قازىر كوپشىلىك ءوز سادا­قاسىن مەشىتتەرگە نەمەسە كوشەدە، بازاردا قايىر سۇراپ تۇرعاندارعا، بولماسا الەۋمەتتىك جاعدايى تومەن ءوزىنىڭ كورشىسىنە اپارىپ بەرىپ جاتادى. ءتىپتى بىرەۋلەر جەتىمدەر مەن قارتتار ۇيىنە قايىرىمدىلىق شاراسىن وتكىزەدى. الايدا بىزدە الەۋمەتتىك جاعدايى تومەن ادامدار تىم كوپ. ءتىپتى ولاردىڭ ىشىندە سول مەشىت­كە، بازارعا بارىپ قايىر سۇراۋعا ءوز اياعىمەن جەتە الماي كومەككە ءزارۋ بولىپ وتىرعاندار دا بارشىلىق. كوبىنە ولار وسىلايشا الەۋ­مەتتىك كومەكتەن شەت قا­لىپ قويادى. ونىمەن قوسا، كەي­بىرەۋلەر ءبىر جەتىمدەر ءۇيى­نە ءۇيىپ-توگىپ جاعداي جا­سايدى دا، ال كەلەسى ءبىر بالا­لار ءۇيى مۇنداي كومەك­تەن تىس قالىپ قويىپ جاتا­دى. سوندىقتان قايىرىم­دى­لىق جاسايتىندارعا ارناپ ارنايى قوعامدىق قور قۇرۋ ارقىلى الەۋمەتتىك جاعدايى تومەن ادامدار­دىڭ بارلىعىنا بىردەي كومەك قولىن سوزساق، دۇرىس بولار ەدى.

مۇنىڭ بارلىعىن قوعامدىق قور قۇرۋ ارقىلى رەتتەپ وتىرعانىمىز دۇرىس شى­عار. ماسەلەن، قوردىڭ قۇرىلتايشىلارى قاتارىنا ەلىم دەپ ەڭىرەگەن، ۇلت تاعدىرىنا قابىرعاسى قايىسقان تۇلعالار - زيالى قاۋىم وكىلدەرى، كاسىپكەرلەر، ەل باسقارۋشى ازاماتتار كىرىپ، جەرگىلىكتى اكىمدىكپەن ءبىر­لەسە وتىرىپ، بارلىق قارتتار مەن بالالار ءۇي­لەرىنىڭ، الەۋمەتتىك جاعدايى تومەن وتبا­سى­لاردىڭ ءتىزىمىن الىپ، شىن مانىندە كومەك­كە مۇقتاج جاندارعا قايىرىمدىلىق كومەك كورسەتىپ وتىرساق الدەقايدا ساۋاپتى ءىس بولار ەدى. ءبىر جاعىنان، مۇنداي قور قۇرىل­سا، ول اقشا كىمدەرگە، قاي ۋاقىتتا قانشا ءبولىنىپ جاتقانىنا دەيىن بانكتىك شوت ارقىلى باقىلاپ وتىرۋعا مۇمكىندىك الار ەدىك. ءتىپتى بىرەۋلەر ناۋقاس بالاسىن ەمدەتۋگە قارجى تاپپاي جۇرسە، 7-8 بالامەن باسپاناسىز جۇرگەن جالعىزباستى انالار بولسا، باسپاناعا شىن مۇقتاج جان­داردى ساراپتاپ، سولاردىڭ جاعدايىن جەر­گىلىكتى بيلىككە جەتكىزىپ، كومەكتەسۋىنە ىقپال جاساسا، نۇر ۇستىنە نۇر ەمەس پە؟ قوعامدىق قور كومەككە ءزارۋ ادامداردىڭ مۇڭ-مۇق­تاجىن جەرگىلىكتى بيلىككە، دەنساۋلىق ساق­تاۋ، ەڭبەك جانە حالىقتى الەۋمەتتىك قورعاۋ، ءبىلىم جانە عىلىم سەكىلدى ءتۇرلى مينيستر­لىكتەرگە جەتكىزە وتىرىپ جۇزەگە اسىرسا قانداي تاماشا بولار ەدى؟!

جانبولات يبراگيموۆ، تۇركىستان قالاسى اكىمىنىڭ ورىنباسارى:

- تۇركىستان قالاسىندا قايىرىم­دىلىق شارالارى ءجيى وتكىزىلىپ تۇرادى. وتكەن جىلى عانا قالانىڭ جومارت ازا­مات­تارىن تارتۋ ارقىلى الەۋمەتتىك جاع­دايى تومەن، ءۇي كەزەگىندە تۇرعان 12 وتباسىعا كوممۋنالدىق تۇرعىن ءۇيدىڭ كىل­تىن تابىستادىق. سونداي-اق ەل تاۋەل­سىز­دىگىنىڭ 20 جىلدىق مەرەيتويى قار­ساڭىندا بيزنەستىڭ جاۋاپكەرشىلىگى ايا­سىندا مۇگەدەكتەرگە ارنالىپ سالىنعان ەكى قاباتتى 16 پاتەردى پايدالانۋعا بەر­دىك. قالا اكىمى قايرات قۇسەيىنۇلى قول­دان كەلگەنشە قايىرىمدىلىق شا­را­لاردى ءجيى وتكىزۋگە تىرىسادى. اركەز دەمەۋشىلەر ەسەبىنەن اكتسيالار ۇيىم­داستىرىپ، مۇمكىندىك بولعانشا الەۋ­مەتتىك از قامتىلعاندارعا كومەك كور­سەتۋ­گە ۇيىتقى بولىپ ءجۇر. ارينە، ەلگە جاناشىر ازاماتتار ءوز تاراپىنان قالادان قوعامدىق قور قۇرىپ، دەمەۋشى تاۋىپ، ەل يگىلىگى ءۇشىن جۇمىستار اتقارسا، وعان ءبىز قۋانامىز.

كامال بۇرحانوۆ، ءماجىلىس دەپۋتاتى:

- ارينە، مەملەكەت الەۋمەتتىك از قام­تىلعاندارعا، جاعدايى تومەن وتبا­سى­لارعا مۇمكىندىگىنشە كومەكتەسىپ-اق جا­تىر. دەسەك تە، بۇگىنگى تاڭدا بىزدە باي ادام­دار كوپ. ءتىپتى كەيبىرەۋلەرى اي سا­يىن قىمبات كولىگىن اۋىستىرىپ جاتادى. بۇل جەردە، بىرىنشىدەن، بايلاردىڭ جاع­دايى تومەن وتباسىلارعا كومەك قو­لىن سوزىپ، قايىرىمدىلىق جاساسا، ونىڭ ساۋابى كوپ بولاتىنىن جان-جاقتى ءتۇ­سىن­دىرۋىمىز كەرەك. قايىرىمدىلىق اك­تسيالارىنا قارجى بولگەن كاسىپكەرلەردى باق قۇرالدارىندا ناسيحاتتاپ، باسقا­لارعا ۇلگى رەتىندە كورسەتۋىمىز كەرەك. بۇل جەردە كاسىپكەردى جارنامالاۋ ەمەس، تەك باسقا كاسىپكەرلەرگە وي سالاتىنداي ەتىپ جازساق جاقسى بولار ەدى. ماسەلەن، شەتەلدىك تاجىريبەنى قاراپ وتىرساق، وندا باي-ماناپتار عانا ەمەس، تۇرمىس جاعدايى ورتاشا ازاماتتار دا اربامەن بازاردان ازىق-تۇلىكتى تولتىرىپ الىپ، مۇقتاج ادامدارعا تەگىن تاراتىپ بەرەدى. ءبىز دە وسى جۇيەنى قوعامدىق قور قۇرۋ ارقىلى ەنگىزۋىمىزگە بولادى. ماسەلەن، قازىر ءاربىر ۇيدە ەسكىرگەن، كيمەيتىن كيىمدەر ءۇيىلىپ جاتىر. نەگە ولاردى ۇكى­مەتتىك ەمەس ۇيىمدار ارقىلى مۇقتاج ادام­­دارعا تاراتىپ بەرمەسكە؟ سون­دىق­تان وبلىس-قالالاردا وسىنداي قوعام­دىق قورلار قۇرىلىپ، ولار اكىمدىكپەن بىرىگىپ جۇمىس ىستەپ، دەمەۋشىلەر تارتىپ مۇقتاج جاندارعا كومەكتەسسە، ولاردىڭ جۇمىستارىن جەرگىلىكتى جۇمىسپەن قامتۋ جانە الەۋمەتتىك قولداۋ بولىمدەرى قادا­عالاپ وتىرسا جاقسى-اق بولار ەدى.

سەرىك جۇماباەۆ

«الاش ايناسى» گازەتى