قازاقستاندىق اككرەديتاتسيالىق اگەنتتىك ورتالىق ازيا ۋنيۆەرسيتەتى، اقتاۋ گۋمانيتارلى-تەحنيكالىق ۋنيۆەرسيتەتى جانە "استانا" ۋنيۆەرسيتەتىنىڭ اككرەديتاتسيا كۋالىگىن كەرى قايتارىپ الدى. زاڭعا سايكەس ليتسەنزياسى مەن اككرەديتاتسياسى جوق ۋنيۆەرسيتەتتەر ديپلوم بەرە المايدى. 

ءبىلىم جانە عىلىمي مينيسترلىگىنىڭ اقپاراتىنشا، اككرەديتاتسيالىق ورتالىق ءوزىنىڭ شەشىمى جايلى اقتاۋ گۋمانيتارلى-تەحنيكالىق ۋنيۆەرسيتەتى مەن "استانا" ۋنيۆەرسيتەتىن ەسكەرتكەن.

ء"بىزدىڭ ۇيىمىمىز وقۋ ورىندارىن اككرەديتاتسيالاۋمەن اينالىسادى، ياعني ءبىز وقۋ ورىندارىنىڭ وقىتۋ باعدارلاماسىنىڭ تالاپقا سايلىعىن تەكسەرەمىز. اتالمىش وقۋ ورىندارى ءبىزدىڭ پوستاككرەديتاتسيالىق مونيتورينگ جۇرگىزۋىمىزگە قارسى بولىپ، عيماراتتارىنا كىرگىزبەدى. سوندىقتان دا ءبىز اكررەديتاتسيالىق كۋالىكتى كەرى قايتارۋ تۋرالى شەشىم شىعاردىق" ، – دەدى "قازاقستاندىق تاۋەلسىز اككرەديتاتسيالاۋ ورتالىعىنىڭ" ديرەكتورى بەگالى قالمۇراتوۆ.

بۇل وقۋ ورىندارى ءبىلىم جانە عىلىم مينيسترلىگى تاراپىنان دا جۇرگىزىلەتىن جوسپارلى تەكسەرۋگە قارسىلىق بىلدىرگەن ەدى. وقۋ ورىندارىنا قاتىستى سوت ءىسى جالعاسىپ كەلەدى.

Abai.kz