Facebook وكىلدەرى ءتۇرلى زياندى سايتتار ارقىلى قىتايدان تىس ايماقتا ءومىر سۇرەتىن ۇيعىرلاردى باقىلاپ، گادجەتتەرىنە ۆيرۋس جىبەرۋمەن اينالىسقان قىتايلىق حاكەرلەردى بۇعاتتاپ تاستاعانىن مالىمدەدى. بۇل تۋرالى 25 ناۋرىزدا CNBC سايتى اقپارات تاراتتى. 

ءCNBCدىڭ حابارلاۋىنشا Earth Empusa نەمەسە Evil Eye اتتى اتپەن تانىمال قىتايلىق حاكەرلەر توبى ءتۇرلى ادىستەر مەن قوسىمشالار ارقىلى وزگە ەلدەگى ۇيعىرلاردى باقىلاپ، گادجەتتەرىنە قاجەت ساتتە ۆيرۋس جىبەرىپ وتىرعان. حاكەرلەر كوبىنە قازاقستان، اقش، سيريا، اۋستراليا، تۇركيا، رەسەيدە تۇراتىن ۇيعىرلاردىڭ گادجەتتەرىن باقىلاۋعا العان. ولار الەۋمەتتىك جەلىلەردە ءتۇرلى لاقاپ اتتارمەن تىركەلىپ، "ادام قۇقىعىن قورعاۋشى" رەتىندە تىركەلىپ، ادامداردىڭ سەنىمىنە كىرىپ، اقپارات جيناعان،

Facebook حاكەرلەردى بۇعاتتاپ تاستاۋىن قىتاي بيلىگىنىڭ ساياساتىنا قاتىسى جوق ەكەنىن ايتتى. 2016 جىلدان باستاپ قىتايدىڭ شىڭجاڭ ايماعىندا ۇيعىر، قازاق جانە وزگە ۇلت وكىلدەرىنە قاتىستى قىتاي بيلىگى قاتاڭ ساياسات ۇستانىپ، ادام قۇقىعىن ورەسكەل بۇزۋمەن كەلەدى.

Abai.kz