ىشكى اسكەرگە ەسكى تەحنيكا ساتىپ الىپ، قىرۋار قارجىنى باس پايداسىنا جاراتقان باسشىلار ءىستى بولدى
ىشكى ىستەر مينيسترلىگىنە قاراستى ىشكى اسكەردىڭ مەملەكەتتىك ساتىپ الۋ باسقارماسى بىلىققا بەلشەسىنەن باتقان. اتالمىش اسكەري ۆەدوستۆونىڭ باسشىسى قازىنانىڭ قىرۋار قارجىسىن باس پايداسىنا جاراتتى دەپ ايىپتالۋدا.
اتاپ ايتقاندا لاۋازىمدى تۇلعا ءوزارا ىم-جىمى ءبىر جەكە سەرىكتەستىكتەردىڭ بىرىمەن سىبايلاسىپ ىشكى اسكەردى ساپاسىز قورعانىش قۇرالدارىمەن قامتاماسىز ەتىپ كەلگەن. تەكسەرە كەلە باسىن قاۋىپ قاتەرگە تىگىپ، قوعامدىق قاۋىپسىزدىكتى قامتاماسىز ەتىپ جۇرگەن ساربازداردىڭ وق وتپەيتىن كەۋدەشەسى، قالقانى مەن رەزەڭكە توقپاعى رەسەيدەن ساتىلىپ الىنعانى انىقتالدى. ءتىپتى ساپاسىز ەكەنى بىلاي تۇرسىن، بۇرىن قولدانىلعانى بەلگىلى بولىپ وتىر.
مۇرات جۇمانباي، قر ەقسجقك اگەنتتىگىنىڭ رەسمي وكىلى:
- ىشكى اسكەر كوميتەتىنىڭ مەملەكەتتىك ساتىپ الۋ باسقارماسىنىڭ باستىعى ولەگ زايكوعا جانە وسى كوميتەتتىڭ اسكەري قىزمەت باسقارماسىنىڭ باستىعى يۋري گريبكە قاتىستى 45,5 ملن تەڭگەگە كۇزەتتىڭ تەحنيكالىق قۇرالدارىنىڭ كەشەندەرىنە قوسىمشا بولشەكتەرىن مەملەكەتتىك ساتىپ الۋ كەزىندە بيلىگىن تەرىس پايدالانعانى ءۇشىن دەرەگى بويىنشا قىلمىستىق ءىس قوزعالدى.
ىشكى ىستەر مينيسترلىگىنە قاراستى ىشكى اسكەردىڭ مەملەكەتتىك ساتىپ الۋ باسقارماسى بىلىققا بەلشەسىنەن باتقان. اتالمىش اسكەري ۆەدوستۆونىڭ باسشىسى قازىنانىڭ قىرۋار قارجىسىن باس پايداسىنا جاراتتى دەپ ايىپتالۋدا.
اتاپ ايتقاندا لاۋازىمدى تۇلعا ءوزارا ىم-جىمى ءبىر جەكە سەرىكتەستىكتەردىڭ بىرىمەن سىبايلاسىپ ىشكى اسكەردى ساپاسىز قورعانىش قۇرالدارىمەن قامتاماسىز ەتىپ كەلگەن. تەكسەرە كەلە باسىن قاۋىپ قاتەرگە تىگىپ، قوعامدىق قاۋىپسىزدىكتى قامتاماسىز ەتىپ جۇرگەن ساربازداردىڭ وق وتپەيتىن كەۋدەشەسى، قالقانى مەن رەزەڭكە توقپاعى رەسەيدەن ساتىلىپ الىنعانى انىقتالدى. ءتىپتى ساپاسىز ەكەنى بىلاي تۇرسىن، بۇرىن قولدانىلعانى بەلگىلى بولىپ وتىر.
مۇرات جۇمانباي، قر ەقسجقك اگەنتتىگىنىڭ رەسمي وكىلى:
- ىشكى اسكەر كوميتەتىنىڭ مەملەكەتتىك ساتىپ الۋ باسقارماسىنىڭ باستىعى ولەگ زايكوعا جانە وسى كوميتەتتىڭ اسكەري قىزمەت باسقارماسىنىڭ باستىعى يۋري گريبكە قاتىستى 45,5 ملن تەڭگەگە كۇزەتتىڭ تەحنيكالىق قۇرالدارىنىڭ كەشەندەرىنە قوسىمشا بولشەكتەرىن مەملەكەتتىك ساتىپ الۋ كەزىندە بيلىگىن تەرىس پايدالانعانى ءۇشىن دەرەگى بويىنشا قىلمىستىق ءىس قوزعالدى.
ىشكى اسكەردەگى بىلىق بۇل عانا ەمەس. اتالمىش ۆەدومستۆو رەسەيدەن 6 برونوموبيل ساتىپ الىپ، باعاسىن كەلىسىلگەن سومادان ەكى ەسە ارتىق كورسەتكەن. ءتىپتى شۇعىل ارەكەت ەتەتىن ارنايى جاساققا الىنعان كولىكتىڭ جارامسىز ەكەندىگى دە بەلگىلى بولدى. بۇعان قاراماستان تەحنيكا بىلتىر كونستيتۋتسيا كۇنىنە ارنالعان اسكەري شەرۋ كەزىندە، كوپكە ۇلكەن ماقتانىشپەن كورسەتىلگەن.
