قازاقستاندىق ءانشى ديماش قۇدايبەرگەن شىعارماشىلىعىن دامىتۋ ماقساتىندا اقش-قا كوشۋگە نيەتتى.

ءانشى MTV USA باعدارلاماسىندا اعىلشىن تىلىندە سۇحبات بەردى. كەۆين كەننيمەن سۇحباتىنىڭ توعىز مينۋتتىق ءۇزىندىسىن ديماش Instagram-پاراقشاسىندا جاريالادى.

ءانشى جانكۇيەرلەر قارىم-قاتىناسى مەن اتا-اناسىنىڭ قۋانىشى ونى قانشالىقتى شابىتتاندىراتىنىن، قىتايداعى شىعارماشىلىعى جانە ونداعى تۇرعىنداردىڭ ونى قالاي قارسى العانى تۋرالى ءسوز قوزعادى.

سونىمەن قاتار، ديماش قۇدايبەرگەن شىعارماشىلىعىن ودان ءارى دامىتۋ ءۇشىن ۋاقىتشا اقش-قا كوشۋدى جوسپارلاپ وتىرعانىن مالىمدەدى.

ۆيدەو سوڭىنا ءانشىنىڭ جانكۇيەرلەرى ونى قولداپ، ساتتىلىك تىلەپ، ءتۇرلى پىكىر قالدىرعان.

دەرەككوز: Oinet.kz

Abai.kz