بۇگىن جەر كوميسسياسىنىڭ مۇشەسى مۇحتار تايجان مىرزا بىرنەشە كوميسسيا مۇشەلەرىنىڭ اتى-ءجونىن اتاپ، ولاردىڭ جەردى جەكە مەنشىككە بەرۋ باستاماسىن كوتەرىپ، قولداپ شىققانىن ءوزىنىڭ «فەيسبۋكتەگى» جەكە پاراقشاسىنا جازىپ شىعاردى.

ولار: الماسبەك سادىرباي، راحىم وشاقباەۆ، بولاتبەك ناجمەدينۇلى، ايداربەك قوجانازاروۆ، كەرىمحان ەگىزباەۆتار ەكەن.

«جەكە مەنشىك» دەگەن دە «قۇرتتىڭ اتىن جاڭىلتىپ مالتا قويۋ». ونىڭ ناق اتى - ساتۋ!

جەردى قازاقستاندىقتارعا ساتۋعا ەشقاشان جول بەرۋگە بولمايدى!

سول ءۇشىن، جەرگە بايلانىستى زاڭداعى «جەر ۋچاسكەسىنە جەكە مەنشىك قۇقىعى»  دەگەن ۇعىمدى جويىپ، ونىڭ ورنىنا «جەر ۋچاسكەسىن جالعا بەرۋ» دەگەن ۇعىمدى پايدالانۋ كەرەك.

جەر كودەكسىنىڭ 3-بابىنداعى «قازاقستان رەسپۋبليكاسىندا جەر مەملەكەتتiك مەنشiكتە بولادى. جەر ۋچاسكەلەرi وسى كودەكستە بەلگiلەنگەن نەگiزدەردە، شارتتار مەن شەكتەردە جەكە مەنشiكتە دە بولۋى مۇمكiن»، -دەگەن نورمانىڭ «قازاقستان رەسپۋبليكاسىندا جەر مەملەكەتتiك مەنشiكتە بولادى»، - دەگەندى قالدىرىپ،  «جەر ۋچاسكەلەرi وسى كودەكستە بەلگiلەنگەن نەگiزدەردە، شارتتار مەن شەكتەردە جەكە مەنشiكتە دە بولۋى مۇمكiن»، - دەگەن بولىگىن اتالعان كودەكستەن الىپ تاستاۋ كەرەك. جۇرت كوڭىلى سوندا عانا تىنشيدى.

مەن تاعى قايتالاپ ايتايىن، جەر قازاقستاندىقتارعا ساتىلاتىن بولسا، وندا بايتاق قازاقستاننىڭ ىشىندە كىشكەنە «قازاقستاندار»، «ورىسستاندار»، «كارىسستاندار» پايدا بولادى. ءبىرىنىڭ جەرىنەن ەكىنشىسىنىڭ «تەرريتورياسىنا» ءوتۋ ءۇشىن  «ۆيزا الۋىڭا» تۋرا كەلەتىن جاعداي تۋىندايدى.

ءبىر مىسال كەلتىرەيىن، اناۋ ءبىر جىلى كەشە عانا ومىردەن وعان قازاقتىڭ اسا كورنەكتى جازۋشىسى قابدەش ءجۇمادىلوۆ الماتى وبلىسىنىڭ كولساي ماڭىنا قۇدالارىنىڭ اۋىلىنا بارادى. ارى قاراي كولساي جاققا ورلەپ، ءبىر سايدىڭ اۋزىنا بارسا، الدىنان «وتۋگە بولمايدى!»، - دەپ، اۆتومات اسىنعان ەكى-ءۇش جىگىت شىعدى. «اۋ، كوكەلەر، قۇدايدىڭ جەرى عوي بۇل، كىشكەنە ورمان ارالاپ، سەرۋەن قۇرىپ قايتايىق»، - دەسە، انا جىگىتتەر: «بۇل قۇدايدىڭ جەرى ەمەس، قازىر امانگەلدى ەرمەگياەۆتىڭ جەرى بۇل!»، - دەپ مىلتىقتارىن ساتىر-سۇتىر ەتكىزىپ، كۇش كورسەتەدى...

قابەكەڭ سونى ايتىپ، كەزىندە سۇحبات بەرگەن بولاتىن. كەرەك بولسا، جازۋشىنىڭ كىتاپتارىنان سول سۇحباتتى تاۋىپ شىعىپ، قايتا جاريالاۋعا بولادى.

دەمەك، قازاق جەرى قازىرگى تاڭدا ءدال وسى «كىشكەنە مەملەكەتتەردەن قۇرالعان وداقتىڭ» كۇيىندە تۇر. سەنبەسەڭىز، كۋلاگيننىڭ سەكسەن مىڭ گەكتار جەرىنىڭ شەتىن باسىپ كورىڭىزشى، وققا ۇشۋىڭىز مۇمكىن... بۇل - اسا قاۋىپتى جاعداي!

مەن سەنەم، پرەزيدەنت قاسىم-جومارت توقاەۆ جەر رەفورماسىن جۇرگىزىپ، وسى قاۋىپتىڭ الدىن الماققا ارەكەت جاساۋدا. بۇل - وتە دۇرىس قادام، تاريحي بۇرىلىس!

سول ءۇشىن، جەر  قازاقستاندىقتارعا ساتىلماۋى كەرەك! تەك، بەرىلەتىن كولەمى جاعىنان جوعارعى شەگىن بەلگىلەپ، 49 جىلعا جالعا بەرۋگە بولاتىن شىعار.

وسى جەردە مۇحتار تايجان باستاعان جەر كوميسسياسىنىڭ مۇشەلەرى تەك ۇكىمەت جاساپ بەرگەن جوبانىڭ شەڭبەرىنەن شىعىپ، جەر كودەكسىنە جاڭا باپتار ۇسىنۋى، بۇرىنعى بەلگىلى ءبىر توپتاردىڭ مۇددەسىن قورعاۋعا اپارىپ سوقتىراتىن نورمالاردى الىپ تاستاۋ نەمەسە تۇزەتۋ جاعانا دا باسا ءمان بەرگەنى ءجون.

جەرگە ءبىرىنشى كەزەكتە قاراپايىم اۋىل حالقىنىڭ قولى جەتەتىن شارت-جاعداي جاساۋ كەرەك زاڭمەن!

اۋىت مۇقيبەك

Abai.kz