جۇمىس ىستەيتىن جاستارعا جىل سايىن 3 مىڭ جالدامالى پاتەر بەرىلەدى.

بۇل تۋرالى ماجىلىستە «Nur Otan» پارتياسىنىڭ سايلاۋ الدىنداعى مىندەتتەمەلەرىن ىسكە اسىرۋعا ارنالعان تالقىلاۋ كەزىندە پرەمەر-مينيستر اسقار مامين ءمالىم ەتتى.

«ستۋدەنتتەردىڭ ستيپەندياسى جىل سايىن 20 پايىزعا ارتىپ، 2 ەسە وسەدى، ال ماگيسترانتتار مەن دوكتورانتتارعا جىل سايىن 10 پايىزعا ارتىپ، 1,5 ەسە وسەدى»، - دەدى ا. مامين.

جۇمىس ىستەيتىن جاستار ءۇشىن سۇرانىسقا يە ماماندىقتار بويىنشا جىل سايىن 3 مىڭ جالدامالى پاتەر بەرىلەتىن بولادى.

بۇدان بۇرىن حابارلانعانداي، ۇكىمەت Nur Otan پارتياسىنىڭ پارلامەنت ماجىلىسىندەگى فراكتسياسىنىڭ الدىندا سايلاۋالدى باعدارلامانى جۇزەگە اسىرۋ بويىنشا ءتيىستى جول كارتاسىنىڭ جوباسىن ۇسىندى.

جول كارتاسى سايلاۋالدى باعدارلاماسىنىڭ ءتورت باعىتى بويىنشا 362 ءىس-شارادان تۇرادى.

دەرەككوز: قازاقپارات

Abai.kz