بۇگىن ۇكىمەت وتىرىسىندا ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆ بيىلعى حالىق ساناعىنىڭ قالاي وتەتىنىن ايتتى. 

كەلىمبەتوۆتىڭ ايتۋىنشا، بيىلعى حالىق ساناعىنداعى جاڭالىق - زاماناۋي تسيفرلىق تەحنولوگيالاردىڭ ەنگىزىلۋى.

«2021 جىلعى ۇلتتىق حالىق ساناعىنىڭ جاڭالىعى قازىرگى زامانعى تسيفرلىق تەحنولوگيالاردى ەنگىزۋ جانە پروتسەستى اۆتوماتتاندىرۋدىڭ ەنگىزىلۋى. ەندى پوپۋلياتسيا تۋرالى مالىمەتتەردى جيناۋ پروتسەسى ەكى جولمەن جۇزەگە اسىرىلادى. ءبىرىنشى ءادىس - sanaq.gov.kz ارنايى سايتىندا ينتەرنەت-ساۋالناما جۇرگىزۋ، ول ۆيرتۋالدى كومەكشىنىڭ كومەگىمەن رەسپوندەنتتەرگە ورنالاسقان جەرىنە قاراماستان وزدىگىنەن ساناق جۇرگىزۋگە جانە وزىنە جانە وتباسى مۇشەلەرىنە ساناق پاراقتارىن تولتىرۋعا مۇمكىندىك بەرەدى.

ەكىنشىسى - قاجەتتى سانيتارلىق نورمالاردى ساقتاي وتىرىپ، ءداستۇرلى جاپپاي ارالاۋ ونلاين-رەجيمدە ساناقتان وتپەگەن رەسپوندەنتتەر اراسىندا جۇرگىزىلەتىن بولادى. بۇل شارالاردى قازان ايىندا وتكىزۋ جوسپارلانعان», — دەدى سجرا توراعاسى.

جاپپاي ارالاۋ كەزىندە ينتەرۆيۋەرلەردىڭ ەلەكتروندىق پلانشەتتەردى پايدالانۋى جاڭاشىلدىق، ولار كەيىن ءتيىستى وڭىرلەردەگى مەكتەپتەرگە بەرىلەدى. ءۇي-ءۇيدى ارالاۋ ا.ج. 1-30 قازان ارالىعىندا وتەدى.

Abai.kz