جىلى سول كەزدەگى باتىس قازاقستان وبلىسىنىڭ اكىمى باقتىقوجا ىزمۇحامەدوۆ ىسكە اسىرماققا بەل بايلايدى. باقتىقوجا مىرزانىڭ يننوۆاتسيالىق جوباسىنا بيۋدجەتتەن 400 ميلليون تەڭگە بولىنەدى. بۇل جوبا بويىنشا، ەشكى ءسۇتىن وندىرەتىن فەرما سالىنىپ، ىسكە قوسىلىپ، ءبۇتىن باتىس قازاقستان وبلىسى ەشكى سۇتىنە - ءبىزدىڭ قايقى ءمۇيىز قارا ەشكىنىڭ ەمەس، شۆەيتساريالىق ەۆروەشكىنىڭ سۇتىنە قارق بولۋى كەرەك ەدى. بىراق، ۇدەمەلى يندۋستريالدى-يننوۆاتسيالىق دامۋ باعدارلاماسىنىڭ سورىنا قاراي 400 ميلليون تەڭگە بولىنگەن جوبانىڭ بار ناتيجەسى ايدالادا قاراۋسىز، قاڭىراپ قالعان قورا عانا. ەشكى دە، ءسۇت تە، باقتىقوجا مىرزا دا جوق. وسىلايشا، بۇل يننوۆاتسيالىق ەرتەگىنىڭ اقىرى - مەملەكەتتى شىعىنعا باتىرىپ، ىزمۇحامەدوۆتى ۆيتسە-سپيكەر ەتىپ، مۇراتىنا جەتكىزدى.

سۋرەتتە - 2009 جىلى باتىس قازاقستاندا سول كەزدەگى وبلىس اكىمى باقتىقوجا ىزمۇحامەدوۆتىڭ تۇسىندا بيۋدجەتتەن 400 ميلليون تەڭگە ءبولىنىپ، قولعا الىنعان ەشكى ءسۇتىن وندىرەتىن فەرما - يننوۆاتسيالىق جوبا بويىنشا سالىنعان قورا. ايدالا قاڭىراپ بوس تۇر. سۋرەت 2011-ءنشى جىلدىڭ قاراشا ايىندا تۇسىرىلگەن.

مەملەكەتتىك باق-تىڭ كۇندەلىكتى جاڭالىقتارىنان كورىپ-ءبىلىپ جۇرگەنىمىزدەي ەلىمىزدە ۇدەمەلى يندۋستريالدى-يننوۆاتسيالىق دامۋ باعدارلاماسى قارقىن الىپ، قارىشتاپ دامىپ جاتىر.

اتى ايتىپ تۇرعانداي ۇدەپ، ەكىلەنىپ، باس بەرمەي داميتىن يننوۆاتسيالىق باعدارلامانىڭ ءبىرىن 2009 جىلى سول كەزدەگى باتىس قازاقستان وبلىسىنىڭ اكىمى باقتىقوجا ىزمۇحامەدوۆ ىسكە اسىرماققا بەل بايلايدى. باقتىقوجا مىرزانىڭ يننوۆاتسيالىق جوباسىنا بيۋدجەتتەن 400 ميلليون تەڭگە بولىنەدى. بۇل جوبا بويىنشا، ەشكى ءسۇتىن وندىرەتىن فەرما سالىنىپ، ىسكە قوسىلىپ، ءبۇتىن باتىس قازاقستان وبلىسى ەشكى سۇتىنە - ءبىزدىڭ قايقى ءمۇيىز قارا ەشكىنىڭ ەمەس، شۆەيتساريالىق ەۆروەشكىنىڭ سۇتىنە قارق بولۋى كەرەك ەدى. بىراق، ۇدەمەلى يندۋستريالدى-يننوۆاتسيالىق دامۋ باعدارلاماسىنىڭ سورىنا قاراي 400 ميلليون تەڭگە بولىنگەن جوبانىڭ بار ناتيجەسى ايدالادا قاراۋسىز، قاڭىراپ قالعان قورا عانا. ەشكى دە، ءسۇت تە، باقتىقوجا مىرزا دا جوق. وسىلايشا، بۇل يننوۆاتسيالىق ەرتەگىنىڭ اقىرى - مەملەكەتتى شىعىنعا باتىرىپ، ىزمۇحامەدوۆتى ۆيتسە-سپيكەر ەتىپ، مۇراتىنا جەتكىزدى.

قازىنانىڭ قارجىسىن يا بولماسا پايدالانۋعا بەرىلۋگە ءتيىستى ەشكى ءسۇتىن وندىرەتىن فەرمانى ىزدەگەن جان بالاسى جوق. ەشكىم جاۋاپكەرشىلىكتى موينىنا المايدى. بۇقارانىڭ سالىعىنان قۇرالعان 400 ميلليون تەڭگەنىڭ كىمنىڭ قورجىنىندا كەتكەنى ءبىر قۇدايعا عانا ايان. ءسويتىپ، ءىس ءبىتتى - ىزمۇحامەدوۆ ۆيتسە-سپيكەر بولىپ كەتتى.

«اباي-اقپارات»