ۋكراينانىڭ حالىق دەپۋتاتتارى حالىقارالىق قاۋىمداستىقتى رەسەيگە قىسىم جاساۋ ءۇشىن بارلىق سانكتسيا تەتىكتەرىن قولدانۋعا شاقىردى.

جوعارعى رادا بىرىككەن ۇلتتار ۇيىمىنا، ەۋروپالىق پارلامەنتكە، ەۋروپالىق كەڭەستىڭ پارلامەنتتىك اسسامبلەياسىنا، ەقىۇ-عا، ناتو-عا جانە باسقا دا حالىقارالىق ينستيتۋتتارعا قىرىمدى ۋاقىتشا باسىپ الۋدى جانە تۇبەكتە ادام قۇقىعىنىڭ بۇزىلۋىن ايىپتاۋ تۋرالى ۇندەۋ قابىلدادى.

بۇل تۋرالى 16 اقپاندا پارلامەنت سايتىندا جاريالانعان جوعارعى رادانىڭ قاۋلىسىندا ايتىلعان.

قاراردى 450 دەپۋتاتتىڭ 314-ءى قولداپ، قاجەتتى مينيمۋم 226 داۋىسقا يە بولدى.

«ۋكراينانىڭ جوعارعى راداسى جاساعان ۇندەۋ رەسەي فەدەراتسياسىنىڭ ۋكرايناعا قارسى قارۋلى اگرەسسياسىنا قارسى تۇرۋ ءۇشىن بارلىق قولدانىستاعى حالىقارالىق قۇقىقتىق، ساياسي، ديپلوماتيالىق جانە سانكتسيالار تەتىكتەرىن ودان ءارى پايدالانۋعا باعىتتالعان تاعى ءبىر قادام بولادى»، - دەلىنگەن حابارلامادا.

Abai.kz