قر اقپارات جانە قوعامدىق دامۋ مينيسترلىگىنىڭ ۇيىمداستىرۋىمەن ەلوردادا «رۋحاني جاڭعىرۋ جانە ۇلتتىق داستۇرلەردى ساقتاۋ» تاقىرىبىندا دوڭگەلەك ۇستەل ءوتتى.

ونلاين-فورماتتا وتكەن جيىنعا اقپارات جانە قوعامدىق دامۋ ءمينيسترى ايدا بالاەۆا توراعالىق ەتتى. مينيستر ايدا بالاەۆا قاتىسۋشىلاردى ناۋرىز مەرەكەسىمەن قۇتتىقتاپ، مەملەكەت باسشىسى قاسىم-جومارت توقاەۆتىڭ «تاۋەلسىزدىك بارىنەن قىمبات» ماقالاسىندا جازىلعانداي ۇلتتىق بىرەگەيلىكتىڭ نەگىزىن قۇرايتىن مادەنيەت پەن داستۇرلەردى ساقتاۋ قاجەتتىلىگىن ەسكە سالدى.

وسى ورايدا، مينيستر پرەزيدەنتتىڭ تاپسىرماسى بويىنشا ناۋرىز مەيرامىن مەرەكەلەۋ تۇجىرىمداماسىنىڭ جوباسى دايىندالعانىن جانە سوعان سايكەس مەرەكەنىڭ رۋحاني-ادامگەرشىلىك مازمۇنىن دامىتۋعا باعىتتالعان كەشەندى ءىس-شارالاردى ىسكە اسىرۋ جوسپارلانعانىن ايتتى.

«رۋحانيات ماسەلەسى – تەك ەسكى سالت-داستۇرلەردىڭ جيىنتىعى دەپ قاراۋ ەمەس. ەسكىنىڭ توزىعىن تاستاپ، جاڭانىڭ وزىعىن دامىتۋ، ونى ۇرپاق بويىنا دارىتۋ دا – رۋحاني تاربيەنىڭ وزەگى بولۋى ءتيىس. جاس ۇرپاقتى بۇگىنگى زاماننىڭ تەرىس قىلىقتارىنان قورعاپ، دۇرىس قۇندىلىقتارىنا تاربيەلەۋ  وزەكتى ماسەلە»، - دەدى ايدا بالاەۆا.

ءىس-شاراعا مەملەكەتتىك ورگاندار مەن عىلىمي-شىعارماشىلىق زيالى قاۋىم وكىلدەرى، ۇكىمەتتىك ەمەس ۇيىمداردىڭ باسشىلارى، ساراپشىلار قاتىستى. قر پارلامەنتى ءماجىلىسىنىڭ دەپۋتاتى بەرىك ابدىعاليۇلىنىڭ پىكىرىنشە، كوزقاراسى مەن دۇنيەتانىمى وزگەرگەن قازىرگى قوعامدا «رۋحاني جاڭعىرۋدىڭ» ۇستانىمدارىن حالىققا باسقاشا جولدارمەن ءتۇسىندىرۋ قاجەت.

«قازىرگى تسيفرلانعان زاماندا ۇلتتىق سانامىزدى جاڭعىرتىپ، داستۇرلەرىمىزدى ساقتاپ قالۋ ماڭىزدى. بۇرىن ءبىز قالادا قازاق ءتىلى جويىلىپ بارادى بايبالام سالىپ، الاڭداۋشى ەدىك. قازىر قالانىڭ ءتىلى دە قازاقىلانىپ جاتىر. بىراق ودان رۋحاني جاڭعىرىپ كەتە قويعانىمىز شامالى. پروبلەما شەشىلگەن جوق. جاستاردىڭ تۇيسىگى، تۇسىنىگى باسقا. سوندىقتان، ولارعا جاستاردىڭ تىلىندە تۇسىندىرگەن ءجون. كەيىنگى كەزدەرى ەلىمىزدى الەمدىك ارەنالاردا تانىتىپ جۇرگەن جاستارىمىز كوپ. ەندى سولاردىڭ بويىنا ۇلتتىق قۇندىلىقتارىمىزدى ءسىڭىرۋ كەرەك» - دەدى بەرىك ابدىعاليۇلى.

ءوز كەزەگىندە «ۇلتتىق تاربيە وتباسىدان باستالادى» تاقىرىبىندا بايانداما جاساعان «رۋحاني جاڭعىرۋ» ورتالىعىنىڭ جەتەكشىسى جانار بوقانوۆا «رۋحاني جاڭعىرۋ» باعدارلاماسىنىڭ قاعيدالارى نەگىزىندە مeكتeپكe دeيiن ءجانe مeكتeپ جacىندaعى بaلaلapدى pۋحaني-aدaمگepشiلiككە تاربيەلەۋ تۇجىرىمداماسىنىڭ دايىندالعانىن جەتكىزدى.

«كەز كەلگەن قوعام وتباسى ينستيتۋتى ارقىلى قالىپتاسادى. جاھاندانۋ زامانىندا ءداستۇرلى قۇندىلىقتار جويىلىپ، الەم بويىنشا وتباسى داعدارىسى بايقالادى. وتباسىنداعى ءتالىم-تاربيەنىڭ ءرولى تومەندەپ، جاستاردىڭ اراسىندا شاڭىراق قۇرۋعا ۇمتىلىستىڭ جوقتىعى دا كورىنىس بەرىپ وتىر. وسىعان وراي، قوعامدا وتباسى ينستيتۋتىنىڭ ءرولىن كوتەرۋ، ۇزدىك وتباسىلاردى ناسيحاتتاۋ، وسكەلەڭ ۇرپاقتىڭ بويىنا وتباسىلىق داستۇرلەر مەن ۇلتتىق تاربيەنى ءسىڭىرۋدىڭ وزەكتىلىگى جوعارى»، - دەدى جانار بوقانوۆا.

وسىعان بايلانىستى، مينيسترلىك «اقىلدى ۇرپاق»، سونداي-اق باسەكەگە قابىلەتتى، جان-جاقتى دامىعان جاس ۇرپاقتى تاربيەلەۋگە باعىتتالعان «Ulttyq tarbie» جوبالارى ىسكە اسىرىلاتىنىن حابارلادى. دوڭگەلەك ۇستەلگە قاتىسۋشىلاردىڭ بارلىق ۇسىنىستارى مەن ەسكەرتۋلەرى جيناقتالىپ، «رۋحاني جاڭعىرۋ» ورتالىعىنىڭ الداعى جۇمىسىندا ەسكەرىلەتىن بولادى.

Abai.kz