تاياۋدا وڭتۇستىك قازاقستان وبلىسى، شىمكەنت قالاسىنىڭ اكىمى ارمان جەتپىسباەۆ مىرزا اتى-ءجونىمىزدى ۇلتتىق داستۇرگە سايكەستەندىرەيىك دەپ ۇندەۋ جاريالاعانى ءمالىم. وتە ورىندى ۇسىنىس. وسى ماسەلەگە بايلانىستى ورالدا ءتىل جاناشىرلارىنىڭ كەزەكتى باس قوسۋىندا دوسىم، بەلگىلى جۋرناليست قازبەك قۇتتىمۇراتۇلى «ەلگە ءبىر نارسە ايتپاس بۇرىن، اۋەلى وزىمىزدەن باستاعان دۇرىس بولار. ابەكە، ءسىز زاڭگەرسىز، وسى ءىستى ءبىرىنشى بولىپ ءوزىڭىز قولعا الىڭىز، سىزدەن كەيىن ءبىز دە قولدايمىز» - دەگەن سوڭ، وسى ىسكە كىرىستىم.

وسى جەردە ايتا كەتەتىن ءبىر ماسەلە - مەملەكەت تاراپىنان اتى-ءجوندى ۇلتتىق داستۇرگە سايكەستەندىرۋگە بايلانىستى، بارلىق جاعداي جاسالعانىنا كوزىم انىق جەتتى. وعان دالەل - ۇيدەن شىققان-قايتقان ۋاقىتىمدى ەسەپتەمەگەندە، جەكە كۋالىگىمە وزگەرىس ەنگىزۋگە تاپسىرىس بەرۋگە، بار بولعانى 1 ساعات، 20 مينۋت ۋاقىتىمنىڭ كەتكەنى (ۋاقىتتى حالىققا قىزمەت كورسەتۋ ورتالىعىنا كىرگەن ساتتەن باستاپ ەسەپتەدىم).

سونىمەن، ەگەر اتى-ءجونىڭىزدى وزگەرتەم دەگەن نيەتىڭىز بولسا، مىناداي قۇجاتتاردى دايىنداپ، تىركەۋدە تۇرعان جەرىڭىز بويىنشا، حالىققا قىزمەت كورسەتۋ ورتالىعىنا (بۇدان بىلاي حقكو) باراسىز، ولار:

1. اۋىستىراتىن قۇجات ء(وز تاڭداۋىڭىز بويىنشا پاسپورت، جەكە كۋالىك نەمەسە تۋ تۋرالى كۋالىگى)جانە ونىڭ كوشىرمەسى،

2. تۋ تۋرالى كۋالىك جانە ونىڭ كوشىرمەسى،

3. ەگەر اسكەر قاتارىندا بولساڭىز، اسكەري بيلەت جانە ونىڭ كوشىرمەسى،

تاياۋدا وڭتۇستىك قازاقستان وبلىسى، شىمكەنت قالاسىنىڭ اكىمى ارمان جەتپىسباەۆ مىرزا اتى-ءجونىمىزدى ۇلتتىق داستۇرگە سايكەستەندىرەيىك دەپ ۇندەۋ جاريالاعانى ءمالىم. وتە ورىندى ۇسىنىس. وسى ماسەلەگە بايلانىستى ورالدا ءتىل جاناشىرلارىنىڭ كەزەكتى باس قوسۋىندا دوسىم، بەلگىلى جۋرناليست قازبەك قۇتتىمۇراتۇلى «ەلگە ءبىر نارسە ايتپاس بۇرىن، اۋەلى وزىمىزدەن باستاعان دۇرىس بولار. ابەكە، ءسىز زاڭگەرسىز، وسى ءىستى ءبىرىنشى بولىپ ءوزىڭىز قولعا الىڭىز، سىزدەن كەيىن ءبىز دە قولدايمىز» - دەگەن سوڭ، وسى ىسكە كىرىستىم.

وسى جەردە ايتا كەتەتىن ءبىر ماسەلە - مەملەكەت تاراپىنان اتى-ءجوندى ۇلتتىق داستۇرگە سايكەستەندىرۋگە بايلانىستى، بارلىق جاعداي جاسالعانىنا كوزىم انىق جەتتى. وعان دالەل - ۇيدەن شىققان-قايتقان ۋاقىتىمدى ەسەپتەمەگەندە، جەكە كۋالىگىمە وزگەرىس ەنگىزۋگە تاپسىرىس بەرۋگە، بار بولعانى 1 ساعات، 20 مينۋت ۋاقىتىمنىڭ كەتكەنى (ۋاقىتتى حالىققا قىزمەت كورسەتۋ ورتالىعىنا كىرگەن ساتتەن باستاپ ەسەپتەدىم).

سونىمەن، ەگەر اتى-ءجونىڭىزدى وزگەرتەم دەگەن نيەتىڭىز بولسا، مىناداي قۇجاتتاردى دايىنداپ، تىركەۋدە تۇرعان جەرىڭىز بويىنشا، حالىققا قىزمەت كورسەتۋ ورتالىعىنا (بۇدان بىلاي حقكو) باراسىز، ولار:

1. اۋىستىراتىن قۇجات ء(وز تاڭداۋىڭىز بويىنشا پاسپورت، جەكە كۋالىك نەمەسە تۋ تۋرالى كۋالىگى)جانە ونىڭ كوشىرمەسى،

2. تۋ تۋرالى كۋالىك جانە ونىڭ كوشىرمەسى،

3. ەگەر اسكەر قاتارىندا بولساڭىز، اسكەري بيلەت جانە ونىڭ كوشىرمەسى،

4. مەملەكەتتىك باج سالىعى (323 تەڭگە),

5. جەرگىلىكتى ىشكى ىستەر ورگاندارى باستىعىنىڭ اتىنا ءوتىنىش (ۇلگىسى تومەندە).

فوتوسۋرەتكە حقكو-دا ورنالاسقان كوشى-قون پوليتسياسى قىزمەتكەرى تەگىن تۇسىرەدى.

سونىمەن قاتار، قۇجاتتى تەز دايىنداۋ ءۇشىن، قوسىمشا اقىلى قىزمەت تە ەنگىزىلگەن. مەن ءوز باسىم 10 تاۋلىك ىشىندە دايىنداتۋعا 904 تەڭگە تولەدىم. ماعان كوشى-قون پوليتسياسىنىڭ قىزمەتكەرى زاڭ تالاپتارىنا سايكەس، اتى-ءجونىمدى 2 ءتۇرلى نۇسقادا وزگەرتۋدى ۇسىندى:

1. قۇسپان ابزال تەمىرعاليۇلى،

2. تەمىرعاليۇلى ابزال.

مەن ءبىرىنشى نۇسقانى تاڭدادىم. ءسويتىپ، جەكە كۋالىگىمدە قازىر اتى-ءجونىم -

كۋسپانوۆ ابزال تەميرگاليەۆيچ بولسا، ەندى 1 جۇمادا قۇسپان ابزال تەمىرعاليۇلى بولىپ وزگەرمەك.

وسى جەردە كوپشىلىكتىڭ كوكەيىندە جۇرگەن ءبىر سۇراققا الدىن-الا جاۋاپ بەرە كەتەيىن. ءسىزدىڭ جەكە كۋالىك نەمەسە پاسپورتىڭىزعا ەنگىزگەن وزگەرىستەن كەلەڭسىز قۇقىقتىق سالدار تۋىندامايدى،ياعني باسقا دا قۇجاتتارىڭىزعا (ديپلوم، كەلىسىم-شارتتار ت.ب.) وزگەرىس ەنگىزۋ قاجەت ەمەس.

اتى-ءجوندى ۇلتتىق داستۇرگە سايكەس وزگەرتۋ - مىنا زاڭ اكتىلەرىمەن رەتتەلەدى:

1. «ۇلتى قازاق ازاماتتاردىڭ تەگi مەن اكەسiنiڭ اتىن جازۋعا بايلانىستى ماسەلەلەردi شەشۋ ءتارتiبi تۋرالى» قازاقستان رەسپۋبليكاسى پرەزيدەنتiنiڭ 1996 جىلعى 2 اقپانداعى N 2923 ساندى جارلىعى.

2. «قازاقستان رەسپۋبليكاسىنىڭ حالقىن قۇجاتتاندىرۋ جانە تىركەۋدىڭ كەيبىر ماسەلەلەرى تۋرالى» قازاقستان رەسپۋبليكاسى ىشكى ىستەر مينيسترلىگىنىڭ 2011 جىلعى 28 قاراشاداعى №631 ساندى بۇيرىعى.

3. سونىمەن بىرگە، «قازاقستان رەسپۋبليكاسىنىڭ حالقىن قۇجاتتاندىرۋ جانە تىركەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2000 جىلعى 12 شىلدەدەگى № 1063, «قازاقستان رەسپۋبليكاسىنىڭ حالقىن قۇجاتتاندىرۋدىڭ كەيبىر ماسەلەلەرى تۋرالى» 2008 جىلعى 24 جەلتوقسانداعى № 1235 جانە 2009 جىلعى 27 تامىزداعى № 1260 قاۋلىلارى دا كۇشىندە. اتالعان زاڭ اكتىلەرىنىڭ تولىق نۇسقاسى قاجەت بولسا، tilmaydan.kzسايتىنىڭ «زاڭناما» ايدارىنان تابا الاسىز.

ەسكەرتە كەتەتىن ءجايت، كوپ جەرلەردە اتى-ءجوندى وزگەرتۋگە بايلانىستى بەلگىلى-ءبىر ارىز، ءوتىنىش ۇلگىسى جوق، سول سەبەپتى، ءوز اتىمنان جازىلعان مىنا ءوتىنىشتى ۇلگى رەتىندە ۇسىنامىن:

ۇلگى

تۇرعىلىقتى جەرىڭىز بويىنشا ءىىب(د) باستىعىنا (كىمنىڭ اتىنا جازىلاتىنى تۋرالى ناقتى مالىمەتتى حقكو-نان الاسىز)

ءو ت ءى ن ءى ش

مەن، كۋسپانوۆ ابزال تەميرگاليەۆيچ، «ۇلتى قازاق ازاماتتاردىڭ تەگi مەن اكەسiنiڭ اتىن جازۋعا بايلانىستى ماسەلەلەردi شەشۋ ءتارتiبi تۋرالى» قازاقستان رەسپۋبليكاسى پرەزيدەنتiنiڭ 1996 جىلعى 2 اقپانداعى N 2923 ساندى جارلىعىنىڭ تالاپتارىنا سايكەس، ءوزىمنىڭ تەگىمدى جانە اكەمنىڭ اتىن ۇلتتىق داستۇرگە لايىقتاپ، جەكە كۋالىگىمدى قايتا اۋىستىرۋدى سۇرايمىن. جەكە كۋالىگىمدەگى قازىرگى اتى-ءجونىم «كۋسپانوۆ ابزال تەميرگاليەۆيچتەن»، «قۇسپان ابزال تەمىرعاليۇلى» - دەپ وزگەرتۋدى قالايمىن.

ءوتىنىش يەسىنىڭ قولى ءوتىنىش بەرىلگەن كۇنى

قۇرمەتتى وقىرماندار، ەگەر سىزگە حالىققا قىزمەت كورسەتۋ ورتالىعىندا ءتيىستى قىزمەت كورسەتپەسە، پرەزيدەنت جارلىعىنىڭ تالاپتارىن دۇرىس تۇسىندىرمەدى نەمەسە اتى-ءجونىڭىزدى وزگەرتۋگە باسقالاي كەدەرگى كەلتىردى دەپ ساناساڭىز tilmaydan.kz سايتىنىڭ «زاڭگەر كەڭەسى» ايدارىنا جازباشا حات جولداۋىڭىزدى سۇرايمىن. حاتىڭىزدا قىزمەتكەردىڭ اتى-ءجونى، قابىلداعان كۇنى مەن ساعاتىن جانە ءوزىڭىزدىڭ اتى-ءجونىڭىز بەن مەكەن-جايىڭىزدى انىق كورسەتۋىڭىز سۇرالادى.

قۇرمەتپەن، قورعاۋشى

بقو ادۆوكاتتار القاسىنىڭ مۇشەسى ا.قۇسپانوۆ

«اباي-اقپارات»