«C, X, W تاڭبالارى تسيتاتالىق پرينتسيپپەن جازىلاتىن شەتتىلدىك سوزدەردە قولدانىلادى». نەلىكتەن وسى C, X, W تاڭبالارى جاڭا ءالىپبي نۇسقاسىندا ايرىقشالانىپ بەرىلدى؟

ونىڭ نەگىزگى سەبەپتەرىنىڭ ءبىرىن شەتتەن ەنەتىن ءتۇرلى ماركا، برەند اتاۋلارىنىڭ ءالىپبي اۋىستىرۋ تۋرالى اڭگىمە قوزعالماستان بۇرىن شەتتىلدىك نۇسقاسىمەن وزگەرىسسىز جازىلا باستاعانىنان ىزدەستىرۋ كەرەك. وسىنداي شىققان ءتىلىنىڭ ءتۇرى مەن قالپى ساقتالاتىن، وزگەنرىسسىز الىناتىن شەتتىلدىك سوزدەر باق-تا، ۆيزۋالدى اقپارات قۇرالى سانالاتىن تەلەديداردا، ادەبي-كوركەم جۋرنالداردا، ءتىپتى اۋدارما ادەبيەت پەن وقۋلىقتاردا، كوشەدەگى جارنامالاردا، ماڭدايشالاردا دا كەزدەسەدى. اسىرەسە قالالاردا وسىنداي اتاۋلاردىڭ اياق اتتاپ باسقان سايىن كەزدەسىپ وتىراتىنى راس.

مىسالى، قازاق ءتىلىنىڭ كوركەمدىگىن، بايلىعىن پاش ەتۋگە قىزمەت ەتەتىن ادەبي-الەۋمەتتىك «جۇلدىز» جۋرنالىنىڭ وزىندە دە وسىلاي جازىلۋ ءۇردىسى بار: «الماتىلىق مۋزىكانتتاردى قولداۋ ءۇشىن ارنايى پلاتفورمالار قۇرىلىپ، ونىمدەرى iTunes, Yandeح، Spotify  تاعى دا باسقا زاماناۋي تسيفرلى قۇرالدار ارقىلى تاراتىلاتىن بولادى» (جۇلدىز، 2019, №11, 176-ب.).

«ونىڭ دامۋى الەۋمەتتىك جەلىلەر مەن بلوگ-پلاتفورمالار تانىمالدىعىنىڭ ارتۋىنا دا تىكەلەي سەرپىن بەردى. Youtube, Instagram, TWitter سەكىلدى ءتيىمدى كونتەنت قۇرىپ، جاقسى تابىس تابۋعا مۇمكىندىك بەرەدى» (جۇلدىز، 2019, №11, 177-ب.).

بۇل مىسالدار جەتىلدىرىلگەن ءالىپبي تالقىلاۋعا ۇسىنىلماستان بۇرىنعى جۋرنالدىڭ نومىرلەرىنەن الىنىپ وتىر. مۇندا كوپكە تانىمال Twitter, Yandeح سياقتى اتاۋلاردىڭ سول كۇيىندە الىنعانى كورىنىپ تۇر. وسىلاي جازۋعا كوز ۇيرەنگەن، ال اتاۋلاردىڭ تانىمالدىعى ارتقان ۇستىنە ارتا تۇسكەن. بۇل ارادا ءسوز-وبراز عانا ەمەس، كوز-وبراز دا ۇلكەن ءرول اتقارىپ تۇر. اتالعان فيرمالار ءۇشىن بۇل قولايلى جانە تاۋارىنىڭ تانىمالدىعى مەن تاۋارىنىڭ وتىمدىلىگىن ارتتىرۋ ءۇشىن كەرەك.

ەكىنشى سەبەپ العاشقى سەبەپتەن كەلىپ تۋىندايدى: ءار ءتۇرلى تىلدەردىڭ يەلەرى (تۇتىنۋشىلارى، ەلدەر، مەملەكەتتەر) اراسىنداعى ەكونوميكالىق، ساياسي جانە مادەني بايلانىستاردىڭ نىعايۋى، جاپپاي كومپيۋتەرلەندىرۋ، عىلىم مەن تەحنيكانىڭ دامۋى مەن تەحنيكالىق قۇرالداردىڭ قولجەتىمدى بولا باستاۋى، جالپىعا تارالۋى تىلدەگى شەتتەن ەنەتىن سوزدەردى كوبەيتەدى. ال كىرمە ءسوزدىڭ ءمان-ماعىناسىن، سىرتقى تۇرپاتىن تولىق جەتكىزۋمەن بايلانىستى برەند، ماركا اتاۋلارىنىڭ وزگەرىسسىز جازىلۋى داعدىعا اينالادى. سوندىقتان جوبادا C, X, W تاڭبالارىمەن جازىلاتىن بەلگىلى ماركالار، برەند اتاۋلارىن سول كۇيى كوشىرىپ الۋ، ياعني ماتىندە دە، جەكە تۇرعاندا دا تسيتاتالىق پرينتسيپپەن جازۋ ۇسىنىلعان.

الەمگە بەلگىلى برەند اتاۋلارىن تسيتاتا سياقتى وزگەرتپەي جازۋ ءۇردىسى كوپ تىلدەردە بار قۇبىلىس. بۇل اتاۋلاردى گيبريدتەر دەۋگە بولادى، سەبەبى ولارعا قازاق ءتىلىنىڭ قوسىمشالارى جالعانادى، مىسالى: Yandeح-تەن،  Word-پەن، سوسا-سوla-نىڭ  ت.ب.   

باعدان مومىنوۆا، 

فيلولوگيا عىلىمدارىنىڭ دوكتورى، پروفەسسور

Abai.kz