«قازاقستاندىق ەكونوميست ايدارحان قۇسايىنوۆ وزبەكستاننىڭ قازاقستاندى ارتتا قالدىراتىنىنا سەنىمدى»، دەپ حابارلايدى ۋكراينا.رۋ.
⠀
«بۇگىن-ەرتەڭ وزبەكستان قازاقستاندى قۋىپ جەتىپ، ارتتا قالدىرادى دەي المايمىن. ەكەۋىنىڭ اراسىنداعى اراقاشىقتىق تىم ۇلكەن. دەي-تۇرا وزبەكستان ەكونوميكاسىنىڭ ءوسۋ قارقىنى قازاقستاننان جوعارى. بىزدە الداعى بەس جىلدا ەكونوميكانىڭ ءوسىمىن 5%عا جەتكىزۋ كوزدەلگەن، الايدا بۇنىڭ ءوزى قازاقستان جاعدايىندا ستاگناتسيا بولىپ ەسەپتەلەدى. ەكونوميكا ءوسۋى ءۇشىن ول 5%-دان كەم كورسەتكىش كورسەتپەۋى ءتيىس، ودان تومەن كورسەتكىشتىڭ ءبارى ستاگناتسيا.

وزبەكستان ەكونوميكاسىنىڭ قارقىنى سوڭعى 12 جىلدا قازاقستاننان جوعارى. وكىنىشكە وراي وزبەكستان بۇل قارقىنمەن قازاقستاندى قۋىپ جەتەدى. بۇگىن وزبەكستاندا قارقىنىن ارتتىرۋ مۇمكىندىگى بار، ال قازاقستاندا ول جوق. قازاقستان ءوزىنىڭ ەكونوميكاسىن قۇرىلىمدىق تۇردە وزگەرتپەسە، ءوسۋ قارقىنى  5%-دان جوعارى بولمايدى. ال وزبەكستان 10, ءتىپتى 12% كورسەتكىش كورسەتۋى عاجاپ ەمەس. ەرتە مە، كەش پە، بۇل بولاتىن دۇنيە»، - دەدى ساراپشى.

Abai.kz