وزبەكستاننىڭ جەكە كلينيكالارىنا اقىلى تۇردە ۆاكتسينا ەگۋگە رۇقسات ەتىلدى. بۇل تۋرالى  «وزبەكستان 24» كانالاى حابارلادى. ال قازاقستاندا اقىلى تۇردە ۆاكتسينا الۋعا تىيىم سالىنعان. 

"جەكە مەديتسينالىق ورتالىقتارعا دا ۆاكتسينا ەگۋ قۇقىعى بەرىلەدى. ول اقىلى تۇردە ىسكە اسادى. ولاردىڭ قىزمەتىنە ۆيرۋس جۇقتىرۋ قاۋپى از دەگەن ازاماتتار جۇگىنە الادى. ۆاكتسينا ەگۋ قۇقىعىنىڭ ينفەكتسيالىق اۋرۋلارعا قارسى جوسپارلى ۆاكتسيناتسيا جۇرگىزۋگە مىندەتتەلگەن مەديتسينالىق ورتالىقتارعا قاتىسى جوق", - دەدى وزبەكستاننىڭ دەنساۋلىق ساقتاۋ مينيسترلىك وكىلدەرى.

وزبەكستاندا جاپپاي ۆاكتسينا ەگۋ 1 ساۋىردە باستالادى. ۆاكتسينا ەگۋ ەكى ءتۇرلى ۆاكتسينامەن ىسكە اسادى. ولار Covax جۇيەسى ارقىلى ءۇندىستاننان كەلگەن AstraZeneca ۆاكتسيناسى جانە قىتاي-وزبەك عالىمدارى بىرلەسە جاساعان ZF-UZ-VAC 2001 ۆاكتسيناسى. ءبىرىنشى بولىپ ۆاكتسينانى مەديتسينا قىزمەتكەرلەرى مەن 65 جاستان اسقان قارت ازاماتتار الماق.

Abai.kz