اعىمداعى جىلدىڭ 2 ناۋرىزىندا الماتى وبلىسى ەڭبەكشىقازاق اۋدانىنىڭ اۋماعىندا 54 جاستاعى جۇرگىزۋشى ماس كۇيىندە 8-9 جاستاعى 4 وقۋشىنى قاعىپ كەتتى.

جول-كولىك وقيعاسى ناتيجەسىندە 3 قىز ەمدەۋ مەكەمەسىنە جاتقىزىلدى. كەيىن، العان جاراقاتتاردان ەكەۋى قايتىس بولدى.

وسى فاكتى بويىنشا قىلمىستىق كودەكستىڭ 345-1-بابى 4-بولىگىمەن (ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان الكوگولدىك ماساڭ كۇيدە كولىك قۇرالىن جۇرگىزۋ) سوتقا دەيىنگى تەرگەۋ باستالدى، اتالعان باپپەن ەڭ جوعارعى جازا 10 جىلعا دەيىن باس بوستاندىعىنان ايىرۋ كوزدەلگەن.

اۆتوكولىك قۇرالىنىڭ جۇرگىزۋشىسى قاماۋعا الىندى، بارلىق قاجەتتى تەرگەۋ ارەكەتتەرى مەن ساراپتامالىق زەرتتەۋلەر جۇرگىزىلىپ، تەرگەۋ پروتسەسستىك مەرزىمدە اياقتالدى.

28 ساۋىردە ەڭبەكشىقازاق اۋدانىنىڭ پروكۋراتۋراسى ايىپتاۋ اكتىسىمەن قىلمىستىق ءىستى ءمانى بويىنشا قاراۋ ءۇشىن سوتقا جولدادى.

ايتا كەتەيىك، بۇعان دەيىن پرەزيدەنت توقاەۆ اتالعان ماسەلەگە قاتىستى تاپسىرما بەرگەن بولاتىن.

Abai.kz