«شەشىمى بار»  توك-شوۋ جانرىنداعى الەۋمەتتىك حابار. 2020 جىلى جالپى سانى 88 حابار كورەرمەن نازارىنا ۇسىنىلدى.

باعدارلاما اياسىندا 4 وتباسىعا ءۇي بەرىلدى جانە 1 وتباسى 38 جىل كورمەگەن تۋىسىمەن قاۋىشتى. 4 كەيىپكەردىڭ قۇجاتىن جاساۋعا كومەك بەرىلدى. تاعى 1 كەيىپكەردىڭ اياعىنا قۇنى 3 ملن تۇراتىن پروتەز سالۋعا كومەك بەرىلدى. كوپتەگەن كەيىپكەرلەردىڭ ەمىنە جانە تۇرمىستىق قاجەتتىلىگىنە 4 ملن-عا جۋىق قاراجات بەرىلدى. «شەشىمى بار» باعدارلاماسى شەشىمىن تاپپاي جاتقان ماسەلەلەردىڭ ءتۇيىنىن شەشۋگە كومەكتەستى.

«شەشىمى بار» باعدارلاماسى «تۇمار – 2021» ۇلتتىق تەلەۆيزيالىق سىيلىعىنىڭ ۇزدىك توك-شوۋ اتالىمى بويىنشا شورت-تىزىمىنە ەندى. «شەشىمى بار» باعدارلاماسى ارقىلى كومەككە قول جەتكىزگەن كەيىپكەرلەردى نازارىڭىزعا ۇسىنامىز.

«قارتتىقتىڭ قاعىپ ەسىگىن» حابارىنداعى ءمادي وماروۆ 30 جىلدان كەيىن ءوزىنىڭ جيەن قارىنداستارىمەن كەزدەستى.

79 جاستاعى كەيىپكەر.قارتتار ۇيىنە كەلگەنىنە جارتى جىلعا جۋىقتاعان. 1983 جىل الماتى قالاسى ءال-فارابي كوشەسىندەگى وزدەرىنىڭ ءۇيى ورتەنىپ، سول ورتتەن ايەلى ەكى قىزى قايتىس بولىپ كەتەدى. سودان بەرى ومىردەن ءتۇڭىلىپ، اتىراۋداعى دوسىنىڭ ۇيىنە كەتىپ قالادى. اعايىن-تۋىستارىمەن سول كۇيى بايلانىسىن ۇزگەن. ءوزى نەگىزى وتباسىندا ءۇش اعايىندى. ءمادي اعا ءۇيدىڭ كەنجەسى بولعان ەكەن. وزىنەن ۇلكەن اعاسى مەن اپكەسى بولعان. قازىر ەكەۋى دە دۇنيەدەن وتكەن. ەندى ءمادي اعا 30 جىلدان استام ۋاقىت كورمەي كەتكەن تۋىستارىن ىزدەيتىنىن ايتقان ەدى. الماتىعا كەلگەننەن كەيىن ءوزى ىزدەپ بارعان. بىراق بۇرىنعى مەكەنجايىنان كوشىپ كەتكەندىكتەن تابا الماعان. ءمادي اتا اپكەسىنىڭ ءۇش قىزىن كورگىسى كەلەتىنىن ايتقان ەدى. باعدارلاما ۇجىمى ءمادي اتانىڭ 30 جىلعى ارمانىن ورىنداپ  تۋىستارىمەن قاۋىشتىردى.

«قامقورشى بولعان قارشاداي قىز» حابارىنداعى كەيىپكەر ءجانيا بەرىكقىزىنىڭ وتباسىنا 5 بولمەلى ءۇي سىيلادى.

جانيا 3 سىنىپتا وقيدى. ۇيىندە اكەسى، اناسى جانە ءىنىسى سويلەي المايدى، قۇلاعى ەستىمەيدى. III توپتاعى مۇگەدەك. تەك جانيانىڭ عانا دەنى ساۋ، سويلەي الادى. اتا-اناسىنىڭ، باۋىرىنىڭ ءتىلىن وزگەلەرگە ءتۇسىندىرىپ، ولارعا جەتكىزەتىن وسى قىزى.  جاعدايى تومەن، پاتەردەن پاتەرگە كوشىپ جۇرەدى. ەرلى-زايىپتىنى ەشقانداي جەر جۇمىسقا المايدى. پاتەراقىسىن تولەي الماي بىرنەشە رەت پاتەردەن شىعارىپ جىبەرگەن. جۇمىس ىستەتىپ الىپ كەلىسكەن اقشاسىن بەرمەگەن جاعدايلار ءجيى بولعان. مۇگەدەكتىگى ءۇشىن باسىنعان ادامدار كوپ بولعان. قازىر جاردەماقىمەن عانا كۇن كەشىپ وتىر. باعدارلامادان كەيىن ءجانيانىڭ اكەسى تۇراقتى جۇمىسقا ورنالاستى. «جاقسىلىق جاساۋدان جارىسايىق» قايىرىمدىلىق قورى 200 000 تەڭگە قارجىلاي كومەك كورسەتتى. ءانشى روزا القوجا، ايگەرىم قايناربەك، ءمادي يساتاەۆ، ازات وسپانوۆ سىندى ازاماتتار وسى وتباسىعا كومەك رەتىندە كونكۋرس ۇيىمداستىرىپ، جينالعان قاراجاتقا جانيانىڭ وتباسىنا قارعالى ىقشام اۋدانىنان وزدەرى ۇناتقان  4 بولمەلى ءۇيدى ساتىپ الىپ بەردى.

«ۇلىمنىڭ دەرتىنە داۋا ىزدەيمىن» حابارىنداعى كەيىپكەر 4 جاسار ۇلان مۇراتبەككە وتاندىق كومپانيا 400 000 تەڭگە تۇراتىن ءدارى دارمەك پەن ەمىنە كەرەك سۋ سۇزەتىن اپپارات الىپ بەردى.

ۇلان تۋعانىنان «يحتيوز» دەگەن اۋىر دەرتكە شالدىققان. بۇل تەرى اۋرۋى قازاقشا «بالىق اۋرۋى» دەگەن اتپەن بەلگىلى. باعدارلاماعا «G-TIME Corporation» كومپانياسى كەلىپ، قۇنى 400 000 ء(تورت ءجۇز مىڭ) تەڭگە كولەمىندەگى دارىلەرى مەن جاعاتىن جاقپا مايلارىن بەردى. ناتيجەسىندە ۇلاننىڭ جارالارى ازايىپ، العان دارىلەرى جاقسى ناتيجە بەرىپ جاتىر.

«ارمانعا قانات بىتسە ەگەر...» حابارىنداعى كەيىپكەرىمىز ايدار ەرەجەپوۆ 30 جىلدان كەيىن ءوزىنىڭ اناسىمەن كەزدەستى. قازىر ايدار  قارىنداسى مەن تۋعان -تۋىستارىمەن تانىسىپ، جاقسى ارالاسىپ تۇرادى.

ول تۋعان كەزىندە اناسى پەرزەنتحاناعا تاستاپ، ءوزى قاشىپ كەتەدى. سول كەزدە بالانىڭ قولىندا بيركاسى قالىپ كەتكەن. وندا اناسىنىڭ اتى-ءجونى جازىلعان. سودان بەرى اناسى ۇلىن ءبىر دە ءبىر رەت ىزدەپ كەلمەگەن. ايدار 18 جاسىنا دەيىن بالالار ۇيىندە وسكەن. ول اناسىن ەشقاشان كورگەن ەمەس. تەك اناسىنىڭ اتى مەن فاميلياسىن عانا بىلەدى. بىراق وسى اتى-ءجونىن ايتىپ قانشا ىزدەسە دە اناسىن تابا الماپتى. جاقىندا ۇيلەنىپ قىزدى بولدى. ەندى ول ءوزىنىڭ تەگىن، رۋىن بىلگىسى كەلىپ بىزدەن كومەك سۇرادى. باعدارلاما ۇجىمى ايداردىڭ اناسىن شىمكەنت قالاسىنان تاپتى. ايداردىڭ 30 جىلدىق ارمانى ورىندالىپ، اناسىمەن قاۋىشتى. بىراق اناسى ەفيرگە شىعۋدان باس تارتقاندىقتان، ۇلى مەن اناسىنىڭ كەزدەسۋىن جاسىرىن كامەرا ارقىلى عانا تۇسىرۋگە مۇمكىندىك بولدى. جانە وسى حابارداعى اقبوتا قوجاگەليەۆا دەگەن كەيىپكەرىمىزگە تىگىنشىلىكپەن اينالىسۋ ءۇشىن اقىن مۇراتحان شوقان تىگىن ماشيناسىن الىپ بەرۋگە ۋادە بەردى.

«الدانعان ارمان» حابارىنداعى كەيىپكەر ينديرا عابدىعانيەۆاعا «باقىتتى وتباسى» باعدارلاماسى تەگىن تۇرۋعا باسپانا مەن مەملەكەتتەن اسپ الىپ بەرۋگە قۇجات دايىنداپ بەردى.

ينديرانىڭ اكە-شەشەسى اجىراسىپ، اتا-اجەسىنىڭ قولىندا وسكەن. 2005 جىلى  اتا-اجەسى قايتىس بولىپ، الماتىعا اكەسىنىڭ تۋعان اعاسىنىڭ قولىنا كەلەدى. 11 سىنىپ بىتىرگەننەن كەيىن ءبىر جىگىتپەن كەزدەسىپ، ازاماتتىق نەكەدە تۇرادى. ول جىگىتتەن بالا كوتەرەدى. اقىرىندا جىگىتى تاستاپ كەتەدى. بالاسىن "انالار ۇيىندە" بوسانادى. قىزى 2 جاسقا كەلگەندە تاعى ءبىر جىگىتى ۇيلەنەمىن دەپ الداپ، بالا كوتەرگەنىن ەستىگەن كەزدە تاستاپ كەتىپ قالادى. ينديرا ەكىنشى قىزىن دا بوسانىپ ەندى  باراتىن جەرى بولماعان سوڭ بىزدەن كومەك سۇرادى. باعدارلاما ۇجىمى ينديرانىڭ جەرگىلىكتى اكىمشىلىككە قاراستى «باقىتتى وتباسى» انالاردى قولداۋ ورتالىعىنا حابارلاستى. ولار ينديرانىڭ تۇراتىن جەرىن، تاماعىنا سەرتيفيكات الىپ بەردى. رەداكتورلار مەملەكەتتەن الاتىن جاردەماقىسى ءۇشىن كەرەك قۇجاتتارىن وتكىزىپ، ۇلكەن قىزىن جەكەمەنشىك  بالاباقشاعا تەگىن ورنالاسۋىنا كومەكتەستى. ءانشى جازيرا بايىربەكوۆانىڭ ءسان سالونىنا تەگىن سەرتيفيكات بەرىلدى.

«كۇرەسكەر انالار» حابارىنداعى كەيىپكەرلەر ماليكا ەلەۋوۆا، گۇلدانا قالدىباەۆاعا 100 000 تەڭگە كولەمىندە قارجىلاي كومەك بەرىلدى. ەكەۋىنىڭ بالالارىنا ارنايى دامىتۋشى ويىنشىقتار الىپ بەردى. 2019

ماليكا ەلەۋوۆامەن 34 جاستا ءۇش بالاسى مۇگەدەك. ەكىنشى كەيىپكەر گۇلدانا قالدىباەۆا، 41 جاستا جالعىزباستى انا. جولداسى 2013 جىلى توققا ءتۇسىپ قايتىس بولعان. ءۇش بالاسى مۇگەدەك. اۋتيزممەن اۋىرادى. ەكى كەيىپكەرگە دە حابار بارىسىندا كاسىپكەرلەر 100 مىڭ كولەمىندە  قارجىلاي كومەك بەردى. اۋتيزممەن اۋىراتىن بالالارىنا ارنايى ويىنشىقتار الىپ بەردى.

«21 مىڭ تەڭگەنىڭ جىرى» حابارىنداعى گۇلباحار ادىكەنوۆانىڭ جولداسىن اكىمشىلىك تۇراقتى جۇمىسقا ورنالاستىرىپ بەردى.

21 مىڭ تەڭگە تۋرالى زاڭ شىققاننان بەرى اتاۋلى الەۋمەتتىك كومەك الا الماي ءجۇر. 4 بالاسى بار، ءبىر بالاسى سال اۋرۋىمەن اۋىرادى. جاقىندا مۇگەدەكتىككە شىققان. بارلىعى دا مەكتەپ جاسىندا. ءوزى جۇمىس جاسامايدى، بالالارى كىشكەنتاي بولعاندىقتان ۇيدە بالا قاراۋىندا وتىر. الاتاۋ اۋدانىندا وتباسىلىق جاتاقحانانىڭ ءبىر بولمەسىن 50 مىڭ تەڭگەگە جالداپ تۇرادى. باعدارلامادان سوڭ گۇلباحاردىڭ جولداسىن اكىمشىلىك جۇمىسقا ورنالاستىرىپ بەردى.

«ساعىڭ سىنباسىن، سابىرجان» حابارىنداعى باستى كەيىپكەر سابىرجان كەنجەبەكوۆتىڭ اياعىنا سالىناتىن پروتەزىن جاساپ بەردى.

سابىرجان 29 جاستا. ءبىرىنشى توپتاعى مۇگەدەك.تۋعاننان ءبىر قول، ءبىر اياعى جوق. اناسى 2013 جىلى قايتىس بولعان. اكەسى باسقا وتباسىن قۇرىپ كەتكەن. الماتىدا پاتەر جالداپ تۇرادى. ءبىر قول ءبىر اياعى بولماعان سوڭ، جۇمىسقا دا ورنالاسا الماعان. باعدارلامادان سوڭ سابىرجاننىڭ پروتەزىن تەگىن جاساپ بەرەتىن بولدى.

«مەندە دە، قالقام، ارمان بار» حابارىنداعى كەيىپكەر نۇرمۇحامەد وتىنشيەۆكە كاسىپكەر پوپكورن جاسايتىن اپپارات الىپ بەردى.

«بەيىمدەۋ ورتالىعىنا» 2 جىل بۇرىن بارعان.  الماتى وبلىسى، كەگەن اۋدانىندا تۋعان.   بالالارى قاراماي، تاستاپ كەتكەن. ەڭبەكقور، ادال ادام. بۇل كىسى قينالسا دا، جالعىزدىقتان جابىقسا دا قول جايىپ، قايىر تىلەگىسى كەلمەيدى. كەرىسىنشە، وسى قاڭعىباستار ۇيىندە جاتسا دا كاسىپ اشىپ، ەڭبەك ەتكىسى كەلەدى. باعدارلاما ۇجىمى مەن جەكە كاسىپكەردىڭ كومەگىمەن پوپكورن ساتاتىن اپپاراتقا قول جەتكىزدى. نۇرمۇحامەد اتا قازىر پوپكورن ساتۋمەن اينالىسىپ ءجۇر.

«جارق ەتىپ جانسا ءبىر ءۇمىت...» حابارىنداعى كەيىپكەرلەرگە يرم ەكو ورتالىعى ولارعا 50 پايىز جەڭىلدىكپەن ەكو جاساتۋعا مۇمكىندىك بەرىلدى.

حابار بالا كوتەرە الماي جۇرگەن وتباسىلارعا جول كورسەتۋ، ءۇمىت سىيلاۋعا باعىتتالدى. 6 جىل بالا كوتەرە الماي جۇرگەن ەرلى زايىپتى جادىرا قۋاندىققىزى مەن  داستان ماراتوۆقا يرم ەكو ورتالىعى ولارعا 50 پايىز جەڭىلدىكپەن ەكو جاساتۋعا ۇلكەن مۇمكىندىك بەرىلدى.

«ساڭىلاۋدان ساۋلە ىزدەپ» حابارىنىڭ كەيىپكەرى بيبىگۇل وسپانوۆانىڭ قۇجاتتارى جاسالدى.

بيبىگۇل وسپانوۆا ءومىر بويى قۇجاتتارى بولماعان. ءوزىنىڭ قۇجاتتارى بولماعاندىقتان قىزىنىڭ دا نەمەرەلەرىنىڭ دە قۇجاتتارى جوق. باعدارلاما بيبىگۇلدىڭ دە قىزى توعجان مەن نەمەرەلەرىنىڭ قۇجاتتارىن تولىق جاساپ بەردى.

«جاڭا كۇننىڭ باستاۋى» حابارىنىڭ كەيىپكەرى جانياعا كاسىپكەر ساباق ۇستەلى مەن كەرەۋەت سىيعا تارتتى.  2020

الدىڭعى ماۋسىمداعى «قامقورشى بولعان قارشاداي قىز» حابارىنىڭ كەيىپكەرلەرى جانيا بەرىكقىزى كەلىپ قاتىستى. وسى باعدارلاما ارقىلى ءۇي العانىنا العىسىن ءبىلدىردى. ۇيىنە قوناققا بارعان باعدارلاما ۇجىمى جانيانىڭ ساباق ۇستەلى مەن جاتىن كەرەۋىتىنىڭ جوق ەكەنىن بايقاعان. اتىن اتاماۋىن سۇراعان كاسىپكەر جانيانىڭ بولمەسىن جابدىقتاپ بەردى.

«جەل وتىندەگى شىراق» حابارىنىڭ كەيىپكەرى سۆەتلانا شۇكىرباەۆاعا «اسار ۇمە»  قايىرىمدىلىق قورى 6 000 000 تەڭگەگە الماتى ماڭىنان ءۇي الىپ بەردى.

سۆەتلانا 7 بالانىڭ اناسى. جولداسى تاستاپ كەتىپ قالعان. 7 بالاسىن جالعىز ءوزى باعىپ وتىر. 3 بالاسى ينتەرناتتا جاتىپ وقيدى. سۆەتلانا ۇيدە جۇمىسسىز وتىرعان انا. تىگىنشىلىككە قابىلەتى بار بولعان سوڭ، باعدارلاما ۇجىمى بەلگىلى اكتريسا گۇلشارات جۇباەۆانىڭ «شابىت» شەبەرحاناسىنا تەگىن تىگىن كۋرسىن وقۋعا جولداما الىپ بەردى. بولاشاقتا جۇمىسقا ورنالاستىرىپ بەرۋگە دە مۇمكىندىك بار ەكەنىن ايتتى. ال، ەڭ كەنجە 5 جاسار قىزى سالتاناتتى «اريفا» بالاباقشاسى وزدەرىنە تەگىن ورنالاستىردى. حابار سوڭىندا «اسار ۇمە» قايىرىمدىلىق قورى ءۇي الىپ بەردى.

«كونتەينەردە كەشكەن كۇن» حابارىنىڭ كەيىپكەرى نۇرگۇل قۇرماشەۆاعا كاسىپكەر ءۇيىن تولىق اياقتاپ بەردى.

ول جالعىزباستى انا. ءۇش بالاسى بار. جولداسى قايتىس بولعان. بالالارىنىڭ ءبارى مەكتەپ جاسىندا. كۇيەۋى ءتىرى كەزىندە كرەديت الىپ، ءۇي سالۋدى باستاعان بىراق قايتىس بولعان سوڭ نۇرگۇلدىڭ ءۇي سالۋعا شاماسى كەلمەگەن. ءتىپتى پاتەر جالداپ تۇرۋعا دا جاعدايى جەتپەگەن سوڭ، كونتەينەردە تۇرىپ جۇرگەن. باعدارلاما ۇجىمى كاسىپكەر ارقىلى ءبىر ءبىر جارىم ايدىڭ ىشىندە ءۇيىن تولىق ءبىتىرىپ بەرۋگە ۋادە بەردى. بىراق كاسىپكەر ءوزىنىڭ اتىن اتاماۋدى سۇرادى.

«ادالدىق جولى - ار جولى» حابارىنداعى ءبىر ملن تەڭگە كولەمىندە قاراجات تاۋىپ الىپ يەسىنە قايتارىپ بەرگەن سالتانات الىپبەكوۆا دەگەن كەيىپكەردىڭ ۇيىنە الماتى قالاسى ءماسليحاتىنىڭ دەپۋتاتى ەربولات قاسىموۆ تەلەديدار مەن بالالارىنا مەكتەپ قۇرالدارىن تابىستادى.

«بەس بالاعا باسساۋعا»  تيمۋر ۇسەنوۆتىڭ قۇجاتتارى تولىق جاساپ بەرىلدى.

كەيىپكەر تيمۋر ۇسەنوۆتىڭ قۇجاتتارىن جاساۋ ءۇشىن كاسىپكەر بارلىق شىعىندارىن وتەپ بەردى. ول وزبەكستاننان كەلگەننەن بەرى قۇجاتتارىن جاساتپاعان. ازاماتتىعى جوق. ەلگە 1994 جىلى كەلگەن. ۇيلەنىپ 6 بالالى بولادى. وسىدان ءۇش اي بۇرىن ايەلى باسقا ەركەكپەن كوڭىل قوسىپ بالالارىنان باس تارتتى. ەندى اكەسىنىڭ دە قۇجاتتارى تۇگەل بولماعاندىقتان بالالار بالالار ۇيىنە ءوتىپ كەتۋى مۇمكىن. باعدارلاما ۇجىمى تيمۋردىڭ قۇجاتتارىن جاساپ بەردى. تيمۋر ۇسەنوۆ ەندى قر ازاماتتىعى مەن جەكە كۋالىگىن الدى. قۇجاتتارىن جاساۋعا قاجەت شىعىندارىنىڭ بارلىعىن تولەپ، باستىسى بالالار اكەسىنىڭ جانىندا قالدى.

«بولماعان بالالىق شاق» حابارىنداعى قاماش بەگىمبەتوۆاعا  ۇي سىيلادى.

كەيىپكەر قاماش بەگىمبەتوۆا ۇلى ەكەۋى بىرنەشە جىل بويى قۇلدىقتا ءومىر سۇرگەن. ۇلى سانجار 10 سىنىپتا وقيدى. اناسى جۇمىسقا جارامسىز بولعاندىقتان، سانجار ساباقتان كەيىن جۇمىس ىستەپ اقشا تاۋىپ، پاتەراقىسى مەن كۇندەلى ازىق-تۇلىگىن الىپ كەلەدى.

قۇلدىقتا جۇرگەندە مال باعىپ، ءۇي شارۋاسىنىڭ ءبارىن جاساعان. قاشىپ كەتپەك بولىپ قانشا تالپىنسا دا، ۇستالىپ قالعان. كوپ تاياق جەپ، كورمەگەن كورلىعى جوق. سونىڭ اسەرىنەن بولۋى كەرەك قاماش اپايدىڭ كوزى جىلدان جىلعا ناشارلاي بەرگەن. باعدارلاما دايىنداۋ بارىسىندا قاماش ايدىڭ كوزىن تەكسەرىستەن وتكىزدىك. بىراق دارىگەرلەر كوزىن ەمدەۋ ءۇشىن ەشقانداي ءۇمىت جوق ەكەنىن ايتتى. باعدارلاما ۇجىمى قاماش اپايدىڭ قۇجاتتارىن قالپىنا كەلتىرۋ جۇمىسىن باستادى.  زاعيپ انا مەن بالاسى سانجار بەگىمبەتوۆكە «قارەكەت» قورى قۇنى 6 ملن تۇراتىن  217 باسپانانىڭ كىلتىن تابىس ەتتى.

«ءومىر دەگەن ءبىر وزەن» حابارىندا 7 بالانىڭ اكەسى مۇگەدەك جومارت جۇماليەۆ دەگەن كەيىپكەرگە الماتى قالاسى ءماسليحاتىنىڭ دەپۋتاتى قايرات قۇدايبەرگەن 1 ملن تەڭگە كولەمىندە اقشالاي كومەك بەردى. 2020

بۇل قاراجاتتى كوپ بالالى وتباسى ءۇيىنىڭ جوندەۋ جۇمىستارىنا جۇمسادى. ودان بولەك جومارت اعانىڭ اياعىنا قۇنى 3 ملن تەڭگە كولەمىندەگى پروتەز سالىپ بەرىلدى. پروتەزگە قولداۋ كورسەتكەن «اسار ۇمە» قايىرىمدىلىق قورى.

«جيزن بەز راموك» حابارىندا دتسپ-مەن اۋىراتىن جاس سۋرەتشى  اقبوتا وڭعاردىڭ ءوزى سالعان كارتينالارى ستۋديادا ساتىلدى. الماتى قالاسى ءماسليحاتىنىڭ دەپۋتاتى كونستانتين ۆيكتوروۆيچ بولاشاقتا دا ونىڭ شىعارماشىلىعىنا قولداۋ كورسەتىلەتىن بولدى.

«ءومىر ەسەيتكەن ءوندىر جاس»  حابارىنداعى كەيىپكەر ايجان راحيموۆاعا ءۇي بەرىلدى.

كوپ بالالى  انا ايجان راحيموۆاعا «حارەكەت» قايىرىمدىلىق قورى ءۇي سىيلادى. ەكىنشى كەيىپكەر كوپبالالى انا دانا بازارقۇلوۆانىڭ وتباسىنا 300 000 تەڭگە كولەمىندە قارجىلاي كومەك جانە كاسىپكەر جاسۇلان دەنيستانوۆ سپورت تاۋارلارىن سىيعا تارتتى.

ءۇشىنشى كەيىپكەر عاني بەيسەنوۆكە كاسىپكەر تىلەك يۋسۋپوۆ  100 000 تەڭگە قارجىلاي كومەك بەردى.

Abai.kz