قر ءماجىلىس دەپۋتاتى امانجان جامالوۆ ۇكىمەت باسشىسى اسقار مامينگە ورىس تىلىندە ساۋال جولداپ، الەۋمەتتىك مەديتسينالىق ساقتاندىرۋ قورىنىڭ اكىمشىلىك شىعىستارى تۋرالى مالىمدەدى. 

جامالوۆتىڭ ايتۋىنشا، قوردىڭ ءتورت باسقارما مۇشەسىنە شامامەن 77 ميلليون تەڭگە، ياعني ارقايسىسىنا 19 ميلليون تەڭگەدەن جالاقى تولەنگەن.

«قازىرگى ۋاقىتتا بيۋدجەتتەن تىس قورلاردىڭ شىعىستارى پارلامەنت پەن ەسەپ كوميتەتىنىڭ باقىلاۋىندا ەمەس. مىسالى، 2019 جىلى الەۋمەتتىك مەديتسينالىق ساقتاندىرۋ قورىنىڭ اكىمشىلىك شىعىندارى 5,8 ملرد تەڭگەدەن استى. جالاقىعا 4,4 ملرد تەڭگە جۇمسالدى.

ەگەر قوردىڭ بارلىق 850 قىزمەتكەرىن بولسەك، ولاردىڭ ارقايسىسى ايىنا 434 مىڭ تەڭگە الادى. بۇل ەلدەگى ورتاشا جالاقىدان ەكى ەسە كوپ. المسق قارجىلىق ەسەپتىلىگىن زەردەلەيتىن بولساق، وندا قوردىڭ ءتورت باسقارما مۇشەسىنە شامامەن 77 ميلليون تەڭگە، ياعني ارقايسىسىنا 19 ميلليون تەڭگەدەن تولەندى»، — دەدى دەپۋتات.

سونىمەن قاتار دەپۋتات بيۋدجەتتەن تىس قورلاردىڭ شىعىستارى تۋرالى اقپارات بارىنشا اشىق بولۋى ءۇشىن جالاقى مەن اكىمشىلىك شىعىستاردىڭ بارلىق باپتارى ناقتى كورسەتىلۋى ءتيىس دەپ اتاپ ءوتتى.

Abai.kz