6 قاڭتاردا پرەزيدەنت ترامپ ونداعان مىڭ جاقتاستارىنىڭ الدىندا "سايلاۋدا داۋىستى ۇرلاۋدى" توقتاتۋعا شاقىرعان. وسىدان كەيىن ميتينگكە قاتىسۋشىلار كونگرەسس عيماراتىنا باسىپ كىرىپ، وكىلدەر پالاتاسى مەن سەنات وتىرىسىن بولدىرماۋعا ارەكەت ەتتى.
زاڭعا سايكەس، يمپيچمەنت جاريالاۋعا سوڭعى نۇكتەنى سەنات قويادى. سەيسەنبى كۇنى سەناتورلار ءسوز جارىستىرىپ، داۋىس بەرەدى. ەل كونستيتۋتسياسىندا اق ۇيدەن كەتكەن پرەزيدەنتكە يمپيچمەنت جاريالاۋ مۇمكىندىگى تۋرالى ەشتەڭە ايتىلماعان. بۇل اقش تاريحىندا بۇرىن-سوڭدى بولىپ كورمەگەن جاعداي.
دونالد ترامپتىڭ ادۆوكاتتارى ونى قورعاۋ ءۇشىن ەكى ارگۋمەنت كەلتىرىپ وتىر: ولار ەكس-پرەزيدەنتتى قۋعىنداۋ كونستيتۋتسياعا قايشى جانە ونىڭ جاقتاستارىنىڭ الدىندا سويلەگەن ءسوزى كونستيتۋتسيادا كورسەتىلگەندەي، ءسوز ەركىندىگىنە كەپىلدىك بەرىلگەن دەيدى.
وكىلدەر پالاتاسىنىڭ ايىپتاۋ قۇجاتىندا دونالد ترامپتىڭ ۇندەۋى "قۇراما شتاتتاردىڭ ۇكىمەتىنە قارسى كوتەرىلىس جاساۋ – پرەزيدەنت تاراپىنان جاسالىنعان ەڭ اۋىر قىلمىس" دەلىنگەن.
ەكس-پرەزيدەنتكە يمپيچمەنت جاريالانۋ ءۇشىن سەناتورلاردىڭ ۇشتەن ەكىسى داۋىس بەرۋى كەرەك. ياعني 17 سەناتور-رەسپۋبليكاشىل داۋىس بەرۋى قاجەت. بىراق بۇل ەكىتالاي دەيدى ساراپشىلار. ءارى كەتسە، ترامپقا قارسى 5 سەناتور داۋىس بەرۋى مۇمكىن.
دونالد ترامپتىڭ جاقتاستارى بۇل پروتسەستى ساياسي تەاتر دەپ اتاپ وتىر.
دونالد ترامپ اقش تاريحىندا وكىلدەر پالاتاسى تاراپىنان ەكى رەت يمپيچمەنت جاريالاۋعا ۇسىنىلعان ءبىرىنشى پرەزيدەنت.
Abai.kz
