قازاقستاندا جىل سايىنعى كوكتەمگى اسكەري قىزمەتكە شاقىرۋ باستالدى. بۇل تۋرالى قر قورعانىس مينيسترلىگى مالىمدەدى. اسكەرگە شاقىرۋدىڭ كوكتەمگى ماۋسىمى 1 ناۋرىزدان باستالادى.

قر قارۋلى كۇشتەرى باس شتابىنىڭ ۇيىمداستىرۋ جانە اسكەريگە جۇمىلدىرۋ جۇمىستارى جونىندەگى دەپارتامەنتىنىڭ باسشىسى، پولكوۆنيك ساكەن ءجۇسىپوۆتىڭ مالىمدەۋىنشە، بيىل وتان الدىنداعى اسكەري بورىشىن وتەۋگە ەلدەگى 18-27 جاس ارالىعىنداعى 14 مىڭعا جۋىق ادام شاقىرىلعان.

«قازاقستان اۋماعىندا 13,5 مىڭنان استام ادام (18-27 جاس ارالىعىنداعى) كوكتەمگى مەرزىمدى اسكەري قىزمەتىن وتەۋ ءۇشىن قر قارۋلى كۇشتەرىنىڭ جانە باسقا دا اسكەر مەن اسكەري قۇرىلىمدار قاتارىنا شاقىرتىلدى»، - دەلىنگەن ۆەدومستۆو حابارلاماسىندا.

ايتا كەتەيىك، بيىلعى جىلدىڭ 5 اقپانىندا قر پرەزيدەنتى قاسىم-جومارت توقاەۆ قر قارۋلى كۇشتەرىنىڭ مەرزىمدى بورىشكەرلەرىن اسكەر قاتارىنا شاقىرۋ ناۋقانىن باستاۋ تۋرالى جارلىققا قول قويعان.

قر قورعانىس مينيسترلىگىنىڭ مالىمەتىنشە، بيىلعى كوكتەمگى اسكەرگە شاقىرۋ ماۋسىمى 1 ناۋرىزدا باستالىپ، 1 شىلدەگە اياقتالادى دەپ جوسپارلانعان.

قر قارۋلى كۇشتەرى پولكوۆنيگى ساكەن ءجۇسىپوۆ كوروناۆيرۋس پاندەمياسىنا بايلانىستى قاازاقستانداعى ىندەتتىڭ تارالۋى قاۋپىنىڭ الدىن الۋ شارالارى مەن قورعانىس ۆەدومستۆوسى قابىلداپ جاتقان ءتيىستى شارالار تۋرالى ەگجەي-تەگجەيلى ايتقان.

پولكوۆنيك ءجۇسىپوۆتىڭ ايتۋىنشا، بيىل اسكەر قاتارىنا شاقىرتىلاتىن ازاماتتاردان ەكى مارتە، ءبىرىنشى رەت اسكەرگە شاقىرۋ كەزىندە، سوسىن اسكەري بولىمگە كەلگەن ساتتە ارنايى جاساقتالعان قۇراما پۋنكتتەردە پتر ساراپتامالارى الىنادى. ال قر ۇكىمەتىنىڭ ارنايى قاۋلىسىنا سايكەس، اسكەر قاتارىنا شاقىرتىلعان ازاماتتارعا ەكپە جۇرگىزۋ اسكەري قىزمەتتەرىن وتەيتىن بولىمشەلەردە جۇزەگە اسىرىلادى.

بيىل اسكەرگە شاقىرۋ ءتاسىلى دە بۇرىنعىدان وزگەشە بولماق. اسكەري مىندەتىن وتەۋگە جارامدى ازاماتتاردى حابارلاۋدىڭ جاڭا ءتاسىلى كوروناۆيرۋس پانلدەمياسىنا بايلانىستى ەنگىزىلىپ وتىر. پاندەميا جاعدايىندا تىكەلەي قارىم-قاتىناستى بولدىرماۋ جانە ازايتۋ ماپقساتىندا قر تسيفرلىق دامۋ جانە اەروعارىش ونەركاسىبى مينيسترلىگىنىڭ 1414 سەرۆياتىك قىزمەتى پيلوتتىق رەجيمدە اسكەرگە شاقىرتىلۋشىلارعا سمس حابارلامالار جىبەرەتىن بولادى.

قر قارۋلى كۇشتەرىنىڭ پولكوۆنيگى ساكەن ءجۇسىپوۆ اسكەري قىزمەت – قر ازاماتتارىنىڭ، ءاربىر جاس ازاماتتىڭ كونستيتۋتسيالىق مىندەتى ەكەنىن، ال اسكەري بورىشىن وتەۋدەن جالتارۋ – قىلمىستىق ءھام اكىمشىلىك جاۋاپكەرشىلىك جۇكتەيتىنىن ايتادى.

«اسكەردەن قاشىپ، اقشا بەرۋ ارقىلى نەمەسە اسكەردەن جالتارۋعا كومەك كورسەتۋگە ۋادە ەتكەن تانىس-تامىرلارىڭىز ارقىلى اسكەردەن قاشۋعا نەمەسە اسكەردەن بوساتۋ ماسەلەسىن شەشۋگە ارەكەت ەتپەڭىز. بۇل قىلمىستىق جانە اكىمشىلىك جاۋاپكەرشىلىك جۇكتەيتىن ارەكەت. سونداي-اق، حالىقتىڭ بەيحابار ەكەنىن پايدالانىپ، اسكەري قىزمەتتى كەيىنگى قالدىرۋدى كوزدەيتىن الاياقتىق»، - دەيدى ءجۇسىپوۆ.

پولكوۆنيك ااكەن ءجۇسىپوۆ اسكەري قىزمەتكە قاتىستى تۋىنداعان بارلىق ساۋالدارعا جاۋاپ الۋ ءۇشىن قر قارۋلى كۇشتەرىنىڭ «ادالدىق الاڭى» جوبالىق كەڭسەسىنە جۇگىنۋ كەرەكتىگىن ايتادى.

«اسكەري قىزمەتكە شاقىرۋعا بايلانىستى بارلىق ماسەلەلەر مەن تۋىنداعان سۇراقتار كەڭەس بەرە وتىرىپ، بارىنشا اشىق فورماتتا ۇيىمداستىرىلادى. ول ءۇشىن جەرگىلىكتى اسكەري باسقارۋ ورگاندارىنا جۇگىنۋ كەرەك. نەمەسە ونداعى ەلەكتروندىق پوشتا جاشىكتەرى مەن الەۋمەتتىك جەلىلەردە رەسمي اككاۋنتتار ارقىلى سۇراپ-بىلۋگە بولادى»، - دەيدى پولكوۆنيك.

Abai.kz