«ەردەن - يمان قۇتىلماس» دەيتىن اتالارىمىز كورەگەن ەكەن. كەزىندە «مەنىڭ دە پرەزيدەنتتىك تاققا تالاسىم بار!» دەپ، ۇستەل توقپاقتاپ، شىنى سىندىرعان ەلىمىزدىڭ «باس پاتريوتى» --  سەناتور عاني اعا قاسىموۆ (سۋرەتتە) جاقىندا «مۇرتىن مۇنايمەن مايلاپ» (باۋىرجان حاليوللا), جاساندى جىميعان ۇكىمەتباسى كارىم ءماسىموۆتى وڭ جامباسقا الىپ جىعىپ، ايىزىمدى قاندىردى...

الدىمەن ول كولىك جولدارىنىڭ بارلىعى «اجال سوقپاقتارىنا» اينالعاندىعىن ايقايلاپ ايتتى. جول سالىعى قارجىلارىنىڭ تالان-تاراجعا تۇسەتىندىگىن، جولداردى جوندەۋگە بولىنەتىن قىرۋار اقشانىڭ جەمقورلىقپەن جويىلاتىنىن پرەمەر-ءمينيستردىڭ جونىن ءتىلىپ، تۋرا جەتكىزدى...

ەكىنشى كەزەكتە، عانەكەڭ اسپان جولدارىنا تىكە تارتتى. «ەير استانا» اۋە كومپانياسىنىڭ جول ءجۇرۋ بيلەتتەرىن بىردەن 16 پايىزعا ءوسىرىپ جىبەرگەندىگىنە نارازى سەناتور، مايلى مۇرتتىعا: «ەندەشە، بۇكىل قازاقستان بويىنشا جالاقىلاردى دا 16 پايىزعا ءوسىرىڭىز!» - دەپ، شۇيلىكتى.

ۇكىمەتتىڭ ءۇنسىز شاراسىزدىعىنا شامدانعان قاسىموۆ: «بۇل ەلدە دەنى دۇرىس ەشتەڭە ىستەي المايسىڭ. بۇل - ۇكىمەتتىڭ ساۋاتسىزدىعى مەن جاۋاپسىزدىعى!» - دەپ، ءبىر-اق قايىردى...

ازامات!!! عانەكەڭنىڭ باتىلدىعى مەن باتىرلىعىنا راحاتتانىپ، ماڭدايىم تەرشىپ وتىرىپ، الماتىداعى دوسىما تەلەفون شالدىم. سالعان جەردەن قۋانىشىممەن ءبولىسىپ: «عاني اعامىز مىقتى ەكەن عوي، بۇرىن قالاي بايقاماعام؟» - دەگەنىمدە، ماكەڭنىڭ ءجاي عانا: «كورشىڭ سوقىر بولسا، ءبىر كوزىڭدى قىسىپ ءجۇر!» - دەمەسى بار ما؟!.

«ەردەن - يمان قۇتىلماس» دەيتىن اتالارىمىز كورەگەن ەكەن. كەزىندە «مەنىڭ دە پرەزيدەنتتىك تاققا تالاسىم بار!» دەپ، ۇستەل توقپاقتاپ، شىنى سىندىرعان ەلىمىزدىڭ «باس پاتريوتى» --  سەناتور عاني اعا قاسىموۆ (سۋرەتتە) جاقىندا «مۇرتىن مۇنايمەن مايلاپ» (باۋىرجان حاليوللا), جاساندى جىميعان ۇكىمەتباسى كارىم ءماسىموۆتى وڭ جامباسقا الىپ جىعىپ، ايىزىمدى قاندىردى...

الدىمەن ول كولىك جولدارىنىڭ بارلىعى «اجال سوقپاقتارىنا» اينالعاندىعىن ايقايلاپ ايتتى. جول سالىعى قارجىلارىنىڭ تالان-تاراجعا تۇسەتىندىگىن، جولداردى جوندەۋگە بولىنەتىن قىرۋار اقشانىڭ جەمقورلىقپەن جويىلاتىنىن پرەمەر-ءمينيستردىڭ جونىن ءتىلىپ، تۋرا جەتكىزدى...

ەكىنشى كەزەكتە، عانەكەڭ اسپان جولدارىنا تىكە تارتتى. «ەير استانا» اۋە كومپانياسىنىڭ جول ءجۇرۋ بيلەتتەرىن بىردەن 16 پايىزعا ءوسىرىپ جىبەرگەندىگىنە نارازى سەناتور، مايلى مۇرتتىعا: «ەندەشە، بۇكىل قازاقستان بويىنشا جالاقىلاردى دا 16 پايىزعا ءوسىرىڭىز!» - دەپ، شۇيلىكتى.

ۇكىمەتتىڭ ءۇنسىز شاراسىزدىعىنا شامدانعان قاسىموۆ: «بۇل ەلدە دەنى دۇرىس ەشتەڭە ىستەي المايسىڭ. بۇل - ۇكىمەتتىڭ ساۋاتسىزدىعى مەن جاۋاپسىزدىعى!» - دەپ، ءبىر-اق قايىردى...

ازامات!!! عانەكەڭنىڭ باتىلدىعى مەن باتىرلىعىنا راحاتتانىپ، ماڭدايىم تەرشىپ وتىرىپ، الماتىداعى دوسىما تەلەفون شالدىم. سالعان جەردەن قۋانىشىممەن ءبولىسىپ: «عاني اعامىز مىقتى ەكەن عوي، بۇرىن قالاي بايقاماعام؟» - دەگەنىمدە، ماكەڭنىڭ ءجاي عانا: «كورشىڭ سوقىر بولسا، ءبىر كوزىڭدى قىسىپ ءجۇر!» - دەمەسى بار ما؟!.

شىندىعىندا، ەل ىشىندە تالاي قاسىمدار تىلدەرىن تىستەپ ءجۇر-اۋ!..

«اباي-اقپارات»