قىرىمبەك كوشەرباەۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ وتىرىسى ءوتتى.

بەينەبايلانىس فورماتىندا وتكەن وتىرىستا باعدارلامانى ىسكە اسىرۋدىڭ اعىمداعى قورىتىندىلارى تالقىلانىپ، ودان ءارى اتقارىلاتىن جۇمىستىڭ باسىم باعىتتارى ايقىندالدى.

قىرىمبەك كوشەرباەۆ وتىرىستى اشا كەلە، مەملەكەت باسشىسى قاسىم-جومارت توقاەۆ «تاۋەلسىزدىك بارىنەن قىمبات» باعدارلامالىق ماقالاسىندا تۇڭعىش پرەزيدەنت – ەلباسى نۇرسۇلتان نازارباەۆ باستاماشى بولعان «رۋحاني جاڭعىرۋ» باعدارلاماسىن ودان ءارى دامىتۋدىڭ قۇندى باعدارلارىن ايقىنداعانىن اتاپ ءوتتى. بىرىنشىدەن، تاۋەلسىزدىگىمىزدىڭ قاستەرلى قۇندىلىقتارىن قورعاۋ مەن قاستەرلەۋ، ەكىنشىدەن، قوعامدىق دامۋدىڭ وزەكتى ماسەلەلەرى بويىنشا ناقتى مەملەكەتتىك ۇستانىم ەكەنىن ايتتى.

مەملەكەتتىك حاتشى جاھاندانۋدىڭ زاماناۋي سىن-قاتەرلەرى مەن تەگەۋرىندەرى جاعدايىندا «رۋحاني جاڭعىرۋ» باعدارلاماسى ادام كاپيتالىن دامىتۋدىڭ باستى باعدارى ءارى قوعام ءۇشىن جاڭا يدەولوگيالىق كۇن ءتارتىبىن قالىپتاستىرۋدىڭ تەتىگى ەكەنىن جەتكىزدى.

پرەمەر-ءمينيستردىڭ ورىنباسارى ەرالى توعجانوۆتىڭ ايتۋىنشا، 2020 جىلى «رۋحاني جاڭعىرۋ» باعدارلاماسىنىڭ ءىس-شارالار جوسپارىن جۇزەگە اسىرۋ اياسىندا 8 ميلليوننان استام ادام قامتىلعان 30 000 ءىس-شارا وتكىزىلگەن. باعدارلامانى ىسكە اسىرۋدىڭ جاڭا قۇندى تاسىلدەرى مەن تەتىكتەرى شارالاردىڭ اياسىن ءۇش نەگىزگى باعىت بويىنشا كەڭەيتۋگە مۇمكىندىك بەردى. اتاپ ايتقاندا: «تۇلعالىق دامۋ»، «ۇلتتىق بىرەگەيلىك جانە حالىقارالىق مارتەبەنى ارتتىرۋ»، «مەملەكەتتىڭ، ازاماتتىق قوعامنىڭ جانە جەرگىلىكتى قوعامداستىقتاردىڭ دامۋى». سونىمەن قاتار ارنايى 4 جاڭا جوبا ەنگىزىلدى. ولار: «ۇنەم – قوعام قۋاتى»، «ءداستۇر مەن عۇرىپ»، «قۇقىقتىق مادەنيەت» جانە «ەڭبەك – ەلدىڭ مۇراتى».

«تۋعان جەر» ارنايى جوباسىنىڭ اياسىندا وتكەن جىلى وتاندىق مەتسەناتتار نەگىزگى ايماقتىق ينفراقۇرىلىمدىق وبەكتىلەردى دامىتۋعا 10 ملرد تەڭگە كولەمىندە قارجى ءبولىپ، الەۋمەتتىك ماڭىزى بار 537 نىسان سالىپ، 445 نىسانعا جوندەۋ جۇمىستارىن جۇرگىزدى.

وتىرىسقا قاتىسۋشىلارعا قوعامدىق سانانى جاڭعىرتۋ باعدارلاماسىن ىسكە اسىرۋدىڭ ارنايى جول كارتاسى ۇسىنىلدى.

جيىندا تالقىلانعان ماسەلەلەر بويىنشا بەلگىلى عالىم، تاريح عىلىمدارىنىڭ دوكتورى، پروفەسسور تالاس وماربەكوۆ، «ۇلتتىق كينونى قولداۋ مەملەكەتتىك ورتالىعى» كەاق باسقارما توراعاسى ەسەتجان قوسۋباەۆ، شىعىس قازاقستان وبلىسى بورودۋليحا اۋدانىنىڭ مەتسەناتى كونستانتين پوپ، قر پرەزيدەنتىنىڭ «بولاشاق» حالىقارالىق ستيپەندياسى ستيپەندياتتارى قاۋىمداستىعىنىڭ اتقارۋشى ديرەكتورى لاۋرا دەمەسينوۆا ءسوز سويلەدى.

وتىرىس قورىتىندىسى بويىنشا ۇكىمەتكە «رۋحاني جاڭعىرۋ» باعدارلاماسىنىڭ 2021 جىلعا ارنالعان جول كارتاسىن ساپالى ءارى ءتيىمدى ىسكە اسىرۋدى قامتاماسىز ەتۋ بويىنشا بىرقاتار تاپسىرما بەرىلدى.

مەملەكەتتىك حاتشى ۇلتتىق كوميسسيانىڭ ۇسىنىستارى مەن ۇسىنىمدارىن قاراستىرۋدى تاپسىردى. اتاپ ايتقاندا، قازاقستاننىڭ تولىق اكادەميالىق تاريحىن جازۋ ءۇشىن «حالىق تاريحى» اتتى جوبالىق كەڭسەنى اشۋ، «كينوداعى جانە تەلەديدارداعى تاريح» اتتى ارنايى جوبانىڭ تاقىرىپتارىن كۇشەيتۋ، «كيەلى قازاقستان» ارنايى جوباسى اياسىندا ءتۋريزمدى دامىتۋ، وتاندىق سايلاۋشىلار بانكىن قالىپتاستىرۋ. اسىرەسە بالالار مەن جاسوسپىرىمدەر ءۇشىن ساپالى مادەني-اعارتۋشىلىق جانە ءبىلىم بەرۋ كونتەنتىن قالىپتاستىرۋ قاجەتتىلىگىنە نازار اۋدارىلدى.

Abai.kz