وزبەكستان پرەزيدەنتى شاۆكات ميرزيوەۆ تاشكەنت وبلىسىنا جاساعان ساپارى بارىسىندا جۋرناليستەردىڭ بىرقاتار سۇراقتارىنا جاۋاپ بەردى.  سۇراق اراسىندا شوۆۆوزسوي دەمالىس ورنىنا قاتىستى ساۋال قويىلعان. ساۋالدى جەرگىلىكتى باق-تىڭ وكىلى ازيزا كۋربانوۆا قويدى. 

«بۇل تەمىر جولعا قاتىستى مەملەكەتتىك كاسىپورىن. ول جەردە ەشكىم تۇرمايدى جانە ونى ەشكىمگە بەرگەن ەمەسپىز. بۇل مەملەكەتكە تيەسىلى جەر. وعان پرەزيدەنتتىڭ نە قاتىسى بار؟ ەگەر پرەزيدەنت ول جەرگە بارسا، وندا تەك وزبەكستانعا پايداسى تيەتىن كەزدەسۋلەردى وتكىزۋ ماقساتىندا عانا بارادى. نەگە سىزدەر ءبىز پرەزيدەنتپەن جاياۋ ءجۇرمىز، سىزدەر دە جاياۋ ءجۇرىپ كورىڭىزدەر دەپ ايتپايسىزدار. ودان كەيىن پرەزيدەنت بەس جىلدا نەشە رەت دەمالدى؟ نەگە سىزدەر وسىنداي سۇراقتى قويمايسىزدار؟»، - دەدى وزبەكستان پرەزيدەنتى.

ازاتتىق راديوسى 23-اقپاندا وگەم-شاتقالداعى ارنايى جىلجىمايتىن مۇلىككە قاتىستى زەرتتەۋ جۇرگىزىپ، وندا سالىنعان ءزاۋلىم ساراي ميرزيەەۆكە تيەسىلى ەكەنىن جازعان بولاتىن. سارايدا قىزمەت ىستەيتىن قۇرىلىسشىلار "اسا قۇپيا" دەگەن قۇجاتقا قول قويىپ، ۇيالى بايلانىس تەلەفوندارىن جۇمىسقا كىرەردە سىرتقا قالدىراتىنى ايتىلعان ەدى. الايدا بۇل تۋرالى بارلىق اقپاراتتى بيلىك تاراپى جوققا شىعاردى.

Abai.kz