باتىس قازاقستان وبلىسىندا جايىق، دەركول، شاعان، شىڭعىرلاۋ، ولەڭتى، شىدەرتى، 2 شەجىن، 1 شەجىن، بىكوۆكا، قالدىعايتى وزەندەرى كوتەرىلۋ ۇستىندە.

وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنەن 6 ءساۋىر كۇنى تۇسكەن مالىمەتكە قاراعاندا، شىدەرتىدەن باسقا وزەندەردە سۋ دەڭگەيى قالىپتاعىدان تومەن، سۋ باسۋ قاۋپى جوق. يريكلين سۋ قويماسىنان سەكۋندىنا 20 تەكشە مەتر، ۆارفولومەەۆتەن 11,5 تەكشە مەتر سۋ جىبەرىلۋدە.

وبلىستىق ماڭىزى بار جولداردا سۋ وتكىزەتىن 1142 تۇربانىڭ 932-ءسى تازارتىلدى. ماكاروۆ اۋىلىنا قاراي 11 شاقىرىم جەردە سۋ وتكىزەتىن تۇربانى سۋ باسىپ كەتكەن، قالپىنا كەلتىرۋ جۇمىستارىنا 4 تەحنيكا، 10 ادام قاتىسۋدا. اۆتوكولىكتەر جولدى اينالىپ وتۋدە.

قازتالوۆ-قوشانكول اۆتوجولىنىڭ 32, 37 جانە 38-ءىنشى شاقىرىمىندا سۋ شايعان جەرلەرگە بەلگى قويىلىپ، كەزەكشىلىك ۇيىمداستىرىلدى. قازتالوۆ-بوزوبا جولىنىڭ 7-شاقىرىمىندا دا وسىنداي جاعداي.

جانىبەك اۋدانىندا كايساتسك ەلدى مەكەنىنە قاراي 12,13-شاقىرىمدا سۋدىڭ جول بەتىنە شىعۋى اياقتالدى، قوزعالىس بار.

رەسپۋبليكالىق ماڭىزى بار قازتالوۆ-جانىبەك جولىنىڭ 63-شاقىرىمىندا سۋ شايعان جەر دە باقىلاۋدا.

باتىس قازاقستان وبلىسىندا جايىق، دەركول، شاعان، شىڭعىرلاۋ، ولەڭتى، شىدەرتى، 2 شەجىن، 1 شەجىن، بىكوۆكا، قالدىعايتى وزەندەرى كوتەرىلۋ ۇستىندە.

وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنەن 6 ءساۋىر كۇنى تۇسكەن مالىمەتكە قاراعاندا، شىدەرتىدەن باسقا وزەندەردە سۋ دەڭگەيى قالىپتاعىدان تومەن، سۋ باسۋ قاۋپى جوق. يريكلين سۋ قويماسىنان سەكۋندىنا 20 تەكشە مەتر، ۆارفولومەەۆتەن 11,5 تەكشە مەتر سۋ جىبەرىلۋدە.

وبلىستىق ماڭىزى بار جولداردا سۋ وتكىزەتىن 1142 تۇربانىڭ 932-ءسى تازارتىلدى. ماكاروۆ اۋىلىنا قاراي 11 شاقىرىم جەردە سۋ وتكىزەتىن تۇربانى سۋ باسىپ كەتكەن، قالپىنا كەلتىرۋ جۇمىستارىنا 4 تەحنيكا، 10 ادام قاتىسۋدا. اۆتوكولىكتەر جولدى اينالىپ وتۋدە.

قازتالوۆ-قوشانكول اۆتوجولىنىڭ 32, 37 جانە 38-ءىنشى شاقىرىمىندا سۋ شايعان جەرلەرگە بەلگى قويىلىپ، كەزەكشىلىك ۇيىمداستىرىلدى. قازتالوۆ-بوزوبا جولىنىڭ 7-شاقىرىمىندا دا وسىنداي جاعداي.

جانىبەك اۋدانىندا كايساتسك ەلدى مەكەنىنە قاراي 12,13-شاقىرىمدا سۋدىڭ جول بەتىنە شىعۋى اياقتالدى، قوزعالىس بار.

رەسپۋبليكالىق ماڭىزى بار قازتالوۆ-جانىبەك جولىنىڭ 63-شاقىرىمىندا سۋ شايعان جەر دە باقىلاۋدا.

زەلەنوۆ اۋدانى زەلەنىي اۋىلىنىڭ تۇسىندا دەركول وزەنىندە مۇز جارۋ جۇمىستارى جالعاسۋدا. قاراتوبە اۋدانىندا ءشيلى وزەنىنىڭ شالعىن اۋىلى تۇسىندا مۇز جارۋ باستالدى. ءبورلى اۋدانىندا پۋگاچەۆ اۋىلى ماڭىندا شىڭعىرلاۋ وزەنىندە، تاسقالادا دەركولدە مۇز جارعىش بريگادا جۇمىس جاساسا، قازتالوۆتا كەزەكشىلىكتە تۇر. شىڭعىرلاۋ مەن سىرىم اۋداندارىندا مۇنداي جۇمىستار مارەگە جەتتى.

قازتالوۆ پەن اقجايىق اۋدانىندا  سۋ سورۋ، قۇم تولتىرىلعان قاپ دايىنداۋ جۇمىستارى جالعاسسا، بوكەي ورداسىندا مۇراتساي اۋىلىنداعى دامبا نىعايتىلۋدا. ورال قالاسىندا ءبىر تاۋلىكتە 2651 تەكشە مەتر سۋ سورىلدى.

سۋ تاسقىنىنىڭ الدىن الۋ جۇمىستارىنا تجم بولىمشەلەرىنەن 54 تەحنيكا، 138 ادام، جەرگىلىكتى اتقارۋشى ورگانداردان 268 تەحنيكا، 1612 ادام قاتىسۋدا.

قازاقپارات