ۋكراينا پارلامەنتىنە "ورىس الەمى يدەولوگياسىنا تىيىم سالۋ بويىنشا بىرقاتار زاڭدارعا وزگەرىس ەنگىزۋ" اتتى زاڭ جوباسى ۇسىنىلدى. جوبانى ۇسىنعان "سلۋگا نارودا" پارتياسىنىڭ دەپۋتاتتارى ولەگ دۋندا مەن الەكساندر اليكسيچۋك. جوبا №5258 ءنومىرىن يەمدەنىپ، قارالۋعا جىبەرىلدى. قازىرگى تاڭدا زاڭ جوباسى قۇقىقتىق كوميتەتتىڭ قاراۋىندا جاتىر.

زاڭ جوباسىنىڭ باستى ماقساتى "ورىس الەمى" اتتى يدەولوگيانى تۋ ەتىپ، رەسەيدىڭ عاسىرلار بويى اگرەسسيالىق ساياسات جۇرگىزۋىنە، كسرو-نى جانداندىرۋ يدەياسىنا، حالىقتارعا قىسىم كورسەتۋ ساياساتىنا قارسى تۇرۋ ارەكەتتەرىن جاساۋ بولىپ تابىلادى.

"ورىس الەمى" يدەولوگياسىن پۋتين جانداندىرىپ وتىر، ونى تەك زاڭمەن شەكتەۋگە بولادى" دەيدى زاڭ اۆتورلارى. زاڭدا سونداي-اق كوممۋنيستىك كوزقاراستاردى دا قاتاڭ ايىپتاۋ كەرەكتىگى ايتىلعان.

Abai.kz