تءاجىكستاندا پرەزيدەنت ەمومالي راحموننىڭ 22 ناۋرىزدا حاتلون وبلىسىنا جوسپارلانعان ساپارى بەلگىسىز سەبەپتەرمەن كەيىنگە شەگەرىلگەن. بۇل تۋرالى ازاتتىقتىڭ تءاجىك قىزمەتى حابارلادى.

حاتلون وبلىسىنىڭ ءباسپاسوز قىزمەتى مەملەكەت باسشىسى ايماققا 24-25 ناۋرىزدا كەلۋى مۇمكىن دەپ حابارلادى.

وتكەن اپتادا پرەزيدەنتتىڭ الەۋمەتتىك ماسەلەلەر بويىنشا كەڭەسشىسى ابدۋجاببور راحمونزودا ەمومالي راحمون حاتلون وبلىسىنا 22 ناۋرىزدا باراتىنىن مالىمدەگەن. اتالعان وبلىس باسشىسىنىڭ ءباسپاسوز حاتشىسى پرەزيدەنتتىڭ بۇل ساپارى ەل تاۋەلسىزدىگىنىڭ 30 جىلدىعىنا دايىندىق ىستەرىنە بايلانىستى ەكەنىن ايتقان.

بىراق بىرقاتار "تۆيتتەر" قولدانۋشىلارى مەن باسىلىمدار ەمومالي راحمون ەل الدىندا 10 ناۋرىزدان بەرى شىقپاعانىن، ونىڭ مىندەتتەرىن اتقارۋ ۇلىنا، پارلامەنتتىڭ جوعارعى پالاتاسىنىڭ توراعاسى رۋستامي ەموماليگە جۇكتەلگەنىن حابارلاپ جاتىر.

bne.intellinews سايتى مەملەكەت باسشىسىنىڭ كوپتەن بەرى ەل الدىنا شىقپاعانىن، ونىڭ دەنساۋلىعىنىڭ ناشارلاپ كەتكەنىن جازدى.

2020 جىلدىڭ جازىندا پرەزيدەنتتىڭ كوروناۆيرۋس جۇقتىرىپ العانى تۋرالى اقپاراتتار پايدا بولعان. بىراق بۇل مالىمەتتەر راستالعان ەمەس.

68 جاستاعى ەمومالي راحمون تاجىكستاندى 1992 جىلدان بەرى باسقارىپ كەلەدى. ول بىلتىر قازاندا وتكەن كەزەكتى پرەزيدەنت سايلاۋىندا 90,92% داۋىس الىپ، بەسىنشى رەت جەڭىسكە جەتتى.

Abai.kz