مەملەكەت باسشىسى Kaspi.kz كومپانياسىنىڭ نەگىزىن قالاۋشىلاردى قابىلدادى. 

كەزدەسۋ بارىسىندا ۆياچەسلاۆ كيم مەن ميحايل لومتادزە قاسىم-جومارت توقاەۆقا كومپانيانىڭ قازىرگى جۇمىسى مەن جەتىستىكتەرى تۋرالى ايتتى.

پرەزيدەنتكە ءىرى جاھاندىق ينۆەستورلاردىڭ قازاقستانعا دەگەن قىزىعۋشىلىعى ارتقانى جونىندە مالىمەت بەرىلدى. بۇعان Kaspi.kz اكتسيالارىنىڭ لوندون قور بيرجاسىنا اشىق تۇردە ءساتتى ورنالاستىرىلۋى سەبەپ بولدى.

سونىمەن قاتار كەزدەسۋدە قولما-قول اقشاسىز تولەم كولەمىنىڭ ءوسۋى جانە ونىڭ قولدانىلۋ اياسىن كەڭەيتۋ، كومپانيانىڭ قاتىسۋىمەن مەملەكەتتىك تسيفرلاندىرۋ جوبالارىن جۇزەگە اسىرۋ ماسەلەلەرى تالقىلاندى.

كەزدەسۋ قورىتىندىسى بويىنشا مەملەكەتتىك ورگاندار مەن Kaspi.kz كومپانياسىنىڭ بىرلەسكەن جۇمىستارىنىڭ پەرسپەكتيۆالىق باعىتتارى بەلگىلەنىپ، قازاقستانداعى قولما-قول اقشاسىز تولەمدەردى دامىتۋعا قاتىستى ماسەلەلەر ناقتىلاندى.

Abai.kz