يران اقش سانكتسياسىنان كەيىن مۇناي ەكسپورتىنىڭ تابىسى 100 ملرد دوللارعا كەمىدى. وسىلاي دەپ يراننىڭ ۆيتسە-پرەزيدەنتى يسحاك دجاحانگيري كەرمانشاح پروۆينتسياسىندا مۇنايحيميا كءاءسىپورنى قۇرىلىسىنىڭ ىرگەسىن قالاۋ شاراسى كەزىندە ايتتى دەپ حابارلايدى IRNA.

ونىڭ سوزىنشە، اقش سانكتسياسى ەلىنە وراسان ەكونوميكالىق شىعىن اكەلدى. "ەگەر سانكتسيا بولماعاندا، يران حالقى مۇنداي قيىن جاعدايدا قالماۋشى ەدى", - دەدى دجاحانگيري.

يران پارلامەنتى جەلتوقسان ايىندا قابىلداعان زاڭعا سايكەس، ەگەر اقش 21 اقپانعا دەيىن سانكتسيالاردى جەڭىلدەتپەسە يران ۇكىمەتى يادرولىق ۇستانىمىن قاتايتۋى قاجەت.

اقش-تىڭ 45-پرەزيدەنتى دونالد ترامپ 2018 جىلى يراننىڭ الپاۋىت ەلدەرمەن جاساسقان يادرولىق كەلىسىمىنەن شىعىپ كەتىپ, تەگەرانعا قارسى سانكتسيالاردى قالپىنا كەلتىرە باستاعان.

جاۋاپ رەتىندە تەگەران كەلىسىمنىڭ كەي شارتتارىن ورىنداۋدان باس تارتاتىنىن مالىمدەدى. وتكەن ايدا يران ۋراندى 20 پايىزعا دەيىن بايىتۋعا كوشتى.

كەلىسىم اياسىندا يران ۋراندى بار-جوعى 4 پايىزعا دەيىن بايىتۋعا مىندەتتەنگەن، ال ونىڭ وتەمى رەتىندە وعان قارسى سانكتسيالار جەڭىلدەتىلۋى ءتيىس بولعان.

بايىتۋ دەڭگەيىن 20 پايىزدان اسىرسا، ونى يادرولىق قارۋ جاساۋعا پايدالانۋعا بولادى.

اقش-تىڭ جاڭا پرەزيدەنتى دجو بايدەننىڭ اكىمشىلىگى كەلىسىمگە ورالۋدىڭ جولدارىن قاراستىرىپ جاتىر. بايدەن وسى جونىندە مالىمدەمە جاساپ، ەگەر تەگەران كەلىسىم شارتتارىن ورىنداۋعا كوشسە، اقش-تا ءوز مىندەتتەرىن قاراستىرا باستايتىنىن ايتتى. بىراق تەگەران الدىمەن ۆاشينگتون سانكتسيالاردى جەڭىلدەتۋى ءتيىس جانە يراننىڭ زىمىران باعدارلامالارىن شەكتەيتىن باستامالارىن باس تارتۋى قاجەت دەدى.

Abai.kz