اقتاۋدا ءوتىپ جاتقان سوت پروتسەسىنىڭ 12-ءساۋىر كۇنگى 13-ءشى وتىرىسىندا، حالىقارالىق «جاڭاوزەن-2011» كوميتەتىنىڭ سونداعى  مۇشەلەرىنىڭ حابارلاۋىنشا، سوتتالۋشىلاردى سۇراۋ جالعاسىپ، كەشە ءوزىنىڭ تەرگەۋ كەزىندە مۇنايشىلارعا قارسى بەرگەن كورسەتۋلەرىنەن ءۇزىلدى-كەسىلدى باس تارتقان جانە بيلىك وكىلدەرىنىڭ وزىنە قاتىستى قىلمىستى ءىس-ارەكەتتەرىن (قورقىتىپ-ۇركىتۋ، ۇرىپ-سوعۋ، ازاپتاۋ) اشكەرەلەگەن تاڭاتار قاليەۆتىڭ سوزدەرى بۇگىن وزگەلەر تاراپىنان كەلتىرىلگەن جاڭا فاكتىلەرمەن ودان ءارى راستالا تۇسكەن.

ەستەرىڭىزگە سالا كەتەيىن - بۇعان دەيىنگى سوت وتىرىستارىندا تەرگەۋشىلەردىڭ زورلىق-زومبىلىق كورسەتكەن  زاڭسىز ءىس-ارەكەتتەرى جونىندە ت.قاليەۆتەن باسقا سوتتالۋشىلار ەسەنگەلدى ءابدىراحمانوۆ پەن نارىن جارىلعاسىنوۆ تا ايتقان بولاتىن.

ارينە، ءار سوتتالۋشىنىڭ جاعدايىنا ولاردىڭ ءوز جەكە باستارىنا بايلانىستى ەرەكشەلىكتەر ءتان، الايدا بارشاسىن «بىرىكتىرەتىن» ورتاق فاكتى - تەرگەۋشىلەردىڭ كورسەتۋلەردى تۇتقىنداردىڭ قاي-قايسىسىنان دا كۇشپەن العاندىعى كورىنەدى.

جانە ءبىر نازار اۋداراتىن جاعداي - ازاماتتاردى ۇرىپ-سوعۋشىلار كوبىنەسە بەتتەرىن ماسكامەن جاۋىپ العاندىقتان، سوتتالۋشىلار ولاردىڭ اتى-جوندەرىن اتاي الماي، پروكۋرورلاردىڭ مۇنى بىلە تۇرا سونى تالاپ ەتكەن سۇراقتارىنا ناقتى جاۋاپ بەرۋگە قينالىپ قالاتىندىعى تۇسىنىكتى بولسا كەرەك.

اقتاۋدا ءوتىپ جاتقان سوت پروتسەسىنىڭ 12-ءساۋىر كۇنگى 13-ءشى وتىرىسىندا، حالىقارالىق «جاڭاوزەن-2011» كوميتەتىنىڭ سونداعى  مۇشەلەرىنىڭ حابارلاۋىنشا، سوتتالۋشىلاردى سۇراۋ جالعاسىپ، كەشە ءوزىنىڭ تەرگەۋ كەزىندە مۇنايشىلارعا قارسى بەرگەن كورسەتۋلەرىنەن ءۇزىلدى-كەسىلدى باس تارتقان جانە بيلىك وكىلدەرىنىڭ وزىنە قاتىستى قىلمىستى ءىس-ارەكەتتەرىن (قورقىتىپ-ۇركىتۋ، ۇرىپ-سوعۋ، ازاپتاۋ) اشكەرەلەگەن تاڭاتار قاليەۆتىڭ سوزدەرى بۇگىن وزگەلەر تاراپىنان كەلتىرىلگەن جاڭا فاكتىلەرمەن ودان ءارى راستالا تۇسكەن.

ەستەرىڭىزگە سالا كەتەيىن - بۇعان دەيىنگى سوت وتىرىستارىندا تەرگەۋشىلەردىڭ زورلىق-زومبىلىق كورسەتكەن  زاڭسىز ءىس-ارەكەتتەرى جونىندە ت.قاليەۆتەن باسقا سوتتالۋشىلار ەسەنگەلدى ءابدىراحمانوۆ پەن نارىن جارىلعاسىنوۆ تا ايتقان بولاتىن.

ارينە، ءار سوتتالۋشىنىڭ جاعدايىنا ولاردىڭ ءوز جەكە باستارىنا بايلانىستى ەرەكشەلىكتەر ءتان، الايدا بارشاسىن «بىرىكتىرەتىن» ورتاق فاكتى - تەرگەۋشىلەردىڭ كورسەتۋلەردى تۇتقىنداردىڭ قاي-قايسىسىنان دا كۇشپەن العاندىعى كورىنەدى.

جانە ءبىر نازار اۋداراتىن جاعداي - ازاماتتاردى ۇرىپ-سوعۋشىلار كوبىنەسە بەتتەرىن ماسكامەن جاۋىپ العاندىقتان، سوتتالۋشىلار ولاردىڭ اتى-جوندەرىن اتاي الماي، پروكۋرورلاردىڭ مۇنى بىلە تۇرا سونى تالاپ ەتكەن سۇراقتارىنا ناقتى جاۋاپ بەرۋگە قينالىپ قالاتىندىعى تۇسىنىكتى بولسا كەرەك.

ال، وزىنە ءسوز كەزەگى كەلگەندە وسىناۋ وبەكتيۆتى «ءداستۇردى» بۇزعان سوتتالۋشى ماقسات دوسماعامبەتوۆتىڭ: «مەنى ۇرىپ-سوققاندار - نۇرجان جانداربەكوۆ, جاڭاوزەن قالالىق ىشكى ىستەر دەپارتامەنتى باستىعىنىڭ ورىنباسارى ءابدىراسۋل وتەشەۆ جانە كامانباي اۋەزوۆ»، - دەپ، انىق كورسەتۋى - بۇگىنگى سوت وتىرىسىنىڭ نەگىزگى وقيعاسى بولدى. راس، ول سوڭعىسىنىڭ قىزمەتىن ايتا الماعان، بىراق اتى-ءجونى اتالعان پوليتسەيدىڭ قىزمەتىن انىقتاۋ قيىن بولماسا كەرەك. ال ءبىرىنشىسى - باستاپقىدا تالعات ساقتاعانوۆتىڭ تەرگەۋ ءىسىن جۇرگىزىپ، ودان سوڭ «جابىرلەنۋشى» بولىپ مويىندالۋىنا بايلانىستى وسىعان دەيىنگى رەپورتاجداردا الدەنەشە رەت تىلگە تيەك بولعان تەرگەۋشى جانداربەكوۆتىڭ ءدال ءوزى.

سونداي-اق، سوت وتىرىستارىندا «جابىرلەنۋشىلەر» رەتىندە سۇرالعان بىرنەشە پوليتسەيدى سوتتالۋشىلاردىڭ الاڭدا وق اتقاندار جانە وزدەرىن ۇرىپ-سوققاندار رەتىندە تانىعاندىعى جونىندە ىلگەرىدەگى رەپورتاجداردا ايتىلعانى ەستەرىڭىزدە بولار. ال، بۇعان كەرىسىنشە، سۇرالعان پوليتسەيلەردىڭ باسىم كوپشىلىگى 37 سوتتالۋشىنىڭ ەشقايسىسىن الاڭدا قانداي دا بولسا قىلمىس جاسادى دەپ ايتا الماعان، ءتىپتى، ولاردىڭ نە ءۇشىن جاۋاپقا تارتىلعاندىعىنا تۇسىنبەۋشىلىك، تاڭدانىس تانىتقان. كەيبىرەۋلەرى وزدەرىنە تاس لاقتىرعانداردىڭ مۇنايشىلار ەمەس، مۇلدە باسقا، الدەبىر قارا كيىم كيگەن جاستار ەكەندىگىن ايتقان. سوندىقتان كوبى وزدەرىنىڭ تالاپتارىنان باس تارتقان.

قۇلاققاعىس: اقتاۋدا ون كۇن ءىسساپاردا بولىپ قايتقان حالىقارالىق «جاڭاوزەن-2011» كوميتەتىنىڭ توراعاسى رامازان ەسىرگەپوۆ پەن «پراۆدا كازاحستانا» گازەتىنىڭ ءتىلشىسى ءشارىپ قۇراقباي 10-ءساۋىر كۇنى ۇلتتىق ءباسپاسوز كلۋبىندا ءباسپاسوز ءماسليحاتىن وتكىزىپ، سوت پروتسەسىندە كوزدەرى جەتكەن اقيقاتتار جونىندە بايانداپ بەردى جانە سۇراقتارعا جاۋاپ قايتاردى. ەكى ازاماتتىڭ ويلارىنا تۇيگەن نەگىزگى اقيقاتتى قىسقاشا قايىرساق، ول - 16-جەلتوقسان كۇنگى قاندى سويقاندى قازىر سوت وتكىزىپ جاتقان بيلىكتىڭ ءوزى الدىن-الا دايىنداپ، جۇزەگە اسىرعاندىعىن جانە، بۇعان كەرىسىنشە، سوتتالۋشى ورنىندا وتىرعان 37 مۇنايشىنىڭ ول سويقانعا ەشقانداي قاتىسى جوق ەكەندىگىن  دالەلدەيتىن ماعلۇماتتار شوعىرىنىڭ كۇن وتكەن سايىن مولايا ءتۇسۋى...

جاسارال قۋانىشالين،

حالىقارالىق «جاڭاوزەن-2011» كوميتەتىنىڭ

اقپاراتتىق توپ جەتەكشىسى.

الماتى قالاسى،

2012 جىلدىڭ 12-ءساۋىرى.

«اباي-اقپارات»