حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، اقتاۋداعى سوت پروتسەسىنىڭ 20-ءساۋىر كۇنى وتۋگە ءتيىس بولعان 19-شى وتىرىسى ادۆوكات ساۋلەباي سانسىزبايۇلىنىڭ كەلمەي قالۋىنا بايلانىستى وتپەي قالعان.

سوت وتىرىسىنىڭ باسىندا سۋديا ارالباي ناعاشىباەۆ ادۆوكات سانسىزبايۇلىنىڭ جوقتىعىنا نازار اۋدارعان. سوتتالۋشىلاردىڭ سوت وتىرىسىن اتالعان ادۆوكاتسىز جالعاستىرا بەرۋ جونىندەگى ۇسىنىسىنا قاراماستان، سۋديا ساعات 14:00-گە دەيىن ءۇزىلىس جاريالاعان.

باسقا ادۆوكاتتاردىڭ ايتۋىنشا، سانسىزبايۇلىن پوليتسيا «شەتپە ءىسى» بويىنشا سوت پروتسەسى ءجۇرىپ جاتقان عيماراتتا ۇستاعان-مىس. سول ساتتە سوندا بولعان ەكى ايەل 3-4 پوليتسەيدىڭ سانسىزبايۇلىن زالدان الىپ شىعىپ بارا جاتقاندىعىن كوردىك دەگەن-ءمىس.

بەلگىلەنگەن ۋاقىتتا سوت وتىرىسىن باستاعان سۋديا: «ادۆوكات سانسىزبايۇلى ءالى كەلگەن جوق پا؟» - دەپ سۇراعان. ادۆوكاتتاردىڭ ءبىرى تۇرەگەلىپ: «كەشەگى سوت وتىرىسىنان كەيىن ورىن العان قاقتىعىستان سوڭ كونۆويشى: «سانسىزبايۇلى ماعان قول جۇمسادى»، - دەپ، ونىڭ ۇستىنەن شاعىم ءتۇسىرىپتى. قازىر سانسىزبايۇلى ىشكى ىستەر باسقارماسىندا، كورسەتۋ بەرىپ جاتىر»، - دەگەن. سوتتالۋشىلار: «ءبىز، كەرىسىنشە، كونۆويشىنىڭ  ادۆوكاتتى يتەرىپ جىبەرگەنىن كوردىك!» - دەگەن. بۇعان سۋديا: «جوق، ول ءىىب-دا ەمەس، «شەتپە ءىسى» بويىنشا سوت پروتسەسىندە، ءدال قازىر مەن ونىمەن تەلەفون ارقىلى سويلەستىم»، - دەپ جاۋاپ بەرگەن.

حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، اقتاۋداعى سوت پروتسەسىنىڭ 20-ءساۋىر كۇنى وتۋگە ءتيىس بولعان 19-شى وتىرىسى ادۆوكات ساۋلەباي سانسىزبايۇلىنىڭ كەلمەي قالۋىنا بايلانىستى وتپەي قالعان.

سوت وتىرىسىنىڭ باسىندا سۋديا ارالباي ناعاشىباەۆ ادۆوكات سانسىزبايۇلىنىڭ جوقتىعىنا نازار اۋدارعان. سوتتالۋشىلاردىڭ سوت وتىرىسىن اتالعان ادۆوكاتسىز جالعاستىرا بەرۋ جونىندەگى ۇسىنىسىنا قاراماستان، سۋديا ساعات 14:00-گە دەيىن ءۇزىلىس جاريالاعان.

باسقا ادۆوكاتتاردىڭ ايتۋىنشا، سانسىزبايۇلىن پوليتسيا «شەتپە ءىسى» بويىنشا سوت پروتسەسى ءجۇرىپ جاتقان عيماراتتا ۇستاعان-مىس. سول ساتتە سوندا بولعان ەكى ايەل 3-4 پوليتسەيدىڭ سانسىزبايۇلىن زالدان الىپ شىعىپ بارا جاتقاندىعىن كوردىك دەگەن-ءمىس.

بەلگىلەنگەن ۋاقىتتا سوت وتىرىسىن باستاعان سۋديا: «ادۆوكات سانسىزبايۇلى ءالى كەلگەن جوق پا؟» - دەپ سۇراعان. ادۆوكاتتاردىڭ ءبىرى تۇرەگەلىپ: «كەشەگى سوت وتىرىسىنان كەيىن ورىن العان قاقتىعىستان سوڭ كونۆويشى: «سانسىزبايۇلى ماعان قول جۇمسادى»، - دەپ، ونىڭ ۇستىنەن شاعىم ءتۇسىرىپتى. قازىر سانسىزبايۇلى ىشكى ىستەر باسقارماسىندا، كورسەتۋ بەرىپ جاتىر»، - دەگەن. سوتتالۋشىلار: «ءبىز، كەرىسىنشە، كونۆويشىنىڭ  ادۆوكاتتى يتەرىپ جىبەرگەنىن كوردىك!» - دەگەن. بۇعان سۋديا: «جوق، ول ءىىب-دا ەمەس، «شەتپە ءىسى» بويىنشا سوت پروتسەسىندە، ءدال قازىر مەن ونىمەن تەلەفون ارقىلى سويلەستىم»، - دەپ جاۋاپ بەرگەن.

ودان سوڭ ول سوت وتىرىسىن ادۆوكاتسىز جالعاستىرا المايتىندىعىن ايتىپ، سوتتالۋشىلار مۇرات قوسبارماقوۆ پەن باۋىرجان نەپەستەن: «بۇدان ءارى سىزدەردى ادۆوكات سانسىزبايۇلىنىڭ قورعاعانىن قالايسىزدار ما؟» - دەپ سۇراعان. جانە ءوزىنىڭ ادۆوكاتتى سوت پروتسەسىنە كۇشپەن اكەلۋگە قۇقىعى جوق ەكەندىگىن، بىراق سانسىزبايۇلىنىڭ مىنەز-قۇلقىنا وراي مىندەتتى تۇردە شەشىم قابىلدايتىندىعىن ايتىپ، 15 مينۋت ءۇزىلىس جاريالاعان. دالىزدە ادۆوكاتتاردىڭ ءبىرى: «ەگەر ادۆوكات 5 كۇن ىشىندە كەلمەسە، سوتتالۋشىلارعا باسقا ادۆوكات تاعايىنداۋعا سوتتىڭ قۇقىعى بار»، - دەگەن.

ۇزىلىستەن كەيىن قوسبارماقوۆ پەن نەپەس سانسىزبايۇلىنا سەنىم بىلدىرگەن، بىراق سوت وتىرىسىن ونىڭ قاتىسۋىنسىز جالعاستىرا بەرۋدى ۇسىنعان. الايدا سۋديا ولاي ەتۋ مۇمكىن ەمەس ەكەندىگىن ايتىپ، دۇيسەنبىگە دەيىن ءۇزىلىس جاريالاعان.

ال، كەيبىر اقپارات قۇرالدارىنىڭ اقتاۋ جول پوليتسياسى باسقارماسىنا سىلتەمە جاساي وتىرىپ حابارلاۋىنشا، 20-ءساۋىر كۇنى ادۆوكات سانسىزبايۇلى اۆتوكولىكتى جۇرگىزۋشى كۋالىگىنسىز ايداعانى ءۇشىن ۇستالعان-مىس. پوليتسيا ونى 2010 جىلدىڭ 10-مامىرىندا اۆتوكولىكتى ماساڭ كۇيدە ايداعانى ءۇشىن 4 جىلعا جۇرگىزۋشى كۋالىگىنەن ايىرعان-مىس...

جاسارال قۋانىشالين،

حالىقارالىق «جاڭاوزەن-2011» كوميتەتىنىڭ

اقپاراتتىق توپ جەتەكشىسى.

الماتى قالاسى،

2012 جىلدىڭ 20-ءساۋىرى.

«اباي-اقپارات»