امەريكالىق ارنايى قىزمەت دايىنداعان باياندامادا وسىنداي تۇجىرىم جاسالعان. قۇجات بەيسەنبىدە جاريالانادى. باياندامەن تانىسقان ادامدار بۇقارالىق اقپارات قۇرالدارىنا وسىلاي دەپ حابارلاعان.
شەتەلدە تۇرىپ، ساۋد ارابياسىنىڭ بيلىگىن باتىس باسپاسوزىندە سىناعان جۋرناليست جامال حاشوگگيدى 2018 جىلى ستامبۋلداعى ساۋد كونسۋلدىعى اۋماعىندا ءولتىردى. ودان سوڭ ونىڭ دەنەسىن بولشەكتەپ، ساۋد ارابياسىنىڭ كونسۋلدىعىنان الىپ كەتكەن. مارقۇمنىڭ بولشەكتەنگەن دەنەسى ءالى تابىلمادى.
جۋرناليست ولىمىنە حانزادا مۇحاممەدتىڭ قاتىسى بولۋى مۇمكىن دەگەن بولجام سول كەزدە-اق ءجيى ايتىلعان. حانزادا بۇنى جوققا شىعارىپ وتىر. ساۋد ارابياسى ءجۋرناليستى كونسۋلدىقتا ءولتىردى دەگەندى جوققا شىعارعىسى كەلگەن، بىراق كەيىن مويىنداعان. ساۋد ارنايى قىزمەتىنىڭ ءجۋرناليستى كونسۋلدىقتا ولتىرگەن ادامدارى ەشكىمنىڭ بۇيرىعىنسىز ارەكەت ەتتىك دەگەن. ولاردىڭ ءىسى سوتقا جەتتى. حاشوگگي وتباسى كىسى ولتىرۋشىلەرگە راقىمشىلىق بەرگەنىن مالىمدەدى. ساۋد ارابياسىنىڭ زاڭدارىنا سايكەس، راقىمشىلىق العان ادام ءولىم جازاسىنا كەسىلمەيدى. سول سەبەپتى سوتتالۋشىلارعا تۇرمە جازاسى بەلگىلەنگەن.
باياندامادا تاق مۇراگەرىنىڭ كىسى ءولتىرۋ قىلمىسىنا قاتىسى بارىن ايعاقتايتىن تىكەلەي دالەل جوق دەپ حابارلاندى، بىراق ارنايى قىزمەت مۇنداي وپەراتسيا مۇحاممەد بين سالماننىڭ رۇقساتىنسىز وتپەيدى دەپ توپشىلاعان.
مالىمەتتەرگە قاراعاندا، اقش پرەزيدەنتى دجو بايدەن بايانداما مازمۇنىمەن تانىسقان، ەندى ول سالمانمەن تەلەفونمەن سويلەسكىسى كەلەدى. بۇنىڭ الدىندا بايدەن ەر-ريادپەن قارىم-قاتىناستى "قايتا قاراۋ كەرەكتىگىن" مالىمدەگەن. اقش يەمەن جانجالىندا ەر-ريادتى قولداۋدان باس تارتادى دەگەن بايدەن.
اقش مەملەكەتتىك حاتشىسى ەنتوني بلينكەن بەيسەنبىدە ساۋد ارابياسىنىڭ سىرتقى ىستەر مينيسترىمەن تەلەفونمەن سويلەسكەن. ولاردىڭ باياندامانى تالقىلاعان-تالقىلاماعانى بەلگىسىز.
Abai.kz
