پرەزيدەنت بايدەن جاقىندا رەسەي باسشىسى ۆلاديمير پۋتينمەن تەلەفونمەن اڭگىمەلەسكەنىن ەسكە سالدى. بايدەننىڭ سوزىنە قاراعاندا، اڭگىمە بارىسىندا ول رەسەيدىڭ قىزۋ قيمىلدارىنا كوز جۇما قاراپ وتىراتىن ءداۋىر اياقتالدى دەپ ايتقان.
ول رەسەيدىڭ پرەزيدەنت سايلاۋىنا ارالاسۋى جانە كيبەرشابۋىل ۇيىمداستىرۋىن مىسال رەتىندە اتاعان.
بايدەن جينالعاندارعا ماسكەۋ امەريكا دەموكراتياسىنا ءالى دە نۇقسان كەلتىرۋگە بار دەگەن. "ەگەر وداقتاستارىمىزبەن بىرلەسە قيمىلداساق، رەسەيگە تيىمدىرەك توتەپ بەرە الامىز" دەدى پرەزيدەنت.
ول سونىمەن بىرگە ۆاشينگتون حالىقارالىق قاۋىمداستىقپەن تىعىز قارىم-قاتىناستى جانداندىرعىسى كەلەدى دەپ اتاپ وتكەن.
- 4 اقپاندا اقش مەملەكەتتىك حاتشىسى ەنتوني بلينكەن مەن رەسەي سىرتقى ىستەر ءمينيسترى سەرگەي لاۆروۆ تەلەفونمەن اڭگىمەلەسىپ، ناۆالنىيمەن بايلانىستى وقيعالاردى دا تالقىلاعان. لاۆروۆ اقش مەملەكەتتىك حاتشىسىن رەسەي زاڭدارىن قۇرمەتتەۋگە شاقىرعان. بۇعان قوسا، ءسىم ماسكەۋدىڭ ۆاشينگتونمەن قاتىناستى قالىپقا كەلتىرۋگە ءازىر ەكەنىن جەتكىزگەن.
- بۇعان دەيىن ءبىر توپ دەموكرات جانە رەسپۋبليكاشىل سەناتور اقش كونگرەسىنە "رەسەيدى قاستىق ارەكەتى ءۇشىن جاۋاپقا تارتۋ تۋرالى" زاڭ جوباسىن ۇسىنعان. وندا ناۆالنىيدى ۋلاۋعا جانە "نوۆيچوك" ۋىن جاساعاندارعا قاتىسى بار رەسمي تۇلعالارعا سانكتسيا سالۋ جاعى قاراستىرىلعان.
- رەسەي بيلىگى ناۆالنىيدىڭ ۋلانۋىنا قاتىسى جوعىن ايتادى.
