بۇعان دەيىن «التىن وردا» سايتىن جاساپ، ءورىستىلدى قازاقتار مەن وزگە دياسپەرالارعا قازاقتىڭ ويىن، ۇستانىمىن، وزەكتى ماسەلەلەرىن، قۇندىلىقتارىن جەتكىزىپ، ازاماتتاردى تۇتاستىق پەن مەملەكەتشىلدىككە  ۇندەپ كەلە جاتقان جۋرناليست سەرىك مالەەۆ ازاماتتىق ەرلىك جاساپ، «كازاحسكي مير» گازەتىن ءوز قارجىسىنا شىعارا باستادى. بۇل گازەتتىڭ دە باستى مۇراتى - اراسى الشاقتاپ، ءبىرىن-ءبىرى تۇسىنبەيتىن كۇيگە تۇسكەن ءورىستىلدى قازاقتار مەن دياسپەرالارعا ۇلتتىڭ تاريحىن، مادەنيەتىن ناسيحاتتاي وتىرىپ، بۇگىنگى قازاق قوعامىندا، باسپاسوزدە كوتەرىلىپ جاتقان وزەكتى ماسەلەلەردى ساراپتاپ بەرۋ وتىرۋ. سول ارقىلى مەملەكەتتىڭ، قوعامنىڭ تۇتاستىعىنا قىزمەت ەتۋ.
تومەندە «التىن وردا» سايتىنىڭ جانە «كازاحسكي مير»گازەتىنىڭ باس رەداكتورى سەرىك مالەەۆپەن بولعان سۇحباتتى نازارلارىڭىزعا ۇسىنىپ وتىرمىز.
«اباي-اقپارت»

-«كازاحسكي مير» دەپ اتالاتىن گازەتىڭىزدىڭ العاشقى سانىن شىعارىپسىز. قۇتتى بولسىن! قازاق الەمىن ءورىستىلدى قاۋىمعا تۇسىندىرۋگە، ولاردى ءوز قازىعىنا قايتارۋدى مۇرات ەتكەن وسىنداي باسىلىمدى شىعارۋىڭىزعا نە تۇرتكى بولدى؟

بۇعان دەيىن «التىن وردا» سايتىن جاساپ، ءورىستىلدى قازاقتار مەن وزگە دياسپەرالارعا قازاقتىڭ ويىن، ۇستانىمىن، وزەكتى ماسەلەلەرىن، قۇندىلىقتارىن جەتكىزىپ، ازاماتتاردى تۇتاستىق پەن مەملەكەتشىلدىككە  ۇندەپ كەلە جاتقان جۋرناليست سەرىك مالەەۆ ازاماتتىق ەرلىك جاساپ، «كازاحسكي مير» گازەتىن ءوز قارجىسىنا شىعارا باستادى. بۇل گازەتتىڭ دە باستى مۇراتى - اراسى الشاقتاپ، ءبىرىن-ءبىرى تۇسىنبەيتىن كۇيگە تۇسكەن ءورىستىلدى قازاقتار مەن دياسپەرالارعا ۇلتتىڭ تاريحىن، مادەنيەتىن ناسيحاتتاي وتىرىپ، بۇگىنگى قازاق قوعامىندا، باسپاسوزدە كوتەرىلىپ جاتقان وزەكتى ماسەلەلەردى ساراپتاپ بەرۋ وتىرۋ. سول ارقىلى مەملەكەتتىڭ، قوعامنىڭ تۇتاستىعىنا قىزمەت ەتۋ.
تومەندە «التىن وردا» سايتىنىڭ جانە «كازاحسكي مير»گازەتىنىڭ باس رەداكتورى سەرىك مالەەۆپەن بولعان سۇحباتتى نازارلارىڭىزعا ۇسىنىپ وتىرمىز.
«اباي-اقپارت»

-«كازاحسكي مير» دەپ اتالاتىن گازەتىڭىزدىڭ العاشقى سانىن شىعارىپسىز. قۇتتى بولسىن! قازاق الەمىن ءورىستىلدى قاۋىمعا تۇسىندىرۋگە، ولاردى ءوز قازىعىنا قايتارۋدى مۇرات ەتكەن وسىنداي باسىلىمدى شىعارۋىڭىزعا نە تۇرتكى بولدى؟

-«مەگاپوليس» گازەتىندە جۇمىس ىستەپ جۇرگەن كەزىمدە قازاق باسپاسوزىنە شولۋ جاساپ، ماقالانىڭ سوڭىندا ءوزىمنىڭ قورتىندى ىسپەتتەس تۇيگەن ويلارىمدى بەرەتىنمىن. رەداكتسيادا اپتا بويى جارىق كورگەن ماقالالاردىڭ ىشىندە ەڭ كوپ وقىلعان، ەڭ كوپ پىكىر تۋدىرعان ماتەريالداردىڭ تابليتساسى جۇرگىزىلەتىن ەدى. مىنە، وسى تابليتسا قورتىندىسى بويىنشا قازاق باسپاسوزىنە جاسالعان شولۋ مەن مەنىڭ جازعان وي تۇيىندەرىم ەڭ كوپ وقىلعان جانە داۋ تۋعىزعان، تالقىلانعان ماقالالاردىڭ قاتارىنان تۇسپەي، ۇنەمى جوعارعى ورىندا بولدى. وسىلايشا، ەكى جىل بويى قازاق باسپاسوزىنە شولۋ رەيتينگ ەسەبىندە ءبىرىنشى ورىندا بولدى.
«مەگاپوليس» گازەتىنەن جۇمىستان كەتكەن سوڭ، مەن قازاقباسپاسوزىنە شولۋدى كەڭ كولەمدە، باسقا فورماتتا جالعاستىرعىم كەلدى. ونداعى ويىم - ءبىزدىڭ ءورىستىلدى قازاقتار قازاق ءباسپاسوزىنىڭ نە جازىپ جاتقانىن، قانداي ماسەلەلەر كوتەرىپ جۇرگەنىن ءبىلسىن، ويلانسىن دەگەن نيەت.
وسى ماقساتتىڭ ۇدەسىنەن شىعۋ ءۇشىن «التىن وردا» (http://www.altyn-orda.kz/)سايتىن اشتىق. سايتتى اشۋعا، اياعىن تۇرىپ كەتۋىنە كومەكتەسكەن - بەرىك ابدىعالي مىرزا. ول كىسىگە ۇلكەن راحمەت! بەرىك ابدىعالي «مەملەكەتتىك ءتىلدى دامىتۋ» قورىن باسقارىپ وتىرعان كەزدە سايتتى اشۋعا، جۇمىس جاساۋعا - 1 ميلليون تەڭگە بەردى.
قازىر سايت قالىپتى جۇمىس ىستەپ تۇر. قارجى ماسەلەسىنە قول ۇشىن سوزعان ازاماتتار بولدى. بىراق، نەگىزىنەن ءوز كۇشىمىزبەن شىعارىپ وتىرمىز. بۇگىندە سايتتىڭ ايلىق وقىرمانى 150 مىڭعا جەتتى. ەكى جىلدان بەرى وقىرماندار سانى ءبىر جارىم ميلليوننان اسىپ جىعىلدى.
باستاپقى كەزدە سايتتاعى پىكىر الاڭىنا تۇسكەن لاس، انايى كوممەنتتەردى الىپ تاستاپ وتىردىق. قازىرگى كەزدە مادەنيەتتى پىكىرتالاستار جۇرگىزە الاتىن، تۇشىمدى وي ايتىپ، ساۋاتتى پىكىر جازاتىن وقىرماندار قالىپتاستى. سول پىكىرلەردىڭ اراسىنان جازۋعا كەرەكتى جاڭا تاقىرىپتار، كوتەرىلۋگە ءتيىستى ماسەلەلەر كوپ كەزدەسەدى. ول جاعىنا دا ۇنەمى كوڭىل ءبولىپ وتىرامىز.
سايتتىڭ جۇمىسى العا باسقان سوڭ، گازەت اشۋ تۋرالى وي كەلدى. البەتتە، بۇگىنگى قوعامدى «گازەت وقىلمايدى، وتپەيدى»، دەگەن تۇسىنىك بار. الايدا، قىرىقتىڭ قىرقاسىنا شىققان، ەلۋدى ەڭسەرگەن ءومىر بويى گازەت وقىپ كەلە جاتقان قانشاما ازاماتتار بار. ولار ينتەرنەتتى بىلمەيدى. جانە ولاردىڭ اراسىندا ءورىستىلدى باۋىرلارىمىز وتە كوپ. ال، ولار قازاق باسپاسوزىنە دە، قازاقتىلدى ورتادا نە بولىپ جاتقانىن، نەندەي ماسەلەلەر كۇن تارتىبىنە شىعىپ، قانداي وزگەرىستەر ورىن الىپ جاتقانىنان جانە وعان قازاق قوعامىنىڭ ۇستانىمى پەن كوزقاراسى قانداي ەكەنىن بەيحابار.
مىنە، وسىنىڭ ءبارىن ويلاستىرا كەلىپ، «كازاحسكي مير» دەگەن اتپەن جاڭا گازەت شىعارۋدى باستاپ وتىرمىز.
گازەتتە قازاق باسپاسوزىنەن اۋدارمالار، ءوز ماتەريالدارىمىز دا بار. نەگىزىنەن، گازەتتە تاريحي، قوعامدىق-ساياسي، الەۋمەتتىك ماسەلەلەرگە ساراپتامالىق نەگىزدى جارىق كورىپ تۇرادى. ەڭ باستىسى - قازاق ءتىلى ماسەلەسى، ۇلت ماسەلەسى باستى نازاردا بولادى.

-گازەتتىڭ اتاۋىن نەگە «كازاحسكي مير» دەپ قويدىڭىزدار؟

-مينيسترلىككە تىركەۋگە گازەتتىڭ قۇجاتتارىن وتكىزەتىن كەزدە سايتتىڭ اتىمەن بىردەي بولسىن دەپ «التىن وردا» دەپ اتاعانبىز. بىراق، «التىن وردا» دەگەن گازەت بار بولىپ شىقتى. مينيسترلىك باسقا اتاۋ ۇسىنىڭدار دەدى. ءسويتىپ، «كازاحسكي مير» دەپ اتادىق. بۇل اتاۋ وزىمە ۇنادى. امبەسى، گازەتتىڭ مازمۇنىنا دا ساي كەلەدى.

-دەمەك، ءسىز «كازاحسكي مير» - قازاق الەمى اتتى گازەت شىعارۋ ارقىلى ەلدەگى ءورىستىلدى قازاقتارعا جانە باسقا دياسپەرا وكىلدەرىنە قازاق الەمىن اشىپ، كورسەتكىڭىز كەلەدى عوي.

-دۇرىس اڭعارعانسىز. مەنىڭ ويىمشا، ءبىر مەملەكەتتە ەكى يدەولوگيا بولماۋ كەرەك. ءبىر مەملەكەت - ءبىر يدەولوگيا قاجەت. ءورىستىلدى قازاقتار بولسىن، باسقالار بولسىن، قازاق ءباسپاسوزى، قازاق قوعامى نە ىستەپ، نە ويلاپ، نەندەي ماسەلەلەر كوتەرىپ جاتقانىن بىلگىسى كەلمەسە دە ءبىلۋى ءتيىس. ەرتەڭ قانداي دا ءبىر جاعداي بولعان كەزدە اسپاننان تۇسكەندەي بولماۋى ءۇشىن قاجەت. ويتكەنى، ولار دا ءبىزدىڭ مەملەكەتتىڭ ازاماتتارى عوي. ەكىنشىدەن، ورىس باسىلىمدارىنىڭ رەداكتورلارى ءبىزدىڭ گازەتتى وقۋ ارقىلى وزدەرىنىڭ باسپاسوزدىك ۇستانىمدارىن ايقىنداسىن، قانداي ماسەلەگە قاي قىرىن بارۋ كەرەكتىگىن باعامداسىن ءارى قازاقتىڭ ءتىلىن تاۋىپ، ارالاسۋ ءۇشىن قازاقتىڭ فورماتى قانداي ەكەنىن كورسىن دەگەن وي. ءۇشىنشى ماقسات -  قازاق ءباسپاسوزىن كوتەرۋ. سەبەبى، ورىس باسىلىمدارىنىڭ اراسىندا «قازاق ءباسپاسوزى ءالىسىز، اۆتورلار ناشار» دەگەن پىكىر بار. ال، شىندىعىندا، قازاق ءباسپاسوزى ءورىستىلدى باسپاسوزدەن الدەقايدا مىقتى. سەبەبى، قازاق ءباسپاسوزىنىڭ ساراپتامالارى وتە كۇشتى. قازاق باسىلىمدارى ءۇشىن جابىق تاقىرىپ جوق. كەز كەلگەن ماسەلەنى كوتەرەدى، تالقىلايدى. مىسالى، ءورىستىلدى باسپاسوزدە جابىق تاقىرىپ بار ەكەنى بىلاي تۇرىپتى، وقىرماندارىنىڭ گازەتتە جازىلعان دۇنيەلەردى قابىلداۋى ءسال باسقاشالاۋ. سونىڭ كەسىرىنەن ورىس ءباسپاسوزىنىڭ كوپتەگەن ماسەلەلەر بويىنشا جازعاندارىن، كوتەرگەن ماسەلەلەرىن كوپ جاعدايدى قابىلدامايدى.

-كەڭەس وكىمەتى تۇسىندا قازاق ءباسپاسوزى وتە جاقسى وقىلاتىن. تاۋەلسىزدىكتەن كەيىن ورىس ءباسپاسوزى قاۋلاپ ءوستى، وقىلىمدى باسىلىمدارعا اينالدى. قازاق باسلىمدارى ءالى دە ەڭسەسىن تىكتەي الماي كەلەدى. وسىنىڭ سەبەبى نەدە دەپ ويلايسىز؟ الدە قازاق باسپاسوزىنە قاراعاندا، ءورىستىلدى ءباسپاسوز نارىققا تەز بەيىمدەلىپ كەتتى مە؟

-شىڭعىس ايتماتوۆتىڭ «عاسىردان دا ۇزاق كۇن» شىعارماسىنداعى ماڭگۇرتتىك - ەرتە دۇنيە ماسەلە ەمەس، ول ءبىزدىڭ تراگەديامىزدى ايتىپ وتىر. شىعارما كەيىپكەرى نايمان-انانىڭ مىنانداي سوزدەرى بار: «ادامدى بايلىعىنان، جەرىنەن ايىرۋعا بولادى. بىراق ادامدى قالاي شا جادىنان ايىرۋعا بولادى». مىنە، سوۆەت وكىمەتى ءبىزدى جادىمىزدان ايىرىپ، ماڭگۇرت جاسادى. ماڭگۇرتتىكتەن ءالى كۇنگە شىعا الماي كەلەمىز. مىسالى، ارعى تاريحتى ايتپاعان كۇننىڭ وزىندە بەرىدەگى الاش زيالىلارىنىڭ ءوزىن ءبىز تاۋەلسىزدىك العان سوڭ عانا بارىپ بىلە باستادىق. وعان دەيىن ونداي ادامداردىڭ بولعانىن مۇلدەم بەيحابار بولدىق قوي. قازىر قازاعىمىزدىڭ ىشىندە ماڭگۇرتتەر كوپ. بۇل - فاكت. مۇنى مويىنداۋىمىز كەرەك. ال، ولار قازاق الەمى دەگەننىڭ نە ەكەنىن دە بىلمەيدى.
كەلەسى ساندا گازەتكە مەنىڭ ماڭگۇرتتەر تۋرالى ماقالام جارىق كورەدى. ەڭ اۋەلى ءبىز تاريحي جادىمىزدى قايتارۋىمىز كەرەك. گازەتىمىزدە تاريحقا پەن مادەنيەتكە كوپ ورىن بەرىپ وتىرعانىمىزدىڭ باستى سەبەبى دە سول. ەكىنشىدەن، ماڭگۇرتتىكتەن شىعۋ ءۇشىن تىلىمىزدىك قايتارۋىمىز قاجەت.
ۇشىنشىدەن، مىسالى، رەسەي ارنالارى ۇنەمى ويىن-ساۋىق، جەڭىل فورماتتاعى حابارلاردى بەرەدى. سەبەبى، رەسەي بيلەۋشىلەرىنە ورىس حالقىنىڭ رومانتيك بولىپ وتىرا بەرگەنى كەرەك. رەسەي ارنالارىن كورەتىن ءبىزدىڭ ءورىستىلدى قازاقتاردا ورىستارعا ەلىكتەپ جاتىر. ال، بىزگە ءتىلدى، ۇلتتىق قۇندىلىقتاردى ناسيحاتتايتىن رومانتيكتەر كەرەك. ولاردىڭ سانى از بولۋى مۇمكىن. الايدا، ولار قوعام اسەر ەتەدى. ول بىرتە-بىرتە ءوز ناتيجەسىن بەرەدى. ءارى قاراي ساياسي-قۇقىقتىق ماسەلەردى كوتەرىپ، شەشۋگە تولىق جول اشىلادى.
ەڭ باستىسى تاريحي جادىمىزدى قايتا ورنىقتىرۋعا جۇمىس ىستەۋىمىز كەرەك. ءبىزدىڭ تاريح - ەڭ باي تاريح. ال، ءبىز ونى بىلمەيمىز.

-وقىرماندار تاراپىنان گازەت قالاي قابىلدانىپ جاتىر؟

-جاقسى قابىلدانىپ جاتىر. اۋەلى ءتورت مىڭ دانامەن شىعاردىق. ارينە، گازەتتىڭ وتپەگەن ءبىراز بولىگى دە بار. ونى جاسىرمايمىز. ويتكەنى، گازەتتىڭ باعاسى قىمباتتاۋ بولدى. ءبىز توپتاپ ساتۋشىلارعا - 40 تەڭگەدەن بەرگەنبىز. ال، ولار جەكەلەگەن گازەت ساتۋشىلارعا - 50 تەڭگەدەن بەرىپتى. ءسويتىپ، قازىر ساتىلىمدا گازەتتىڭ باعاسى - 80 تەڭگە بولىپ تۇر.
ال، ەكىنشى سانىن تاراتۋشىلاردىڭ وتىنىشىمەن، گازەت ەل اراسىندا تانىلعانشا، ءتيىمسىز بولسا دا باسپا باعاسى - 20 تەڭگەدەن بەرىپ جاتىرمىز.
مۇنداي قادامعا بارىپ وتىرعان سەبەبىمىز، گازەتتىڭ قۇرىلتايشىسى - ءوزىم. ال، مەن دە ۇلكەن قاراجات جوق. امال جوق، گازەتتىڭ تەز ءوتۋى، تارالۋى ءۇشىن ارزان باعامەن بەرىپ وتىرمىز. ەسەسىنە، گازەت تۇگەل تاراپ كەتتى.

-ءسىز ەرلىككە پارا-پار ىسكە بارىپ، ءورىستىلدى باۋىرلارىمىز بەن وزگە دياسپەرالار ءۇشىن ءوز قارجىڭىزبەن، تالابىڭىزبەن گازەت شىعارىپ وتىرسىز. مىسالى، ءبىزدىڭ پورتالدا دا ورىسشا ماقالالار بەرىلەتىن بولەك پاراقشا بار. ءسىز بەن ءبىزدىڭ وسىنداي ەڭبەكتەنگەنىمىز بە قاراماستان، ءورىستىلدى قازاقتار مەن باسقا دياسپەرالاردىڭ قازاققا ونىڭ تىلىنە، ۇلتتىق ماسەلەلەرىنە دەگەن كوزقاراسى وزگەرمەي كەلەدى. نەگە وزگەرمەيدى دەپ ويلايسىز؟

-از ەڭبەكتەنىپ جاتىرمىز دەپ ويلايمىن. جانە ءبىز شىعارا باستاعان «كازاحسكي مير» سەكىلدى گازەتتەرگە مەملەكەت كومەك بەرگەنى ءجون. وتكەندە مەملەكەتتىل ءتىل تۋرالى زاڭ قابىلداۋ ماسەلەسى كوتەرىلگەن كەزدە ءورىستىلدى ءباسپاسوزدىڭ كوبى ورە تۇرەگەلىپ، قارسى شىقتى. سوندا وزدەرى ءومىر ءسۇرىپ وتىرعان مەملەكەتتىك ساياساتىن قولدايتىن بىردە-ءبىر ءورىستىلدى باسىلىم تابىلمادى. سوندا قالاي؟ ولار قانداي مەملەكەتتىڭ مۇددەسىن قورعاپ وتىرعان گازەتتەر؟ ال، ءبىز ءوز «التىن وردا» سايتىندا مەملەكەتتىك ءتىل تۋرالى زاڭ قابىلدانۋى قاجەت ەكەنىن تۋرالى ماتەريالداردى ۇنەمى بەرىپ وتىردىق. جانە ساۋالناما جۇرگىزدىك. ساۋالناماعا قاتىسقانداردىڭ 70 پايىزى مەملەكەتتىك ءتىل تۋرالى زاڭ قابىلدانۋى كەرەك دەپ داۋىس بەردى. ال، ءورىستىلدى ءباسپاسوز قاساسىرىپ قارسى شىعىپ، الگىندەي ساۋالنامالاردىڭ ناتيجەسىن مۇلدەم كورسەتپەدى. ياعني، ورىس گازەتتەرى حالىققا قارسى بولىپ شىقتى. بۇل مۇلدەم دۇرىس ەمەس.

-ال، ەندى «كازاحسكي مير» گازەتى، بولاشاقتا جارىق كورەتىن وسىنداي باسىلىمدار جوعارىدا ءسىز ايتىپ وتكەن كوزقاراستاردى وزگەرتە الا ما؟

-ەگەر وسىنداي گازەتتەر كوپ بولسا، ارينە، وزگەرتەدى. وعان بيلىك مۇددەلى بولۋى ءتيىس. بيلىككە مەملەكەتتىك يدەولوگيانى قولدايتىن ءباسپاسوزدىڭ كوپ بولعان كەرەك پە، الدە مەملەكەتتىك يدەولوگياعا قارسى باسىلىمداردىڭ قاراسى مول بولعانى كەرەك پە؟
مىسالى، كەزىندە ورىس-سلاۆيان ۇيىمدارىنىڭ ءبارى قازاق تىلىنە قارسى شىعاتىن. ەرتىسباەۆ مادەنيەت ءمينيسترى بولىپ تۇرعان تۇستا ورىس-سلاۆيان ۇيىمدارى ۇندەمەسىن دەپ اۋىز باستىرعا رەتىندە «مەملەكەتتىك ءتىلدى قولداۋ» جوباسىنىڭ اياسىندا ارنايى قارجى ءبولىپ بەرەتىن. ال، ورىس ەلشىلىگى بولسا، ورىس-سلاۆيان ۇيىمدارىنا «ورىس ءتىلىن قولداۋ» ءۇشىن تاعى دا ارنايى اقشا ءبولىپ وتىرادى. وسىلايشا، ورىس-سلاۆيان ۇيىمدارى ەكى جاقتى كەزەك ەمدى. قاراجات قاجەت كەزدە نەمەسە ورىس ەلشىلىگىنىڭ اقشاسىن اقتاۋ ءۇشىن ولار قازاق تىلىنە، قازاقتىڭ وزگە وزەكتى ماسەلەلەرىنە قارسى شىعىپ وتىرادى. بۇل - قاسقىردان قورىققاندىقتان، قويىن قاسىقرعا ءوزى اپارىپ بەرىپ تۇراتىن قويشىنىڭ كەيپى. كەرىسىنشە، مينيسترلىك ول ۇيىمدارعا قارسى تۇرۋى كەرەك قوي. الايدا، مينيسترلىكتە، ۇكىمەتتە قارسى شابۋىلعا شىعاتىن ەشبىر ادام جوق.
مىنە، وسى ماسەلەنى ءبىز اشىق كوتەردىك. مادەنيەت مينيسترلىگى باسشىلىعىنا مۇحتار قۇل-مۇحاممەد كەلگەن بەتتە بۇل ساياساتتى وزگەرتتى. ورىس-سلاۆيان ۇيىمدارىنا قاراجات ءبولۋدى ساپ تىيدى. بۋناكوۆ مىرزا «مادەني ورتالىقتاردى دامىتۋعا قارجى بەرمەي جاتىر»، «جىلاپ» ءجۇر.

-كەرىسىنشە، الگىندەي نيەتى حارام ۇيىمدارعا بولىنگەن اقشانى مەملەكەتتىك ساياساتتى، ۇلتتىق ماسەلەنى قاشان دا قولدايتىن، ناسيحاتتايتىن «كازاحسكي مير» گازەتتەرگە ءبولۋى كەرەك قوي.  ال، جەكە قارجىڭىز مۇنداي گازەتتى ۇزبەي شىعارۋعا جەتپەيدى عوي. نە ىستەيسىز؟

- ارينە. شىرەگەندە ءۇش سانىن شىعارارمىن. ءسوز ەتىپ وتىرعان گازەتتى شىعارۋ - تازا ازاماتتىق ءىس.
قازىرگى مينيسترگە كوزقاراسىم دۇرىس. دارحان مىڭباي مىرزانى بىلەمىن. ول ءوزى عالىم ادام. پاتريوتتىعى جوعارى. ۇلت ماسەلەسىنىڭ توقسان تولعاۋىن جاقسى بىلەدى. شىنىمدى ايتسام، ونىڭ مينيستر بولعانىنا ءوز باسىم ريزامىن. وسىنداي مينيسترلەردىڭ تۇسىندا جاقسى وزگەرىستەر بولاتىنىنا ءۇمىتتىمىز.
«كازاحسكي مير» سەكىلدى باسىلىمدار مەملەكەتكە قاجەت. سوندىقتان، مينيسترلىك تاراپىنان كومەك بولاتىن شىعار دەپ ويلايمىز.
جالپى، ورىس تىلىندە قازاق ماسەلەسىن كوتەرەتىن گازەتتەر تۋرالى ايتقاندا ايتپاي كەتۋگە بولمايتىن ءبىر ادام بار. ول - الدان ايىمبەتوۆ. ول كىسى «كازاحسكايا پراۆدا» گازەتىن تەك قانا ءوز كۇشىمەن، ءوز قارجىسىمەن شىعاردى. مەن ول كىسىگە گازەت العاش شىعا باستاعان كەزدە، كەيىن تاعى بىرنەشە جىل كومەكتەسىپ تۇردىم. الدەكەڭ گازەتتىڭ باسپاعا دەيىنگى بۇكىل جۇمىسىن ءوزى ىستەيتىن. كومپتەردە بەتتەۋ، سالۋدا ءوز جاسايتىن. مەندە ونداي شەبەرلىك جوق. ءبىزدىڭ گازەتتىڭ بەتتەۋشىسى، ديزاينەرى، جاۋاپتى حاتشى بار. گازەتتە كىشىگىرىم ۇجىم بار دەسەك بولادى. سول ۇشىندە ءبىز گازەتتى قازىرگى زامانعى سۇرانىسقا ساي شىعارۋعا كۇش سالىپ جاتىرمىز.
ءبىزدىڭ باستى ماقسات - «كازاحسكي مير» گازەتىن  - اپتالىق گازەتكە اينالدىرۋ. ازىرگە ايىنا ءبىر رەت جارىق كورەدى.

-اڭگىمەڭىزگە راحمەت! ساتتىلىك تىلەيمىز!
«اباي-اقپارات»

رەداكتسيادان:
«كازاحسكي مير» گازەتىن الماتى مەن استانا قالالارى مەن وبلىس ورتالىقتارىنان قاي جەردەن ساتىپ الۋعا بولاتىنىن جانە «قازپوشتا» ارقىلى قالاي جازدىرىپ الۋعا بولاتىنى جونىندە مىنا جەردەن تولىق بىلە الاسىزدار: http://www.altyn-orda.kz/news/kazaxstanskie-novosti/po-povodu-gazety-kazaxskij-mir-est-svezhie-novosti/