اشىق ديالوگ الاڭىندا شەت ەلدەردىڭ وڭ تاجىريبەسى بويىنشا جەكە سەكتوردا سىبايلاس جەمقورلىققا قارسى كومپلاەنستى ەنگىزۋ تۋرالى ماسەلەلەر تالقىلاندى.

وتكەن جىلدىڭ قازان ايىندا مەملەكەت باسشىسى سىبايلاس جەمقورلىققا قارسى نوۆەللالاردىڭ ەكىنشى پاكەتىنە قول قويدى، وندا كومپلاەنس سىبايلاس جەمقورلىقتىڭ الدىن الۋ قۇرالدارىنىڭ ءبىرى رەتىندە ايقىندالدى. كۆازيمەملەكەتتىك سەكتور ۇيىمدارىندا قۇرىلىمداردىڭ كومپلاەنسىن ايقىنداۋ تۋرالى نورما زاڭنامالىق تۇردە ەنگىزىلدى، جەكە كومپانيالار ءۇشىن ولاردى قۇرۋ قۇقىعى بەكىتىلدى.

بۇگىنگى تاڭدا الەمدە ۇيىمداردىڭ پاراساتتىلىعىن قامتاماسىز ەتۋدىڭ نەگىزگى قۇرالى تاۋەلسىز كومپلاەنس قىزمەتتەرىنىڭ تاۋەكەلدەردى باسقارۋ جانە ىشكى باقىلاۋ شەڭبەرىندەگى ءتيىمدى قىزمەتى بولىپ تابىلاتىنىن اتاپ وتكەن ءجون.

كەزدەسۋ بارىسىندا سىبايلاس جەمقورلىققا قارسى كومپلاەنس ينستيتۋتىن ىسكە اسىرعان كومپانيالار ءسوز سويلەپ، وزدەرىنىڭ وڭ تاجىريبەلەرىمەن ءبولىستى.

قاتىسۋشىلار سىبايلاس جەمقورلىققا قارسى كومپلاەنس-قىزمەتتەر سىبايلاس جەمقورلىق تاۋەكەلدەرىن تومەندەتۋگە ەلەۋلى اسەر ەتەدى دەگەن پىكىر ءبىلدىردى. ىسكە اسىرۋ ساتىسىندا ولاردىڭ «ءتارتىپ ورناتۋ» فۋنكتسيالارىن ورىنداۋداعى دەربەستىگى مەن تاۋەلسىزدىگى ماڭىزدى بولىپ تابىلادى. ولاردىڭ جۇمىسى كورپوراتيۆتىك مادەنيەتتەگى پاراساتتىلىق باعىتىنداعى وڭ وزگەرىستەرگە اسەر ەتەدى.

اليك شپەكباەۆ بيزنەس سەكتوردا كومپلاەنس-قىزمەتتەر ينستيتۋتىن ەنگىزۋگە شاقىردى: «سىبايلاس جەمقورلىققا قارسى كومپلاەنس شىن مانىندە جۇمىس ىستەيتىن تەتىك بولۋى جانە ۇيىمداردىڭ كورپوراتيۆتىك مادەنيەتىنىڭ اجىراماس بولىگى بولۋى وسى جۇمىستىڭ بارىندە باستى ماسەلە. بىراق بۇل ءۇشىن كوپتەگەن جىلدار بويى ءتيىمدى بولاتىن تەتىكتى قاراستىرا وتىرىپ، ەنگىزۋ كەزەڭىندە ايتارلىقتاي كۇش سالۋ قاجەت»، - دەپ اتاپ ءوتتى.

كەزدەسۋ قورىتىندىسى بويىنشا بىرقاتار كومپانيالار ءوز قىزمەتىندە يميدجدىك تاۋەكەلدەردى بولدىرماۋ ءۇشىن سىبايلاس جەمقورلىققا قارسى كومپلاەنس ەنگىزۋگە نيەت ءبىلدىردى.

Abai.kz