الەمنىڭ 63 ەلىنىڭ 250-دەن استام ءجۋرناليسى رەسەيدەگى DOXA, "مەدۋزا" جانە "ۆاجنىە يستوري" باسىلىمدارىنا قولداۋ ءبىلدىرىپ، مالىمدەمە جاسادى. جۋرناليستەردىڭ اشىق حاتىن DOXA ستۋدەنتتىك جۋرنالى سايتىنا جاريالادى. بۇل تۋرالى centralasian.org سايتىنا سىلتەمە جاساپ، Abai.kz سايتى حابارلايدى. 

"رەسەيدە بيلىككە ۆلاديمير پۋتين كەلگەلى بەرى مەملەكەت زاڭدىق شەكتەۋلەر قويىپ، ايىپپۇل سالىپ، قىلمىستىق ىستەر قوزعاپ جانە قوجايىندارىن الماستىرۋ ارقىلى تاۋەلسىز باق-قا قىسىم كورسەتە باستادى. سوڭعى ايلاردا تاۋەلسىز مەديالارعا جاسالعان شابۋىلدار كۇشەيدى. "شەتەل اگەنتى" زاڭى باسىلىمدارعا بىرقاتار اتقارىلۋى مۇمكىن ەمەس تالاپتار قويادى. ونى ورىنداي الماعاندارعا ءىرى كولەمدە ايىپپۇل سالىپ، سايتتى بۇعاتتاپ، جۋرناليستەرگە قىلمىستىق ءىس قوزعاۋى مۇمكىن", - دەپ جازىلعان حاتتا.

ونىڭ اۆتورلورى "ۆاجنىە يستوري" باسىلىمىنىڭ باس رەداكتورىنا قارسى قىلمىستىق ءىس قوزعالعانىن، DOXA جۋرنالىنىڭ ءتورت رەداكتورىنا قارسى قۋعىنداۋ بولىپ جاتقانىن جانە "مەدۋزانىڭ" "شەتەل اگەنتى" دەپ تابىلعانىن اتاپ وتكەن.

حاتقا The Guardian, The Washington Post, Le Monde, Süddeutsche Zeitung, Reuters, "نەمىس تولقىنى", "ۋكراينسكايا پراۆدا" سەكىلدى باسىلىم جۋرناليستەرى قول قويعان.

رەسەي وسى ۋاقىتقا دەيىن ونداعان باق-قا ايىپپۇل سالىپ، جۇمىستارىنا كەدەرگى جاساپ كەلەدى.

Abai.kz