ەۋروپالىق وداق ەلدەرى 30 جىلدان كەيىن ءبىر اۋىزدان قىتايعا سانكتسيا سالۋدى ماقۇلدادى. شىڭجاڭداعى ادام قۇقىعىن تاپتاعانى ءۇشىن ەۋرووداق ەلدەرى قىتايدىڭ ءتورت شەنەۋنىگى مەن ءبىر زاڭدىق تۇلعاسىنا سانكتسيا سالدى.  

ۇلىبريتانيا، اقش جانە كانادا مەملەكەتتەرى ەو ەلدەرىنەن كەيىن بەيجىڭگە سانكتسيا سالۋدى ءجون دەپ تاپتى. سوڭعى ايدا ەۋروپا ەلدەرى قىتايداعى ادام قۇقىعىنىڭ بۇزىلۋىنا بايلانىستى كوپتەگەن باياندامالار مەن دەرەكتى فيلمدەردى جارىققا شىعارىپ، بەيجىڭدى "تاربيەلەۋ لاگەرلەرىن" جابۋعا شاقىردى. قىتايدىڭ سىرتقى ىستەر مينيسترلىگى سانكتسيالاردىڭ سالىنۋىن قاتاڭ ايىپتاپ، ءوزىنىڭ ىشكى ىسىنە ارالاسۋ رەتىندە قاراستىردى. سانكتسيالار "ەۋروپا مەن قىتاي اراسىنداعى قارىم-قاتىناستى بۇزادى" دەپ مالىمدەدى.

ەۋروپالىق وداق ەلدەرى سوڭعى رەت 1989 جىلى قىتايعا ءبىر اۋىزدان سانكتسيا سالعان بولاتىن. تيانانمەن الاڭىنداعى قىرعىنعا بايلانىستى سالىنعان ول سانكتسيالار ءالى ءوز كۇشىن جوعالتقان جوق.

Abai.kz