قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ امەريكالىق بيزنەسمەن يلون ماسك ۇيىمداستىرعان Not-A-Boring Competition بايقاۋىنا قاتىسۋشى سانجار تايجانمەن كەزدەستى.

ونەرتاپقىش مينيسترگە ءوزىنىڭ جاڭا جوباسى - قازاقستاندىق ەلەكتروموبيلدى تانىستىردى.

سانجار تايجان ءوز كومانداسىمەن بىرگە بەنزينمەن جۇرەتىن اۆتوموبيلدەردى باتارەيامەن قوزعالاتىن ەلەكتر كولىكتەرى ەتىپ، قايتا جاڭعىرتادى. قازاقستاندىق ونەرتاپقىش ماشينانىڭ ءپروتوتيپى مەن ەرەكشەلىكتەرى تۋرالى ايتىپ بەردى.

- قازىر ەلەكتر كولىگى جاقسى اۋا-رايىندا 100 شاقىرىمنان استام قاشىقتىققا جۇرە الادى. ال ءبىز ونى 500-600 شاقىرىعا دەيىن ارتتىرا الامىز. باستى ماقساتىمىز - ەلەكتروموبيلدەردىڭ العاشقى قازاقستاندىق برەندىن جاساۋ. جاقىن ارادا ديزاينى مۇلدەم جاڭا 30 پروتوتيپ ازىرلەپ، مودەلگە 200-دەن استام پاتەنت الۋدى جوسپارلاپ وتىرمىز, - دەيدى سانجار تايجان.

ستارتاپ ەڭ الدىمەن تاكسيدى قوسا العاندا ەلىمىزدەگى قوعامدىق كولىكتى ەلەكتر تۇرىنە اۋىستىرۋدى كوزدەيدى

Abai.kz