ءپۋتيننىڭ رەيتينگى كۇن سايىن قۇلدىراپ بارادى. جالپى ءپۋتيننىڭ پرەزيدەنت بولعان جىلدارىنىڭ رەيتينگىن قاراپ شىقتىم. سونىمەن بىلاي.

2000-2008 جىلدارى پرەزيدەنت بولعان كەزدە رەيتينگى اقىرىنداپ ءوسىپ-ءتۇسىپ تۇرعان. 2000 جىلى كۇزدە رەيتينگى قاتتى قۇلدىراپ كەتتى. ول كۋرسك كەمەسى باتۋىنا بايلانىستى بولدى. تەڭىزشىلەردى قۇتقارا الماۋى ونىڭ رەيتينگىن سوققىعا الدى. الايدا 2008 جىلعا دەيىن ونىڭ رەيتينگى 60-70% دەڭگەيىندە تۇردى. شەشەنستانداعى سوعىستى رەتتەگەنى ونىڭ ابىرويىن ءبىر كوتەردى. 2008 جىلى حالىق اراسىندا ونىڭ بەدەلى ارتتى. اسىرەسە گرۋزيامەن سوعىس ساتىندە ءپۋتيننىڭ دەڭگەيى كوتەرىلدى، ول ساتتە پۋتين پرەزيدەنت ەمەس ەدى. سوعان قاراماستان حالىق اراسىندا ەڭ بەدەلدى دەگەن ءتىزىمنىڭ كوشىن باستادى.

2012 جىلى پۋتين پرەزيدەنتتىك تاققا قايتا وتىردى. 2012-دەن باستاپ رەسەي اگرەسسيالىق يمپەرشىل ساياساتىن ارتتىردى. 2014 جىلى رەسەي ۋكرايناعا اگرەسسيا جاساپ، سوعىس اشتى. قىرىمدى تارتىپ الىپ، شىعىس ۋكراينانى بولشەكتەدى. قىرىمدى باسىپ الۋى ءپۋتيننىڭ رەيتينگىن رەكوردتىق دەڭگەيگە جەتكىزدى. باقانداي 82%، كەي دەرەكتە 87%-عا دەيىن بىراق شارىقتادى. ارتىنشا رەسەي قۇلاعالى تۇرعان اساد رەجيمىن ۇستاپ قالۋ ءۇشىن سيرياعا كىردى. بۇل 2015 جىل بولاتىن. حالقى ونىڭ بۇل ارەكەتىن رەيتينگ بارىسىندا وڭ قابىلداپ، ءوز باعاسىن بەردى. دەگەنمەن كوتەرىلگەن رەيتينگتiڭ تۇسەر ءساتى الىس ەمەس ەدى. تۇرىكتەردىڭ سيريادا رەسەي ۇشاعىن اتىپ ءتۇسىرۋى، كەيىننەن رەسەي ەلشىسىنىڭ تۇركيادا ءولتىرىلۋى جانە پۋتين رەجيمىنىڭ تۇسىنىكسىز رەاكتسياسى ونىڭ رەيتينگىن تومەندەتە باستادى.

2019 جىلعى زەينەتكەرلىك جاسىن كوتەرۋ ساياساتى ءتىپتى ونىڭ رەيتينگىنە سوققى بولدى. 2020 جىلى كونستيتۋتسيانى تۇتاستاي ءوز مۇددەسىنە وزگەرتۋى مەن ناۆالنىيدى ۋلاۋ كرەمل باسشىسىنىڭ ابىرويىن ءتۇسىرىپ جىبەردى. 2021 جىل پۋتين رەيتينگىسىنىڭ جۇلدىزشا تومەن قۇلاۋىمەن باستالدى. ناۆالنىيدىڭ قايتىپ كەلۋى، پۋتين سارايى جايلى ارنايى زەرتتەۋى مەن ناۆالنىيدى ولتىرمەك بولعاندار تۋرالى فيلم، ناۆالنىيدىڭ سوتى، 11 مىڭ نارازى حالىقتى اباقتىعا جاۋىپ، اياۋسىز سوققىلاۋى ءپۋتيننىڭ دەڭگەيىن تاعى تومەن ءتۇسىردى. قازىر ونىڭ رەيتينگىسى 29% عانا بولىپ تۇر. بۇل ول ساياساتقا كەلگەن ساتتەگى ەڭ تومەنگى كورسەتكىش.

پىسى: پۋتين قۇلدىراعان رەيتينگىسىن ۇنەمى سىرتقى ساياساتتا كۇتپەگەن جۇرىستەر جاساۋ ارقىلى قالپىنا كەلتىرىپ وتىرادى. 2008 - گرۋزيا، 2014 - ۋكراينا سوعان دالەل. ەندى نە بولۋى مۇمكىن؟ ۋكراينا شىعىسىندا رەفەرەندۋم جاساپ، قوسىپ الۋعا تىرىسا ما، الدە بەلارۋستى «وداقتاس ەل» جوباسىنا كوندىرە مە؟ الدە...

اسحات قاسەنعاليدىڭ جازباسى

Abai.kz