بەيسەنبى نە جۇمادا ارمەنيادا كەزەكتەن تىس پارلامەنت سايلاۋى ءوتەتىنى تۋرالى حابارلانادى. بۇل تۋرالى ارمەنيا قورشاعان ورتانى قورعاۋ ءمينيسترى, پاشينيان پارتياسىنىڭ ءوكىلى رومانوس پەتروسيانعا سءۇيەنگەن "ينتەرفاكس" حابارلادى.

ء"بىز كەزەكتەن تىس سايلاۋعا دايىندالىپ جاتىرمىز. بۇگىن نە ەرتەڭ شەشىم مەن مەرزىمى جاريالانادى" ءددى پەتروسيان بەيسەنبى كۇنى. ونىڭ ايتۋىنشا، بيلىك ەلدەگى ىشكى ساياسي داعدارىستى كەزەكتەن تىس پارلامەنت سايلاۋىن ارقىلى شەشۋگە بولادى دەپ سانايدى.

پارلامەنتتى تاراتۋ ءۇشىن پرەمەر-مينيستر وتستاۆكاعا كەتۋى ءتيىس. ەگەر پارلامەنت ەكى رەت جاڭا پرەمەر سايلاي الماسا، ول اۆتوماتتى تۇردە تاراتىلىپ، جاڭادان سايلاۋ تاعايىندالادى.

پرەمەر-مينيستر نيكول پاشينيان بىلتىر قاراشادا تاۋلى قاراباقتا اتىستى توقتاتۋ تۋرالى ازەربايجانمەن كەلىسىمگە قول قويعاننان كەيىن ەلدە ونىڭ وتستاۆكاسىن تالاپ ەتۋشىلەر كوبەيگەن. كوپتەگەن ارميان كەلىسىم شارتتارىمەن كەلىسپەيدى.

"ينتەرفاكستىڭ" جازۋىنشا، بەيسەنبى كۇنى پرەمەر-مينيستر نيكول پاشينيان "گۇلدەنگەن ارمەنيا" وپپوزيتسيالىق پارتياسىنىڭ جەتەكشىسى گاگيك تسارۋكيانمەن ەرتە سايلاۋ وتكىزۋ ماسەلەسىن تالقىلايدى.

بۇعان دەيىن تسارۋكيان پاشينياننان وتستاۆكاعا كەتۋىن تالاپ ەتىپ، ۋاقىتشا ۇكىمەت جاساقتاپ، تەك سودان كەيىن كەزەكتەن تىس پارلامەنت سايلاۋىن وتكىزۋگە بولادى دەپ مالىمدەگەن.

Abai.kz